اسأل عبدالعزيز

— اللهم لك الحمد كما ينبغي لجلال وجهك وعظيم سلطانـك تم منحي رخصة موثوق للإعلانات وعلى بركة الله تمّ فتح باب الإعلانات رسميًا ونعدكم بإعلانات احترافية 👍🏻 مصداقية عاليّة، وبأسعار مناسبة للجميع تواصل عبر الخاص وأبشر بعزّك #استمتع_بالرحلة

— من الخاص 🎙️ قررت اطلع لي سيارة وكاله و رحت الجبر و اعطاني حسبه لقيمة القسط السيارة تطلع علي بقسط ١٢٠٠ ريال لمدة ٣ سنوات و دفعه اخيرة ١٢ الف وشوي وطبعا انا بدفع دفعه اولى كاش ٣٩ الف وشوي ( مع العلم ان راتبي ٤٠٠٠ ) الان السؤال هل تشوفونها تستاهل واتوكل على الله؟ خصوصا اني اعتبر مبتدأه بالسواقه مطلعه الرخصه من سنوات بس ماقدرت اسوق لان ماعندي سيارة وماعندي احد يسعى لي لسيارة مستعمله و نظيفة عطوني رايكم و اقتراحاتكم انا من الاحساء #استمتع_بالرحلة

— من الخاص 🎙️ موظف حكومي الراتب 14664 على البنك الاهلي القروض الشخصية تستقطع 37% السيارة 11.01% العقاري حاليا 5.36% بعد 50 شهر قسطه يصبح 4623 (العقار مأجر سنوي 24) اجمالي نسبة الاستقطاعات لدى البنك الاهلي حاليا 53.37% نسبة استقطاع تمارا وشركة 6.15% اجمالي الاستقطاعات داخل البنك وخارجة 59.52% احتاج الى حل مالي او نصيحة لتخفيف الالتزامات في الراتب احتاج دعواتكم اكثر من الومكم الله لا يحد احد منكم على ذلك #استمتع_بالرحلة

— من الخاص 🎙️ معي 2500 ريال وش ممكن اسوي به وأنا بالبيت لو أطلع من 150 الى 250 ريال بالشهر #استمتع_بالرحلة

— من الخاص 🎙️ راتبي 19500 عندي قرض سكني 3,329 واحتاج قرض شخصي بحدود 140 - 150 الف على مدار 5 سنوات لكن القسط الشهري مابيه يتعدا 1800 هل فيه بنك يعطي ذا المبلغ والقسط لان بشتري سيارة #استمتع_بالرحلة

— من الخاص 🎙️ أنا دفعت عربون لعقار وانتظر سكيب ستي والان تم تغيير الموعد مدري وش أسوي ممكن يرفض التأجيل قاعد افكر اخذ واطلب من اي بنك مستقبلا سداد مديونية مدري وش الحل ؟ #استمتع_بالرحلة

— من الخاص 🎙️ أنا أمر بفترة نفسية صعبة جدًا، وأعاني من اكتئاب وضغط نفسي بسبب خسارة مبلغ 200 ألف ريال في عقود الأوبشن أنا مؤمن إن الفلوس تروح وتجي، والحمد لله على كل حال، لكن اللي متعبني نفسيًا مو بس المبلغ، بل شعور الخسارة والتحسف، خصوصًا بعد ما عرفت إن هالعقود غير جائزة شرعًا، والحمد لله على كل حال، وأسأل الله يعوضني خير الموضوع مأثر علي نفسيًا بشكل كبير، خصوصًا إن زواجي قريب، وما أقدر أأجله، وأحاول أتجاوز اللي صار وأرجع أعيش حياتي بشكل طبيعي، لكن الصراحة الموضوع مو سهل علي أبدًا اللي مرّ بتجربة خسارة مالية كبيرة، كيف قدرت تتجاوزها نفسيًا؟ كيف تقبلت اللي صار، ووقفت تفكير ولوم لنفسك، ورجعت تستمتع بحياتك وتخطط لمستقبلك من جديد؟ أحتاج أسمع من أشخاص مرّوا بنفس التجربة، مو عشان أرجع الفلوس، لكن عشان أتعلم كيف أتعايش مع اللي صار وأتخطى هالفترة الله يعوض كل خسران خير، ويجبر خاطر كل شخص يمر بضيق ما يدري عنه إلا ربي #استمتع_بالرحلة

