آلاء

اللبنانيين او الأردنيين مفكرين أن العودة الى سوريا ع الشكل التالي : بتضب أغراضك، بتروح ع الحدود، بتاخد سيلفي مع أغنية رجعت أصالة ع الشام وهوب بتمون رجعت. مش قادرين للأسف يقرأوا المشهد صح اليوم السوري اللي بدو يرجع ، محتاج بيت واذا بيته مو مدمر محتاج مرافق ( مدارس، مشافي ) اللي أغلبها مدمر، محتاج حي وشارع وجيران ومواصلات السوريين خارج سوريا من 14 سنة وبهالسنيين كونوا عائلات وصار عندهم أطفال وصار عندهم حياة مختلفة ووقت بدهم يرجعوا رح يعدوا للمليون قبل ما يرجعوا لان مو سهل ع اي إنسان انو يوقف كل شي ويرجع ، يوقف مدارس أولاده وعمله وحياته ويرجع يأسس من الصفر ، لهيك بشار قصفهم حتى يجبرهم ع ترك حياتهم ويصيروا لاجئين. الناس اللي طلعت من سوريا كبرت 14 سنة وهيك رقم مو قليل بحسابات التردد والقلق من التأسيس من الصفر ، مو سهل نفسيا ولا مادياً ولا اجتماعياً مشكلة سوريا ساهمت فيها دول الجوار وقت قبلوا بحلول مسكنة للمشكلة ( استقبال لاجئين مقابل اسقاط الأسد ) وهي المشكلة محتاجة حل والحل هو إعادة إعمار البلد ف البلاد اللي بدها اللاجئين يرجعوا لازم تساهم بحل مشكلة الإعمار وهذا ليس عطاء او هبة لان نفس الدول اخذت مليارات الدولارات لتطوير البنى التحتية. البنى التحتية هي مدارس ومشافي ومرافق تم بناءها في هذه الدول يعني بالمشرمحي ( تطوير البلد ع حساب اللاجئين) دولة متل لبنان ، تسبب أولادها بهجرة ملايين السوريين وكمان أخذت مليارات ل استقبال السوريين، فهي معنية بالحل ولازم بقى ينفتح ملف التعويضات لان القصة مش دمرنا بلدكم وطنشنا دولة متل الأردن أخذت مليارات الدولارات ل استقبال السوريين ف استقبلتهم بمخيم بالصحراء. مين بيعرف مدى صعوبة العودة وإيقاف الحياة والبدء مرة جديدة من الصفر ، هو أوروبا ، لهيك اللي بدو يرجع بياخد مساعدات من أوروبا مشان يساعدوه ع العودة. لهيك يا دول الجوار يا اشقاء تفضلوا ساهموا بالحل ورجعوا جزء من الأموال اللي اخدتوها ع ضهر السوريين ، و ضغطوا سياسيا ع الدول الكبرى بدعم اعادة الاعمار ودعم الإستقرار ويكفي تمارسوا الشعبوية ع شعوبكم وتلصقوا كل مشاكل بلادكم بحجة السوريين . قبل ما يجي السوريين كنتوا دولة فاشلة وفقيرة وبعد م أجى السوريين فهون بنفهم انو السوريين مش هم المشكلة ب الأساس وسمعوا من سوري وكل سوري : ما كتير سعيدين ب إننا برا بلدنا ، بس ما جبرنا ع مر بلادكم ومنيتكم وأذاكم غير مر الدمار اللي ساهمتوا فيه ب سياساتكم مع ملف إبادة شعب كامل