ِّ

اللهم يا من كفانا كل شيء، اكفني ما أهمني من أمور الدنيا والآخرة، وثبتني على ما يرضيك، وقربني ممن يواليك، واجعل غاية حبي وبغضي فيك، ولا تقربني ممن يعاديك، وأدم علي نعمتك وبرك، ولا تنسني ذكرك، وألهمني في كل حال شكرك، وعرفني قدر النعم بدوامها، وقدر العافية باستمرارها 🤍🤍.

معاد طاب لي ممشى ولا طاب لي مقعاد مراحي ومقعادي طريقين مستويه ترا اللي جعلني طول وقتي حزين فواد مسير القدم والنفس مهيب مهتويه الا واهني اللي مشت له على ما راد وانا لازمي من دونه الطرق ملتويه سعيد بن جخدب

اليوم خليتك مطبٍ صناعي أمر وانت معترض واتعداك حنا وطينا فوق روس الافاعي وشلون ناقف عند مثلك وشرواك رشيد الزلامي

سبحان من كوّن أرضه وإستقلّ بسماه والأرض يدخل تحتها من مشى فوقها - صياف الحربي جعله فـ الجنه

يقول : سعد علوش علموه اللي خابت الهقوات فيه لا يجي عقب البطى يدور محله .!

ياسمحة المبسم لايغريك التمادي والعناد ما باقي الا روحِ تحبك ولا ذليتها فاللحظه الحلوه تجيب الذاكرة لحظة وداد وافارق الجلاس واترك هاصها وسبيتها -هاني حمّاد

ان ضربنا ! ضربنا دون المسلّح مانحيده وان ضربتو ضربكم فوق المواطن والمسافر الحديده ؟ والله ان ترجع على ربع الحديده عادة محمد ولد سلمان يعسف كل نافر ! من يعادي دولة ال سعود ماعنده عقيده قبلة الاسلام .. مايكره هواها غير كافر

رجالنا فالمواقف من يجي في نحاه سيلٍ يدوس الجحور السود ما همته -عبدالله السراهيد بعزم الامير الي كتوفه تشيل اثقال محمد زبون الكايدات وحلاياها -هاني حماد معاهدينه كلنا عهد جدّان عهدٍ نبيع أعمارنا ما نبيعه يبو فهد سلّط عليهم كحيلان قل يا محمد لازمك تستطيعه -فهد قطنان

مستامنين وشابعينٍ من القوت والشرق الاوسط فاليمامه زعيمه لا تكثر علومك ولا ترفع الصوت بتشوف تجديد الفعول القديمة من فوق طايرةٍ على ظلها الموت تعرف بعدها ان السلامه غنيمة هاني حمّاد

لو اقدر اصلك يانجمٍ لمعت بسماي الارض ما اظن تعرفني ليّا جيتها من دونك الجاذبيه والنجوم بفضاي اكثر من وجيه ناسٍ ما ظهر صيتها ياليتها من علوم مثل هذي وجاي كان الفرص يوم جتني ما تعديتها بلاي من شرهة ربوعي وفرحة اعداي هذي هي الساعه الي ماتمنيتها –مشعان البراق

وإن ضاع عُمري في وجهك جعله يضيع على الاقل ضاع في حاجه .. جميلة .! - سعد علوش

" مانداني كل رجال فيه انَّ واللي فيه ان بعد مايدانينا البيوت اتجيبها طولة السنّا و الحقوق اتجيبها طولة يدينا "

كن شمس العصر لاحان ميعاد الغروب ودعت وجه البسيطه وطاحت فالحشا

اتركوني في جراهيد الحياه اسحب بساطي لين همّي ينجلي في شامها ولاّ يمنها حشان بن مصلح

هناك أسطورة تقول : الغائب الأحب إلى قلبك سيعود لك في احدى ليالي اكتوبر

ماعاد طاب لي ممشى ولا طاب لي مقعاد مراحي و مقعادي ، طريقيين .. مستويه ترا اللي جعلني طول وقتي حزين افواااد مسير النفس و القدم ماهيب مهتويه الا واهني اللي مشت له على ما راد وانا لازمي من دونه الطرق ملتويّه .

ماني فازع معه واسلمه للضياع وأن لحّقني منه ضيم جروحنا شافيه ماني من الي فعايلهم تجيب الصداع فعايلي دايمً تاتي كذا وافية

عفيت عن كل شي ورحت في فالي لا يعترض لـ الطواري عقب ذا المره ولا يفرح ان مر في بالي ترى بالي ما فيه ملعون خير ما بعد .. مره عبدالله ال لزيوح

{أِنَّ اللهَ وَمَلَائِكَتَهُ يُصَلُّونَ عَلَى النَّبِي يَا أَيُّهَا الَّذِينَ آمَنُوا صَلُّوا عَلَيْهِ وَسَلَّمُوا تَسْلِيِمًا}

لا تمنع اللي منصحً لك من البوح اللي رفيقه دايم امرات عينه حاولت فيك وصرت كنك ولد نوح ناداه ابوه .. ولا ركب فـ السفينه ! الدين فيه العز واضح ومشروح وش خانة الانسان لا ضاع دينه خلا عمر يبني حضارات وصروح حتى كسر كسرى وهو فـ المدينه -عايض العاطفي

من اللي ما فقد غالي من اللي ماشكى غربال من اللي من صواديف الدهر ما لحقته ميله يقولون انصرم عمرك وحيد وقلت يا عذال مقاسيم كتبما اللّٰه وانا مافي يدي حيله –سعود بن مبارك