Absar Alam

برادر۔ ہوسکتا ہے بہت سارے لوگوں کو عجیب لگے لیکن مجھے اس ایشو پر ریفرنڈم کرانے پرکوئی اعتراض نہیں ہے۔ میں کچھ تاریخ پڑھتا رہتا ہوں۔ہر قوم کو خود پر بڑا فخر اور احساس برتری ہوتا ہے کچھ کو زیادہ اور کچھ کو کم۔ ہمارے اکثر افغان/پختون بھائی بھی خود کو دوسروں سے برتر سمجھتے ہیں۔اور بھی دنیا میں قومیں اس احساس برتری کا شکار ہیں۔ دنیا کی قوموں کی ایک دوسرے پر اس برتری احساس کی وجہ سے ہی دنیا بھر میں خون خرابہ/جنگیں ہوتی آئی ہیں۔ جنگ عظیم اول سے پہلے دنیا میں چار پانچ بڑی سطنتیں تھیں۔ جنگ کے بعد شاید بیس تیس ملک تھے۔ جنگ عظیم دوم کے بعد پچاس باون ممالک تھے۔ اس وقت دو سو سے زائد ہیں۔یہ نئے ممالک کہاں سے اترے؟ یہ ان سلطنتوں سے ہی نکلے۔1947 میں ہندوستان ایک تھا،پھر پورا خطہ مختلف ممالک میں بٹا تو تین چار نئے ممالک نے جنم لیا۔ 1971 میں ایک اور ملک نے جنم لیا۔لہذا ملک بنتے بکھرتے رہتے ہیں۔ مجھے حیرانی نہیں ہوتی کہ یہ تاریخی عمل ہے۔ لیکن بعض دفعہ قوموں کو دیکھنا پڑتا ہے آپ کا مفاد کس میں ہے؟ُکیا پختونستان لینڈ لاک ہو کر قائم رہ سکے گا جس کا ہمسایہ افغانستان ہوگا اور پختونستان میں ٹی ٹی پی بھی ہوگی، ملا عمر بھی ہوگا۔ طالبان بھی ہوں گے۔ نہیں ہوں گے تو پھر سول وار ہی چلے گی۔ اس طرح جو لاکھوں پختون اس وقت پنجاب، کراچی/سندھ/اسلام آباد پنڈی میں کامیاب زندگیاں گزار رہے ہیں، وہ واپس جا کر پختونستان میں ایڈجسٹ/absorb ہو پائیں گے؟ کیونکہ پختونستان کا مطلب ہے ہمارے پشتون صرف اپنی سرزمین پر رہیں گے اور پاکستان سے واپس جاکر سیٹل ہوں گے یا پھر ویزے/ورک پرمٹ لینے ہوں گے۔ بقول میجر عامر میں نے ولی خان وغیرہ سے یہی سوال کیا تھا کہ سندھ پنجاب سے واپس آنے والے لاکھوں پختونوں کو آپ پختونستان میں کیسے ایڈجسٹ کریں گے کیونکہ پختونستان کے بعد تو آپ کو سب کو اپنے ہاں واپس لانا پڑے گا؟ میجر عامر کا کہنا تھا موجودہ پاکستان ہی پشتونوں کو سب سے زیادہ سوٹ کرتا ہے جہاں صدر، وزیراعظم، آرمی چیف، چیرمین سینٹ، سپیکر قومی اسمبلی، پرنسپل سیکرٹری ٹو وزیراعظم، بیوروکریٹ، اہم عہدوں پر تقرریاں، نوکریاں، کوٹے، سب کچھ ملتا ہے۔ پورے ملک میں پختون بستے ہیں اور اپنی محنت کی وجہ سے کامیاب زندگیاں گزارتے ہیں اور ترقی کا اہم جزو ہیں۔ اس وقت کراچی میں کابل/پشاور سے زیادہ پشتون ہیں۔ لاہور/پنجاب پشتونوں سے بھرا ہوا ہے۔اسلام آباد پنڈی تو اب پشتون شہر کہلاتے ہیں۔ آپ خود کو معاشی /دفاعی طور پر اکیلے سنبھال پائیں گے۔ اب آپ کہیں گے ہمارے پاس منرل کی بہت دولت ہے، پانی/بجلی ہے، ہم گندم چینی اسلحہ امپورٹ کر لیں گے۔ اپنا دفاع بھی کر لیں گے ۔۔ تو کیا سعودی عرب،کویت، دوبئی سے زیادہ دولت ہوگی جو تمام تر جدید ٹیکنالوجی فوجی قوت کے باوجود ایران کا مقابلہ نہیں کر پارہے اور پاکستان سے دفاعی معاہدے کررہے ہیں۔ آپ کہیں گے ہم کسی بڑی پاور کے ساتھ دفاعی معاہدہ کر لیں گے۔ وہ معاہدے تو ان مڈل ایسٹ ممالک نے بھی امریکہ تک سے کر رکھے ہیں۔ اگر معاہدے کرنے ہیں تو پاکستان کے ساتھ کیا برائی ہے اگر کسی اور پاور کی کالونی بننا ہے؟ پاکستان کے ساتھ رہنا ہی ہمارے کروڑں پشتون بھائیوں کو سب سے زیادہ سوٹ کرتا ہے۔ لیکن اگر آپ لوگ افغانستان پاکستان کے پشتون مل کر الگ رہنا چاہتے ہیں تو کم از کم مجھے ذاتی طور کوئی اعتراض نہیں نہ میں کسی پر اپنی مرضی تھونپ سکتا ہوں۔ میں صدیوں کے اس تاریخی عمل کو کچھ کچھ سمجھتا ہوں۔ توڑ پھوڑ، جنگ و جدل لڑائیاں پھڈے ۔۔۔اپنی قوم/رنگ نسل کا احساس برتری ۔۔ الگ سے رہنے کا رومانس ۔۔سب اتنے ہی پرانے ہیں جتنے ہم انسان خود ہیں۔ 🙏