أحمد سيدي | تسويق وأكثر (@AmbSedi) header
أحمد سيدي | تسويق وأكثر (@AmbSedi) profile picture

أكتب عن التسويق x الذكاء الاصطناعي x ريادة الأعمال لا يفوتك موقع سطور لكتابة النصوص الإعلانية بلهجة سعودية ⬇️

Saudi Arabia
Joined April 2023
Photo by أحمد سيدي | تسويق وأكثر (@AmbSedi)Photo by أحمد سيدي | تسويق وأكثر (@AmbSedi)Photo by أحمد سيدي | تسويق وأكثر (@AmbSedi)Photo by أحمد سيدي | تسويق وأكثر (@AmbSedi)Photo by أحمد سيدي | تسويق وأكثر (@AmbSedi)Photo by أحمد سيدي | تسويق وأكثر (@AmbSedi)Photo by أحمد سيدي | تسويق وأكثر (@AmbSedi)
أنا أحمد… مهتم بالتسويق الاستراتيجي ونمو المشاريع. هدفي من هذا الحساب تقديم محتوى يساعد أصحاب الأعمال على فهم التسويق بوضوح، وتطبيقه بدون عشوائية. (ثريد تعريفي — تفاصيل أكثر بالأسفل 👇)
1
2
810
كل الي تحتاجه للوصول لهدفك وتحقيق حلمك هو التوكل على الله ثم السعي وبإذن الله بتحقق ما تتمنى وأكثر صباح الخير يا وجيه الخير
17
النمو المستدام هو ببساطة إنك تبني مشروعك حجر فوق حجر، وتعتمد على الاستمرارية بدل ما تنتظر ضربة حظ أو ترند عابر يختفي بسرعة. عشان كذا بدل ما تشتت نفسك في تجارب مالها أساس، ركز على الي يحقق نتائج وطور فيه بناء على ردود فعل العملاء. والأفضل تقدم قيمة ثابتة تخلي عميلك يشوفك دائما الافضل والخيار الأول. ومع الوقت، هذا الثبات هو اللي يبني لك هيبة واسم قوي يحترمه الجميع. لذلك الاستمرارية هي السر اللي يفرق بين البراند العادي الي ينسوه الناس بعد اول تجربة، والبراند الثابت والأساسي في حياة الناس.
92
عن اقتصاديات الوحدة أغلب أصحاب المشاريع يركزون على رفع المبيعات وهذا طبيعي. بس فيه سؤالين أهم وهم: كم يكلفني العميل الواحد ؟ وكم اربح من كل واحد ؟ فيه رقمين يجاوبون على هذي السؤالين. الأول هو تكلفة اكتساب العميل CAC: يعني كم صرفت على التسويق مقسوماً على عدد العملاء الجدد. الثاني هو قيمة العميل على المدى الطويل CLV: يعني كم يصرف عندك طوال فترة تعامله معك مو بس في أول عملية. القاعدة بسيطة: قيمة العميل على المدى الطويل لازم تكون أكبر من تكلفة اكتسابه بثلاث مرات على الأقل. كثير مشاريع تطلع أرقام مبيعات تبدو جيدة، بس لما تحسب هذين الرقمين تكتشف إنها تخسر على كل عميل. لذلك التسويق السليم مو اللي يجيب أكثر عملاء، هو اللي يجيب العميل الصح بتكلفة تخليك تربح.
1
125
مرات بعض التجار يدفعون على مؤثر بسبب عدد متابعينه، وبعدين يتفاجأون ليش ما جاء ولا عميل. المتابعين مجرد رقم مو ضمان لنجاح الحملة. مثلا مؤثر عنده مليون متابع ومتوسط مشاهدات إعلاناته ٣٠ ألف، يعني وصولك الفعلي ٣٪ بس. فلازم تحسب هذا الرقم. بعدها تسأل نفسك: هل جمهوره فعلاً نفس جمهورك؟ مؤثر ناجح في الترفيه مو بالضرورة يناسب منتجك حتى لو تفاعله عالي. والنقطة الأخيرة: الإعلان اللي يكون غريب عن محتوى المؤثر الناس تتجاوزه مباشرة لأنها بتعرف انه إعلان، بغض النظر عن حجم جمهوره. القرار الصح هنا مبني على ثلاثة أشياء: معدل الوصول الفعلي، تطابق الجمهور، وطبيعة المحتوى. غياب أي واحد منهم يسبب خسارة ميزانية الحملة على الفاضي.
