‏شافي السبيعي

ياسر بوعلي / عبدالله القعود .. بداية؟ أحسبه سنقل مع ياسر بوعلي، لا كذا الموضوع صار أكبر، ولجهلي ما أعرف هو فنان جديد تقدّمه ستارت، أو موجود وبيقدمونه كـ"بداية" جديدة على اسمهم، واسم قطعة ياسر الأولى اللي دايم يشوف كل شي يسوّيه في الساحة على نجاحاته "بداية". لي مقطع ما نزل، كنت أقول عن مُلحن آخر إنه زي ميسي، كلٍ يحبه، وموهوب بالفطرة، عكس ياسر بوعلي اللي كنّه كريستيانو، دافور، ما قلت في المقطع إنه مب موهوب بس اللي يشوفه يفهم كذا وهذا ( سوء فهم ) لكن واقعي إني ما نزّلت المقطع خوفًا من تفسيره الخاطئ عن مُلحني المُفضّل، وشخص كنت أحبه عمومًا، ولا أزال عن بُعد، المهم: جاني قوايد لتسجيلات ألحان ناجحة، منها ( ما بين أثنين / لا تهجّى ) تخيّل؟ وقال لي خويّي الخاص اللي ورّيته المقطع "من جدك راشد؟ إذا هذا مب موهوب من الموهوب؟" .. دام خويي فهم غلط، كيف الناس اللي ما تعرفني، أو احترامي لياسر، ملحنين ثانين تحبّهم بس ما تحترمهم لأسباب شخصية أكثر من فنيّة، ياسر، ينحب ويُحترم من أي أحد تعامل معه، بل إنك لا شفته تقول "دامه بهالنجاحات وشخصيته كذا .. من أنا عشان أكشخ عالعالم؟". كنا نحكي مرّة، أيام "ناصر نايف - على قدّ المحبة" ويشهد بذلك الموزّع مشاري اليتيم عشان ما يجي أحد ويقول تطبّل له، كنا نحكي عن أرقامه مع ( رابح صقر / راشد الفارس / عايض ) وغيرهم من اللي كانت توب أعمالهم انتشارًا كأرقام بيوتيوب، وتأثير على المسرح، وزرف من ملحنين ثانين، قلت "وماجد" قال "لا الصدق ماجد عنده نجاحات أكبر مع ملحنين ثانين" وهو صادق، كإنتشار نتكلم، ولا ماجد بمسيرته كلها ما عنده شبيه لـ"على طاري الفراق" .. القعود، مُلحّن نجم، من أوائل المُلحنين النجوم، صحيح سهم بصراحة في الخليج زي عمرو مصطفى في العالم العربي، لكنه كان تقريبًا أول مُلحن يطلع لقاءات من جيله بهالقوّة، وهالفلسفة، وأعتقد كان جاي مع سعد الفهد أيام تدشين "ياهي قوية" في اللقاء الشهير مع جُمانة بو عيد لما قال سعد "ما خدمتوا الألبوم" لشركة روتانا للإنتاج آنذاك يوم كانوا فعلاً ينتجون مب يشترون الجاهز، يوم كان الفنان هو اللي يختار، وميزة ياسر بوعلي إنه شغل الأولين، يخلي الفنان يختار وينقّي مب بس لأعماله، حتى لأعمال غيره، ومساهماته مع عبدالله القعود وعودته، وقبله حسن عبدالله اللي قد يكون عانى نوعًا ما في التعامل مع المرحلة الجديدة، حسن شفته مرة في أستديوهات رهوان مع عبدالوهاب، قال "صحيح غبت وفيه جيل ما يعرفني يعني، بس يعرف أعمالي، وبيتعرف عليّ في الجديد، وراجع كمُوسيقي أكثر من صوت يغني، وراجع مع مين، راجع مع الـBest" .. ما علينا، ألبوم قادم من إنتاج ستارت، ثاني بعد نجاح جميل لـ"لا يطقّ العرق - خديجة معاذ" .. أكون صادق، ألبوم خديجة تم خدمته تسويقيًا لكن ناقصه بودكاست يحبّه قليبك مع راشد الفاضل .. وهو مشروع مؤجل غباءً منّي ولا خديجة ما قصّرت قالت "تعال إنت ومايكاتك ودنياك مدل بيست" بس أنا لست ذلك الشخص الاجتماعي وما أحب التجمّعات وهذا عائق كبير في مسيرتي التعيسة،المهم: ألبوم "معاك الحقّ" من إشراف عبدالله القعود، الكبير راجع ومع الكبير .. تجربة مُنتظرة بالنسبة لي، لأنه مب لفنان سعودي، ضد السعودة الفنيّة يا راشد؟ لأ، بس الفن زي ما هو لغة الجميع، فهو وطن، عالم، عالم جميل، ولا صار ياسر له دخل بالموضوع فهو عالم من صنعه وبيعيّشنا فيه .. ذي كلمة قد قالها عن صولو ميديا -رحمة الله عليها- قبل أصير شغّال "صولو" زي الحين .. @_Yalsaadoun 🎼🤍 الفنان يوسف السعدون .. معاك الحقّ .. قريبًا ..