بدايه نهايه مرحبا في أمان الله
محبة وفاء وختامها مسك يالغالي
يا كثر العيون اللي تبي شوفتك كثراه
وقلوبٍ تمنى جيّتك دور بدالي
وانا لا سمحت أقفيت واللي وراي أجفاه
أخليه في فاله وانا اروح في فالي
ما كني عرفت اسمه ولا عشت ويّاه
هذا طبعي الاول وذا طبعيّ التالي
– عبدالله بن شايق
وقفت مذهول من كلمة ومن شوف عين
مستغرب اللي سلم من كثرت اللي هلك
ياصاحب الوجه الابيض والكلام الرزين
ماكل حاجه لغيرك لا زم تصير لك
يدور من حول نفسه مره ومرتين
اللي ورى الناس داير مثل دور الفلك
" إذا استقليت في رايك عن الآخرين
صدقني أنك تعيش العمر عيّشت ملك
– ناصر بن مفلح
بعيد النظر لا خاطب العقل بـ المعقول
ماعنده مجامل مع ' قضيه ومع قاضي
يكفيه عن كثر الصخب والعتب والقول ؟
حنين ًعلى الغايب " وسجه مع الماضي
يفضّل يسج الرجل فالارض عرض وطول
ولا يزعجه زعلان / و يزعله راضي .
الثقه بنت السدود اللي ماهيب قريّب
وشرهة الغلطه على الغلطان والمتمادي
من طلع من فوق ظنك فيه قله طيّب
ومن قصر من دون ظنك فيه قله عادي
والله انه مايحنّ الا الرفيق الطيب
لاغلط له غلطةٍ ماله عليها حادي
— مبارك بن رادعه
وش اللي يخلي الابرياء تتبع المشبوه
سوى حاجة ٍ خلف السراجيف مدفونه
ترى من يشوف العالم بنظرة المكروه
يشوفونه العالم بما شافت عيونه
عدو ٍ على وضح النقا ضد من عادووه
ولا صاحب ٍ يستلطف اللي يعادونه
– مسعود آل شعفول