89
البراند القوي ما يبدأ من شعار أو هوية بصرية. يبدأ من سؤال واحد: ليش العميل يختارك أنت تحديداً وما يروح لغيرك؟ لو الجواب “لأن جودتنا عالية وأسعارنا منافسة” ما عندك تموضع. هذا نفس الجواب اللي يقوله كل منافس لك في السوق. الـ Positioning الحقيقي يعني إنك تملك زاوية في ذهن عميلك ما يقدر منافسك يأخذها منك بسهولة. مو بالضرورة إنك الأفضل، ولكن إنك الأوضح. فولفو = الأمان. ريد بول = الطاقة والجرأة. IKEA = تصميم بسعر الكل يقدر عليه. كل واحد منهم ما حاول يكون كل شيء، يحاول يكون شي واحد مميز مختلف عن الباقين. والتموضع الصح يعتمد بشكل كبير على اجابة هذي الاسئلة. مين انت كبراند ؟ مين عميلك ؟ وليش يختارك ؟ لما تجاوب على هذي الأسئلة بوضوح كل قرار استراتيجي تسويقي يصير سهل من اختيار القناة، الرسالة، المحتوى، حتى التسعير. كلها تعتمد على وضوح ومعرفة التموضع للبراند.
102
فيه مفهوم مهم جدا وهو Share of Voice والمقصود فيه كم حجم حضورك في السوق مقارنة بمنافسيك. والقاعدة اللي يثبتها البحث التسويقي: حضورك في ذهن العميل وقت مو محتاج المنتج/الخدمة فيه، هو اللي يحدد مين يتذكر وقت ما يصير محتاج المنتج/الخدمة الي تقدمها. يعني لو منافسك قاعد ينشر ويظهر بشكل منتظم، هو يبني حضور في ذهن جمهورك حتى لو ما أحد يشتري الحين. ولما يجي وقت القرار، اسمه هو اللي يطلع أول، مو لأنه أفضل، لأنه موجود ويظهر بشكل ذكي ومستمر. والعميل ما يقارن كل خياراته وقت الشراء. يختار من اللي يخطر على باله أول. مين شاف اسمه أكثر، مين سمع عنه من ناس يثق فيهم، مين كان حاضر لما كان يتصفح حتى بدون نية شراء. المشكلة إن أغلب المشاريع تشتغل بمنطق “أطلق حملة لما ابغى أبيع.”، وباقي الوقت مايكون فيه حضور حتى لو محتوى مستمر في حسابات التواصل. وبهالطريقة ما يبنون حضور في ذهن جمهورهم. بايرون شارب في كتابه How Brands Grow يسمي هذا Mental Availability يعني مدى سهولة استحضار البراند في ذهن العميل وقت الحاجة. وهو يثبت إن هذا المتغير هو أقوى مؤشر على النمو على المدى البعيد، أقوى من جودة المنتج، السعر، وحتى التجربة. لذلك الحضور المستمر مو ترف ومو محتوى عشوائي يُنشر وخلاص، هو استثمار في الحضور في اللحظة اللي عميلك يقرر فيها.
