Barrak

ريڤيو ستارلينك بالكويت/ ايييييه من وين ابدي و من وين انتهي…بس خلص الريفيو لا لحظة خل نبدي اول شي يوم طلبته من موقعهم الرسمي، من شهر 3 و كله تأجيل لي قبل اسبوع وصل يعني نطرت 5 شهور عشان يوصل ، بس من الايجابيات ان كل شهر يتأخر يعطوني كريدت 31 دينار مجاناً يعني عندي 5 شهور مجانية المهم وصل الجهاز و حان وقت التركيب، اقدر اركبه بروحي بس مابي اسوي شي غلط فدقيت علىSama X (موزع معتمد من الغانم) عشان يركبونه وقالولي بالحرف الواحد "دام مو شاريه من عندنا ماراح نركبله لك دبر نفسك" دورت مني مناك لقيت محل يعرف يركبه ( و تره ما يبيله شي بس ناطره 5 شهور مابي اسوي شي غلط و اتوهق ) ، وصل و ركبه، طبعا اللي وصلي الجهاز و ستاند و جهاز راوتر تحطه داخل البيت، تركب كل شي و سوست تيست على السرعة و ال ping و كل شي السرعة الدوانلود وصلت 300 الى 380 mb و الابلود 25 الى 50 mb قبل لا اقولكم اذا سريع او لا جربت راوتر شركات الاتصالات الثابت و المتنقل و جربت fiber و كلهم ما طقوا ال 200 يعني هذا سرعته تعتبر بالنسبة لهم جباااااره الحين انيي حق البينق ( حق الالعاب ) وصل 49 ms و هو يعتبر تمام حق الالعاب بلغة اخرى ماكو تقطيع حق العاب و سويت داونلود حق 1 قيقا بدقيقة ( سرعة جبارة ) جربت ابطل موقع اونلي فانز كنوع من التست و تبطل معاي يعني المواقع مو مصكره ولكن في اوبشن ببرنامج ستارلينك تقدر تصكرهم و هذا شي زين الاشتراك اغلى من اشتراكات النت عندنا (31 دبنار بالشهر) ولكن على هالسرعة انا مستعد ادفع اكثر بعد ماعندي مشكلة ولا ادفع اقل بشوي و النت تبن حشاكم شكراً