يــابن آدم والنهــايه راحلين
مـا رميت الحق هو اللي رمى
خـلّـك أكبر من كلام الحاسدين
وخل عينك تخترق كبد السـمـا
وعن طموحك عزم صبرك لا يلين
لا تـراخـى للـحزن مهما نـمـا
ولا تبيّن للـعرب إنك حزين
لو جروحك تنزف بصدرك دما
اتـكل بـالله وابشر باليقين
والهوى معذور قلبك به عمى
واعرف ان الله يحب الصابرين
لا تشّكى لو تموت من الضما
1
389
انا طموحي للثقيل من الجواهر يالخفيف
ماني بـ أدور عملة .. ما ينعرف صرافهـا
يا عودها وش قصة الارداف والخصر النحيف
قدام اموت " فـ حضنها " ولا انتحر" في اكتافها "
لا يبرد الفنجال !!! وابلش به مثل بلشة " حنيف "
واخذ بدل خمس عشر فنجال بعض اطرافها
لو انها " حمامة " الولهان .. يا وادي ثقيف
ما طاحت دموعي على خدي بعد رفرافها