96
أكثر غلطة يقع فيها صاحب مشروع جديد: يبني منتج ويطلقه وبعدين يفكر كيف يسوّق له. قبل لا تصرف ريال على إعلان أو تصميم أو محتوى، لازم تجاوب على سؤال واحد: مين بالضبط اللي يحتاج منتجك ووين موجود؟ مو “الكل” ومو “الشباب من ١٨ لـ ٣٥”، هذي ما تتسمى شريحة عملاء مستهدفة. الشريحة الحقيقية تحددها لما تعرف: إيش المشكلة اللي يعاني منها عميلك، كيف يدور على حل لها، وين يقضي وقته أونلاين (في اي منصة)، وكم مستعد يدفع. المشكلة إن بعض اصحاب المشاريع يبدأون بالقناة التسويقية بدون دراسة العميل وبالتالي يضطر يخمن ويجرب قنوات مختلفة، والنتيجة؟ خسارة للوقت والجهد والميزانية. لذلك إذا اخترت القناة الصح بتوصل لجمهورك وتحقق نتايج ممتازة وبأقل تكلفة. ختاماً التسويق مو إعلانات وتصاميم، التسويق فهم و يبدأ من فهم عميلك.
184
أكثر غلطة يقع فيها صاحب مشروع جديد: يبني منتج ويطلقه وبعدين يفكر كيف يسوّق له. قبل لا تصرف ريال على إعلان أو تصميم أو محتوى، لازم تجاوب على سؤال واحد: مين بالضبط اللي يحتاج منتجك ووين موجود؟ مو “الكل” ومو “الشباب من ١٨ لـ ٣٥”، هذي ما تتسمى شريحة عملاء مستهدفة. الشريحة الحقيقية تحددها لما تعرف: إيش المشكلة اللي يعاني منها عميلك، كيف يدور على حل لها، وين يقضي وقته أونلاين (في اي منصة)، وكم مستعد يدفع. المشكلة إن بعض اصحاب المشاريع يبدأون بالقناة التسويقية بدون دراسة العميل وبالتالي يضطر يخمن ويجرب قنوات مختلفة، والنتيجة؟ خسارة للوقت والجهد والميزانية. لذلك إذا اخترت القناة الصح بتوصل لجمهورك وتحقق نتايج ممتازة وبأقل تكلفة. ختاماً التسويق مو إعلانات وتصاميم، التسويق فهم و يبدأ من فهم عميلك.
143
بعض أصحاب المشاريع يحطون سعر منتجهم بطريقة وحدة: يشوفون المنافس بكم يبيع ويحطون سعر قريب منه أو أقل. هذي مو استراتيجية التسعير الوحيدة ولها مخاطر كثير. والتسعير من أقوى أدوات التسويق وأكثرها تأثير على أرباحك، بس للأسف أقلها اهتمام. كثير تجار يقضون أسابيع يختارون لون الشعار وما يقضون ساعة وحدة يفكرون في التسعير بشكل استراتيجي. فيه ثلاث طرق أساسية للتسعير ولازم تفهمها عشان تختار اللي تناسب مشروعك: التسعير على أساس التكلفة: تحسب تكلفتك وتزيد عليها هامش ربح. بسيطة ومباشرة بس مشكلتها إنها ما تاخذ بعين الاعتبار كم العميل فعلاً مستعد يدفع. ممكن تبيع بـ ٥٠ ريال وانت تقدر تبيع بـ ١٥٠ ريال لو العميل يشوف قيمة تستاهل. التسعير على أساس المنافس: تشوف السوق وتحط سعرك بناءً عليه. المشكلة إن منافسك ممكن يكون حاط سعره غلط أصلاً، أو تكاليفه أقل منك، أو عنده مصادر دخل ثانية تخليه يتحمل هامش ربح ضعيف وأنت ما تقدر. التسعير على أساس القيمة — Value-Based Pricing: وهذا الأقوى. تسعّر بناءً على حجم المشكلة اللي تحلها للعميل. لو خدمتك توفّر على العميل ٥٠ ألف ريال سنوياً، تقدر تبيعها بـ ١٠ آلاف وهو يشوفها رخيصة. لأنه ما يقارن سعرك بتكلفتك، يقارنه بالقيمة اللي ياخذها. والغلطة اللي يقع فيها اصحاب المشاريع هي إنهم يتسابقون على تخفيض السعر. يحس إن السعر الأقل يجيب عملاء أكثر. وهذا صحيح، بس يجيب لك العميل اللي يدوّر أرخص شيء. وهذا العميل أول ما يلاقي أرخص منك بريال واحد يروح لغيرك. بينما اللي يدفع أكثر عشان يشوف قيمة حقيقية، هذا العميل يرجع ويكرر ويحوّل لك ناس. لأنه ما اشترى سعر، اشترى نتيجة. فضروري تقعد مع نفسك وتسأل إيش القيمة الحقيقية اللي أقدمها؟ وكم هالقيمة تستاهل فعلاً عند العميل اللي يحتاجها؟ الجواب على هذا السؤال هو اللي يحدد سعرك الصح.
