پھیلی ہیں فضاؤں میں اِس طرح تِیری یادیں
جس سمت نظر اُٹّھی آواز تیری آئی
ہر دردِ محبّت سے اُلجھا ھے غمِ ہستی
کیا کیا ہمیں یاد آیا جب یاد تیری آئی
تیری چاہت سے گریزاں بھی رھے ، اور ھم نے
تیری یادوں کے بھی انبار ، لگا کر رکھے
کس قدر لوٹ مچی ، شہر نگاراں میں نہ پوچھ
هاں مگر ہم نے تیرے درد ، بچا کر رکھے
دل جو ٹوٹا بھی تو ، تقدیر کو ٹھہرایا سبب
آنکھ بھر آئی تو ، الزام گھٹا پر رکھے
کیسے اُس نے یہ سب کچھ مجھ سے چھپ کر بدلا
چہرہ بدلا، رستہ بدلا، بعد میں گھر بدلا
میں اُس کے بارے میں یہ کہتا تھا لوگوں سے
میرا نام بدل دینا، وہ شخص اگر بدلا
دُنیا کے تذکرے تو طبعیت ھی لے بُجھے
بات اُس کی ھو تو پھر سخن آرائیاں بھی ھوں
پہلے پہل کا عشق ، ابھی یاد ھے فراز
دل خود یہ چاہتا تھا کہ، رُسوائیاں بھی ھوں
کچھ لوگ سمجھنے ھی کو تیار نہیں تھے
ورنہ ہم کوئی عقدہِ دشوار نہیں تھے
ہم اتنے پریشان تھے کہ حالِ دل سوزاں
اُن کو بھی سنایا کہ جو غمخوار نہیں تھے
كوئی بھی لمحہ كبھی لوٹ كر نہیں آیا
وہ شخص ایسا گیا پھر نظر نہیں آیا
پلٹ كے آنے لگے شام كے پرندے بھی
ہمارا صُبح كا بُھولا ،،،،،،،،مگر نہیں آیا




