— من الخاص 🎙️ والله اني خايف اكون دخلت نفسي بورطة كبيرة عندي مؤسسة شغالة من كم سنة واخذت عليها تمويل نقاط بيع بمبلغ ٣ مليون ريال على اساس اتوسع بشغلي القسط الشهري حدود ٦٦ الف لمدة ٥ سنوات يعني اجمالي اللي برجعه للبنك تقريبا ٣ مليون و٩٦٠ الف المشكلة ان المبلغ نزل بحسابي وللحين ما استقريت على مشروع ادخل فيه وخبرتي بالتجارة مو ذاك الزود والله صرت اشيل هم الاقساط كل ما تذكرت اني مطالب ب ٦٦ الف كل شهر سواء ربحت او خسرت يا اهل التجارة وش تشورون علي فيه مشروع ممكن يغطي هالاقساط ويطلع لي منه ربح ولا ارجع المبلغ للبنك واسدد بدري قبل اتوهق اكثر؟ #استمتع_بالرحلة

— من الخاص 🎙️ انا عمري 20 وساكن عند اهلي وتوي متوظف راتبي 6500 اعطي الاهل 1000 و 600 فاتورة الجوال والباقي مصاريف وكذا ابي مكان او شي استثماري احط فيه مبلغ كل شهر ويكون يعود لي بارباح ومتى مااحتجت المبلغ باي وقت اسحبه هل فيه نفس كذا؟ واذا في شي احسن واامن تدلوني عليه #استمتع_بالرحلة

— من الخاص 🎙️ بشتري سعر عقار بـ ٧٦٠ الف وعندي مدخرات ٣١٠ الف والدعم السكني ١٥٠ الف رحت لبنك الانماء قال اعطيك ٣٠٠ الف وترجعها لي ٦٠٠ الف الدبل !! فيه أحد عنده حل غير هالشيء ؟ #استمتع_بالرحلة

— من الخاص 🎙️ صار علي حادث ومعي تأمين شامل والغلط على اللي صدمني 100% وليس معه تأمين تكلفة الاصلاح تقريباً 15,000 ريال بسبب ظروفه بنتفق على انه يدفع 9,000 والباقي انا بتحمله في الحاله هذي هل يكون هناك ضرر علي من البنك او اي شي بحكم ان السيارة عن طريق البنك دفعتين ؟ #استمتع_بالرحلة

— من الخاص 🎙️ انا عميل بنك السعودي الفرنسي وسويت شراء مديونية على البنك الاهلي بتاريخ ٢٠ سبتمبر وسويت كل شي من اخلاء طرف وتثبيت راتب والبنك الاهلي سدد المديونية وخلاص لكن راتبي لين الان ينزل على السعودي الفرنسي والفروقات لسى مانزلت على حسابي ؟ هل التأخير هذا عشان عرض البنك الاهلي لانو معفي من قسطين او كذا النظام تنزل الفروقات بعد شهرين ؟ #استمتع_بالرحلة

— من الخاص 🎙️ عندي كمية كبيرة في سهم الموارد وربحان ٤٠٪ من راس مال ١٢٠ الف هل أطلع ولا باقي له صعود ؟ ملاحظة: ما افهم في التحليل ودخلت على عماها وربحت الحمدلله #استمتع_بالرحلة

— من الخاص 🎙️ يا إخوان هل فيه أحد تعامل مع شركة وحيد لخدمات الأعمال اللي تقدم باقات مرنة؟ مثلًا تدفع 20 ألف ريال ويكون العائد المتوقع 50 ألف ريال أبي أعرف من واقع تجربة فعلية: - هل أحد استلم رأس ماله والأرباح كاملة؟ - كم المدة الفعلية حتى رجع له المبلغ؟ - هل واجه أحد تأخيرًا أو مشاكل في السحب؟ - وهل تنصحون بالتعامل معهم؟ أرجو الرد من أشخاص جربوا الشركة فعلًا وليس مجرد إعلانات أو تسويق الاستفسار بهدف التأكد قبل الدخول معهم وجزاكم الله خيرًا #استمتع_بالرحلة

— من الخاص 🎙️ عندي أمر تنفيذ من المحكمه ويستقطعون ثلث الراتب والأن صدر علي أمر تنفيذ ثاني بسبب تأخير في سداد الايجار كيف بتكون الأليه للخصم؟ وهل المبلغ المتقطع بيروح للأول ولا الثاني؟ #استمتع_بالرحلة

— من الخاص 🎙️ توي جديد بعالم الأسهم و دخلت فيه قبل كم شهر بـ 400 الف و الحين محفظتي نازله لين 320 الف تقريبا ومحتار اصبر ولا ابيع او اعدل المتوسط حقي ؟ #استمتع_بالرحلة

— من الخاص 🎙️ أنا مصور ومخرج أمتلك استديو معدل دخلي الشهري من 30 إلى 50 ألف حسب الموسم العمر 25 ومقبل على زواج ان شاء الله مجموع المدخرات 700 ألف وأحتاج المشورة فيها #استمتع_بالرحلة

— من الخاص 🎙️ قررو لي تقاعد اصابة حرب كيف احسب مكافأة نهاية الخدمة ؟ #استمتع_بالرحلة