Pinned Tweet
راح الحجولي گبل
منعوفك الوحدك ومصابك مصابي
مانفع بيهم ملح چا ينفع اعتابي
لو ذاب تعبي الچلب چا واكف ابابي
ولاجنت أوكله بدي وبهالحضن رابي
عضات اصبعي البقن بيها اذكر احبابي
بردت لهفتي وهفت ذاك الحنين الجمر
وماعاد احب واقتنع هوه شبقه بالعمر
مثل النخل انحضن وعيونهم عالتمر 🥀
حلوة منك من شفت دمعي وعبرته
ومن صحتلك وين گلبي
گتلي ماادري وكسرته
وحلوة من هديتني من ايدك علامة
وفات يمك حزني كله وماعرفته
وانه باريتك على گلوب امهاتك
ليل يخنك بالهوى لخاطر شمعته
وانت مثل اول محطة بسفر عمرك
هيچ گلبك يمي ماطالت وگفته
هيچ طفيت الضوه الحاچاك مني
ورجعت ليلي لوحشته 🥀
3
5
176
الشافك من بعد بس راد يهواك
وكل العاشرك ماطول ايام
بس انه الجرعتك رحمة مابيك
خلتني عشرتك جلد وعظام
بكصبه شكد ردت ادفعها وياك
واوالم بيك كوه وماتجي اولام
خرس يحجن سوالف مالهن صوت
ومنو اليجرع حجيهن لسن الاقلام
اليريد يعيش عيب توسل يعيش
يدير اظهورهن للماي الابلام 🥀
6
11
293
چبت كلشي ألتسولـف بي
خيالي وصحوتي وطيـوف
جبت دگات گلبي ألگطعن گلبي
بچفاك سيـوف
جبت صفنات روحي
ألسودنت روحي
مثـل جنـدي بمسيـه
وعـ أليتيمه يحوف
كون تشوف روحي
شخله بيها ألخـوف
وكون تشوف حالي
شگد ألك ملهـوف
كون تشوف
بشفافي ألحـزن
ما خلـه بسمـه تعيـش
كلمن گمت أبوسه
بخـده أطبـع أوف 🥀
4
6
203
گتله شلونه وضعك دمعت عينه
بچة وگال اليفگدك الله اليعينه
گتله الله يسلمك عوفنا من الراح
حطب صارت الشجرة البيها اسامينه 🥀
7
8
214
ما حَنيت
شلون ايامي تنساهَن
عيونك من يمرهن خوف
مو چنت اَبچي ويَاهن
التفاصيل العشتها وياي
صعَب يم غيري تلگاهَن 🥀
6
7
174
حَسبالي چانت شَقه
من گتلي نص الدرب تخلص مواعيدك
بس عاشت ايدك صدگ
بأول محطة غُرب هديتني من ايدك
شگد حسستني بنقص
خليتني اعبر هلي وتگلي ماريدك
ومنك رجعت لهلي
دمعه وجواز وصور ماكفن الجنطه
يم اهلي اضحك چذب
بس والله اشبع بچي من ارجع اتغطه 🥀
3
5
120
لحظة موت عمري
سنيني كلّهن خوف
وبس وياك آمن لمن أوصلّك
و أنت آخر نفس
وشگد عزيز تصير
وبلحظة ألموت تريدنه نملك
خيط أعلى الجرح
باللحم صرت وياي
لو كل الجروح تطيب ما أفلك
تعرف كلشي بيه
وما عرفت شبيك
لغز حلّك لغز
من يگدر يحلك
مثل ضلك أضل
واليل يگضي اليل
من تطلع شمس
من طولك أنزلك 🥀
2
2
118
أميــــ الوائلي ــــر 🥀 retweeted
Replying to @AMIRALWAILY
وحقّ سادة هاشم وصاحب الحوت
ما تبقى قضيتك بيدّه وما تنحلّ
نام وقرّ عينك يا أمير ولا تخاف
ربك بالشدائد دوووووم يتكفّل
افز بالليل مثل الحاكمينه اعدام
وارجف جن سنابل شايفه المنجل
يل حليت قصه يونس من الحوت
معقوله الكلتلك بيها ماتنحل 😔🥀
3
6
183
عبر بيه العمر خلصته بالآهات
آه بآه تسحل والحجي هوايه
صبرناها وعبرنه وماشكينه الآه
إلمن نشتكي وياهو العدل رايه
رسم بوجوهنه خطوط الحزن جلمات
طبع صافي طبعنه بطبع المرايه
تحملنه شكثر من هالوكت شوغات
جرعناها وعبرنه وصارن حجايه 🥀
4
5
197
كمت اتخيلك ترجع واحاجيك
واسولفلك الصار من عفتني
على ياهو اعذرك صارن هواي
بس حجايه اكلك ضيعتني 🥀
8
13
280
كف بأول جرح لا تنلچم مرتين
عاهة يضل اذا مرتين يتخيط
ابتره اليوجعك من الجذر وارتاح
عليمن باقي عثرة وضعك مخربط
يستفحل اذا ماقررت ينهيك
اكطع دابرة من تعوفه يتسلط
مايحمي الضهر لا بالملاكه يفيد
مابي نفع زايد وين ماينحط 🥀
بعد ميفيد اردلك شجره عد حطاب
ماترهم ابضهري الفاسه وانساها
بس انته عشت مثل السهم مسموم
تندل كل حسرتي وشوغتي وياها
اگلك هاذ حدي اتگلي لا غلطان
اشوفنك عيوني تريد مبجاها
اگلك شوف جرحي تگلي حيل زغير
عساها ابختك وكون اتلكاها
واگلك هاذ حدي اوياك يالبطران
ماترهم بعد عشره وطويناها 🥀
2
5
123
اشم ريحة حنين اوجوه
والدنيا بكبرها افراگ
شمل عيني الحلمها انباگ
شمسوين بعيوني
السهر تارس جفنهن گيض
وتساوه النهر بالراگ
اعاتبكم عتب خواف من دنيا اشتهتنا
نضيع يالتردوني انساكم
گبل غنيتكم شمسين چا ياليل وازاكم
گبل بيكم فرح ينشاف لو غلطان راضاكم
گبل لاتتعب الچلمات والزينات وياكم 🥀
3
5
167
اللهم بارك لنا في صباحاتٍ نستفتحها بذكرك اللهم اجعل صباحنا صباحَ الشاكرين وقلوبنا عامرةً بذكرك وأيامنا مليئةً بنعمك ونستودعك فيها قلوبنا
صباح الخير والسعادة 🌹🌺🍃
تعال نكـُف نضرنـه من القديمات
تعال نداوي الجروح الجديده
تعال أقرالك الكاتبهِن بشوگ
والبيت اليعجبك راح أعيده
خل أشكيلك شعايش بلياك!
يجوز أبجي يمك مو بعيده
إذا هـاي النهايه وحدنـا لهنـا
هاي النهايات المـو سعيده
مانتلاگه بالواقع حبيبين
بس اتلاگه بيك بكـل قصيده..🥀
84





















