من الخاص 📩 عمري 26 وتوظفت من سنتين وراتبي 6900 أبوي ياخذ مني 3000 كل شهر ويقول حق البيت وأنا علي سيارة 1350 وما قدرت أجمع حتى 10 آلاف أصارحه إني تعبت ول ابي فلوس ولاكيف ؟

من الخاص 📩 متقاعدة وعمري 57 ومعاشي 7140 عندي ولدين بالجامعة ومصاريفهم 2600 شهرياً وجاني عرض أشتغل مشرفه براتب 4800 أرجع للعمل ولا أكتفي بتقاعدي والعيال هم يشتغلون

من الخاص 📩 قبل أسبوع اكتشفت إن زوجي مخبي عني قرض أخذه قبل ثلاث سنوات مو المشكلة إنه أخذ قرض المشكلة إني طول هالسنوات أحسب إن ظروفنا المالية صعبة بسبب مصاريف البيت زوجي موظف وراتبه 16200 ريال وعندنا أربعة أطفال ونسكن بشقة إيجارها 36 ألف بالسنة من بداية زواجنا وهو يعطيني مبلغ محدد للمقاضي ومصاريف العيال وإذا طلبت زيادة يقول اصبري علي هالشهر عندي التزامات أنا موظفة وراتبي 8300 ريال وصرت أدفع من راتبي ملابس الأطفال ورسوم الحضانات وبعض الفواتير كنت مقتنعة إننا نمر بظروف مؤقتة وإنه فعلًا مضغوط لكن قبل أسبوع كنت أساعده يرتب أوراقه وشفت كشف تمويل شخصي بقيمة 225 ألف ريال سألته عن القرض وقال أخذه عشان يساعد أخوه يفتح مؤسسة مقاولات قلت له طيب ليش ما قلت لي قال لأن الموضوع بيني وبين أخوي وما حبيت أشغلك فيه سألته هل أخوك يسدد لك شيء من الأقساط قال لا المؤسسة خسرت وهو للحين يحاول يوقف على رجوله قلت له يعني ثلاث سنوات وأنا أشاركك بالمصاريف وأنت تسدد قرض أخذته عشان مشروع أخوك قال أنا ما أجبرتك تدفعين شيء وكل اللي سويتيه كان بموافقتك قلت له صحيح لكن موافقتي كانت على أساس إنك محتاج لمصاريف بيتنا مو إنك ملتزم بدين شخص ثاني رد وقال لو رجع فيني الوقت بسوي نفس الشيء لأن أخوي كان محتاجني أنا ما أعترض إنه يساعد أخوه لكن هل من العدل يخفي عني التزام بهالحجم وهو يأثر على مصاريفنا ومستقبل أطفالنا واللي محيرني أكثر إنه للحين مقتنع إنه ما غلط بشيء

من الخاص 📩 بنتي توظفت براتب 8650 وجمعت 94 ألف تبي تشتري سيارة جديدة بـ 132 ألف وعرضوا عليها تمويل الباقي بقسط 1180 أنصحها تدفع اللي معها وتستدين ولا تشتري مستعملة؟

من الخاص 📩 السلام عليكم انا رجال عندي ولد عمره وصل ٢٥ وللحين رافض يسوق او يتعلم السواقه، افيدونا شلون اقنعه يعتمد على نفسه لانه تعبني وكلف علي مبالغ شهرية على تطبيقات التوصيل. شاكر لك ومقدر تحياتي وأشواقي

من الخاص 📩 بنتي عمرها 24 وتوظفت براتب 6800 ساكنة عندي وما عليها إيجار ولا فواتير طلبت منها تساهم بـ 1000 شهرياً بمصاريف البيت وزعلت أنا غلطان بطلبتي ولا المفروض تتحمل شوي من المسؤولية وتساعدني بمصاريف البيت والعيال لانها كثرت الصدق وانا ما اقدر عليها والان هي زعلانه ولا اعرف وش اسوي

من الخاص 📩 أنا متزوج وعندي 4 أطفال وراتبي 16400 أفكر أتزوج ثانية وتكاليف الزواج قرابة 110 آلاف لان الاولى عوبا وماتسمع الكلام وغثيثه الصدق بخليها تبلش بالعيال بس عندي قسط عقاري 3900 ومصاريف أسرتي 6500 شرايكم اقدر اتزوج تشوفون ولا انتظر لين يضبط وضعي؟؟؟

من الخاص 📩 ملكت قبل 6 شهور ودفعت من جيبي 74 ألف باقي على الزواج 5 شهور وناقصني 43 ألف راتبي 7200 وعندي قسط سيارة 1150 عطون حل تكفوووون قبل الزواج ابي اخلص اموري ومع العلم ان خطيبتي كل يوم حولي وحولي والله تقريباً محولها للان حول 18 الف مدري وش اسوي انا أدخل بتمويل عشان أكمل الزواج أو أطلب تأجيله؟

من الخاص 📩 السلام عليكم انا مهندس كهربائي وراتبي ٥٦ الف في احد الهيئات الحكومية خبرتي ١٠ سنوات وبلغ عمري ٣٢ وللحين ماتزوجت تخوفًا من التكاليف الجانبية اللي تجي مع الزواج لأني اشوف رانبي مايغطي كامل التكاليف والمصاويف بعد الزواج خصوصًا اني اصرف على عيال اختي بحكم ان ابوهم متوفي ابي حل