114
أغلب أصحاب المشاريع يركزون على السؤال الغلط: كيف أجيب عملاء جدد؟ السؤال الصح: كم يكلفني العميل الواحد، وكم يرجّع لي؟ هذا اللي يسمونه اقتصاديات الوحدة او Unit Economics، وهو الفرق بين مشروع ينمو ومشروع يحرق فلوس وهو ما يدري. بشكل مبسط فيه رقمين لازم تعرفهم: CAC (تكلفة اكتساب العميل): كم صرفت على التسويق مقسوم على عدد العملاء الجدد اللي جابتهم الحملة. LTV (قيمة العميل على المدى الطويل): كم يصرف العميل عندك طوال فترة تعامله معك، مو بس في أول عملية شراء. القاعدة الذهبية: لازم LTV يكون أكبر من CAC بثلاث مرات على الأقل. لو كانت تكلفة اكتسابك للعميل ١٠٠ ريال، لازم هذا العميل يصرف عندك ٣٠٠ ريال على الأقل عشان المعادلة تشتغل. كثير مشاريع تطلع أرقام مبيعات حلوة من برا، بس لما تحسب وتحلل الأرقام هذي تكتشف إنها تخسر على كل عميل وما تدري. التسويق الصح مو اللي يجيب أكثر عملاء، هو اللي يجيب العميل الصح بتكلفة تخليك تربح.
184
البقالة اللي تحت بيتكم وعمرها ٣٠ سنة قاعدة تواجه تحدي وجودي حقيقي. تطبيقات التوصيل مثل نينجا ونون قاعدة تفتح فروع سحابية في كل حي بمعدلات نمو غير طبيعية. المستهلك تغيّر سلوكه وصار يطلب كل شيء من جواله، واللي يروح البقالة بنفسه صار عددهم أقل وأقل. المشكلة إن كثير من أصحاب البقالات يشوفون التغيير بس صعب عليهم يتحركون ليش ؟ المرونة صعبة: لما تشتغل بنفس الأسلوب ٢٠ سنة وناجح فيه، طبيعي يكون التغيير ثقيل عليك. المعرفة التقنية محدودة: قراءة البيانات وتحليل سلوك المستهلك مهارات جديدة ما كانت مطلوبة قبل، والحين صارت ضرورية. عدم تقبل الواقع الجديد: نفس السيناريو صار مع Blockbuster لما رفضت تتكيف مع الستريمنق وانتهت، وKodak اللي اخترعت الكاميرا الرقمية بنفسها بس رفضت تتخلى عن الفيلم وأفلست. كلهم كانوا عمالقة وما أحد توقع نهايتهم. السوق يتغير وهذا شيء طبيعي. بس اللي يفرق بين اللي يستمر واللي يتوقف هو القدرة على التعلم والتكيف والاستفادة من التقنيات الجديدة.
