عدت هالمقطع يمكن ٦٠ مرة...
زينب بهيك مشاهد بتكون بعالم تاني، نبرتها، نظراتها، والخنقة بصوتها. المشهد كله جميل، بس هالثواني بالذات الهن وقع خاص. أخيرا فاديمة عبرت عن وجعها هي كمان، عم تحترق من جوا وكان لازم يسمع منها انها عم تتأذى...
ومنختم الليلة مع هالمشهد
تصبحوا على خير
ليش لما إيسو أخيرا عم ياخد موقف من عيلته صرتوا تعتبروه غلطان؟ بكون غلطان لما بشوف الأذى مستمر وبكمل ساكت. عمه مستمر بالاذى (لك حتى ثقب السفينة) ظريفة اخر شي قالتله جيب ولد نحمي حالنا فيه! فاديمه هي بوصلته بالحياة وبوصلته لما ضاع بين ولاءاته، وزعلها منه عم يعمل الفرق! زعلها ونضجها
شوفوا كيف كل ما كمل يخبي عنها بيرجع يتورط ويصير اذى، ولما صارحها بعد ما شكت ولحقته (🙏) انشال حمل عن صدره، وصارت واقفة جنبه وهي بتعرف الحقيقة. والأهم إنه الوضوح حق إلها حتى تعرف كيف تتصرف وتقرر. اذا كان مفكر ما رح تفهمه طلع غلطان وتفهمته لأنه اخيرا اخدت فرصة تعبر عن موقفها هي
يمكن تقولوا هلق وقتك؟ بس امنيتي الحلقة الجاية شوف فاديمه قاعدة بغرفة فيها تخت منيح وتنام مرتاحة..حرفيا بدي ياها ترتاح. ملحقة على كل الأطراف عم تكون سند لكل احبابها. حبيبها محتاجها اخوها عم ينسجن اسما مرضانة. يومين بالمصنع بلا اكل بلا نوم بعدها نامت بحظيرة. بدي تاخد نفس بس شوي
بعرف بنتي لك مستحيل ما تكون الا إنسانية ومتفهمة. فاديمه هيك. هي بدها صراحة ووضوح بعد الي عمله معها ايسو. عم تكون قلقانة وخايفة يكون مخبي شي لهيك مكملة بالزعل هي مشكلتها انه ما عم يثق فيها كفاية ليدخلها جواته. ومنيح شددت انها زعلانة لهلق. لانه مو كافي.
لا بس نامت بالحظيرة مشانه😭😭
والله لو يشتري بيت طالعة ريحته ومتل الزريبة لتعيش فيه وهي مبسوطة ورضيانة.
من وين كل هالحب؟
خلص بليز
بالمناسبة انا كنت مجهزة كم كلمة عنها من كم يوم بس شفت كم حدا فيكن بيدعمها وجد ناطر لقاءها مع ايسو وانه مفكرين انه بتستاهله... كل هالأد كرهتوا فاديمه؟ لدرجة دافعتوا عن ظريفة؟ وبقلك منحب ايسو.
بنزل بعدين عنها
بشرفكن .. اعترفوا.. لو برجعوكن هلق اسبوع لورا وبيسألوكن اذا بدكن اصابة لايسو.. رح تقولوا اي كمان مرة؟ والله رح تقولوا لا. قلتلكن مو وقت اصابة ايسو لانه بدنا هدول المشاهد الي عم نشوفهن هلق يصيروا قبل...!!!