رسائل لم تُبعث

ازهلوني وقت صيّاح النداء واتركوني كان دنياكم بخير البلاء: حنّا مروّضة البلاء ! والصعب بقبالنا يصبح يسير بالرخاء ما نبتغي غير الخفاء وفي الشدايد حنا اول من يصير لا نبيع الطيب في سوق الرياء ولا نساوم بالمواقف والضمير ومن شكى من جور وقتٍ وابتلاء لا زهمنا صار ما يعجز يصير الخطا بلواه من اللي قد بداء ومن بداء يتحمّل للاخير ما تغيّرنا السنين ولا العناء والوفاء فينا على نهجٍ قدير والردي لو زاد فينا بالعداء ما نتلفّت شبر للراس الحقير ننطح الغيمات في رأس الهواء ما خضعنا غير للربّ القدير - خالد عبدالله