194
كثير تجار يدفعون مبلغ وقدره للإعلان "مؤثر" عنده عدد متابعين عالي ويستغربون ليش ما جاهم ولا عميل. السبب؟ القرار كان مبني على “أحس إنه مشهور” وبس. ما أحد بحث وسأل: - هل جمهور المؤثر فعلاً يطابق جمهوري؟ - كم متوسط مشاهدات إعلاناته آخر ١٠ مرات؟ - كم معدل التفاعل الحقيقي مو بس اللايكات؟ لو المؤثر مثلا متابعينه مليون ومتوسط مشاهدات إعلاناته ٣٠ ألف، معدل وصوله ٣٪ فقط. ولو التفاعل ١٠٠٠ من ٣٠ ألف مشاهدة فمعدل تفاعله حوالي ٣٪. هالأرقام لازم تحسبها يا صديقي قبل لا تطلع ريال واحد. وفوق هذا كله، توقيت النشر مهم، ولازم المنتج يندمج بشكل طبيعي داخل محتوى المؤثر مو يطلع كإعلان مقحم الناس تتجاوزه على طول. الإعلان مع المؤثرين مو لعبة حظ. هو أربع عناصر: القناة الصح، المؤثر الصح، المحتوى الصح، والتوقيت الصح. إذا واحد منهم غلط، ميزانيتك راحت عالفاضي.
90
تجربة العميل هي ببساطة الانطباع اللي يتركه براندك في قلب وعقل الشخص بعد كل تعامل، وهي اللي تحدد هل بيرجع لك مرة ثانية أو لا. بدل ما يكون كل همنا هو إتمام عملية البيع وبس، الأفضل نهتم بالتفاصيل الصغيرة اللي تخليه يحس بالتقدير والراحة في كل محطة يمر بها معنا في الرحلة. نراقب جودة الخدمة من أول تواصل لين ما بعد البيع، ونحرص إننا نكون قريبين من العميل ونسمع له بصدق ورحابة صدر. ومع الاهتمام الحقيقي، بتلقى العميل يتحول من مجرد "مشترٍ" إلى "مسوق" يمدحك ويثني عليك عند الكل. التميز في الخدمة هو أقوى وسيلة تسويقية، لأن الناس ممكن تنسى الأسعار بس مستحيل تنسى التجربة الجيدة والتقدير اللي حصلته وهي تتعامل معك.
116
الرسالة الواضحة هي ببساطة إنك توصل فكرتك لعميلك بأسهل طريقة ممكنة، وتخليه يفهم "وش الفائدة" اللي بتعود عليه من التعامل معك بوضوح. بدل ما نستخدم مصطلحات معقدة أو كلام إنشائي طويل، الأفضل نتكلم لغة العميل ونشرح له كيف منتجنا أو خدمتنا بتبسط حياته/تحل مشكلته. نشوف وش أكثر شي يهم جمهورك ونركز عليه في كل محتوى ننشره، ونحرص إن كلامنا يكون صادق ومبني على واقع ملموس يقدر العميل يلمسه بنفسه. ومع الوضوح في الرسالة، بتقل الحيرة عند العميل ويصير اتخاذ قرار الشراء عنده أسهل وأسرع. قوة البراند تبدأ من "الرسالة الواضحة"، والعميل دايم ينجذب للشخص اللي يسهل عليه المعلومة ويحترم وقته وعقله قبل كل شيء.
61
في عالم مليان بالأتمتة والرسائل الجاهزة، يبقى "التواصل الإنساني" هو أقوى ميزة تنافسية تملكها في براندك. الناس في النهاية تشتري من "ناس" تثق فيهم، مو من مجرد شعار جامد خلف الشاشة. بناء الارتباط الحقيقي يجي لما تظهر قيمك بوضوح وتخلي العميل يحس إنه يتعامل مع كيان يفهمه ويقدره فعلاً. لا تخلي كل تواصلك مع جمهورك عبارة عن "عروض وبيع"، خصص مساحة لتقديم معرفة تفيدهم أو محتوى يلامس اهتماماتهم بدون مقابل فوري. هذي التفاصيل الصادقة هي اللي تبني علاقة عاطفية تخلي العميل يختارك أنت بالذات حتى لو كان فيه غيرك أرخص أو أقرب او حتى افضل.
52