સદા અગ્રેસર ગુજરાત..! આવો જાણીએ, મુખ્યમંત્રી શ્રી ભૂપેન્દ્રભાઈ પટેલના નેતૃત્વમાં વિવિધ પહેલ દ્વારા અક્ષય ઊર્જાને પ્રોત્સાહન થકી ઊર્જા આત્મનિર્ભરતા માટે કટિબદ્ધ ગુજરાતના સમાચાર. #અગ્રેસર_ગુજરાત

મુખ્યમંત્રી શ્રી ભૂપેન્દ્રભાઈ પટેલે આજે ગાંધીનગર ખાતે આયોજિત રાજ્ય સ્વાગત ઓનલાઈન જનફરિયાદ નિવારણ કાર્યક્રમમાં ખેતી-ખેડૂત, જનસુવિધા, જમીનના દબાણ, ગ્રામીણ સડક જેવી નાગરિકોની વિવિધ રજૂઆતો અને સમસ્યાઓ પ્રત્યક્ષ સાંભળ્યા હતા. મુખ્યમંત્રીશ્રી દ્વારા સંબંધિત વિભાગના અધિકારીઓ સાથે રૂબરૂ તેમજ જિલ્લા-તાલુકાના વહિવટી તંત્રના અધિકારીઓ સાથે વિડિયો કોન્ફરન્સ દ્વારા ચર્ચા-પરામર્શ કરીને આ રજૂઆતોના તાત્કાલિક નિવારણ માટેના નિર્દેશ આપ્યા હતા.

મુખ્યમંત્રી શ્રી ભૂપેન્દ્રભાઈ પટેલે ગુજરાતની સમૃદ્ધ પ્રાચીન સામુદ્રિક વિરાસતને આધુનિક યુગના આયામો સાથે જોડી માનનીય વડાપ્રધાન શ્રી નરેન્દ્રભાઈ મોદીની પ્રેરણાથી લોથલ ખાતે નિર્માણાધીન દેશના પ્રથમ 'નેશનલ મેરિટાઈમ હેરિટેજ કોમ્પલેક્સ' (NMHC)ની સ્થળ મુલાકાત લઈને કાર્યપ્રગતિની સમીક્ષા કરી હતી. મુખ્યમંત્રીશ્રીએ ભારતના સમૃદ્ધ દરિયાઈ વારસાને પ્રદર્શિત કરતા મ્યુઝિયમ, ગેલેરીઓ તેમજ વિશ્વના સૌથી ઊંચા 'લાઈટહાઉસ મ્યુઝિયમ' જેવા તમામ આકર્ષણો બાબતે આ પ્રોજેક્ટ સાથે સંકળાયેલા ઉચ્ચ અધિકારીઓ અને પ્રતિનિધિઓ સાથે બેઠક યોજીને વર્તમાન સ્થિતિ અંગે વિસ્તૃત માહિતી મેળવી હતી. મુખ્યમંત્રીશ્રી સમક્ષ આ બેઠકમાં NMHCના પ્રથમ અને દ્વિતીય તબક્કા હેઠળ આકાર પામનારી વિવિધ સુવિધાઓ, સાઈટની વિશેષતાઓ, અત્યાર સુધી પૂર્ણ થયેલ તથા આગામી સમયમાં નિર્માણ થનારા વિકાસકાર્યો અંગે વિસ્તૃત પ્રેઝન્ટેશન રજૂ કરવામાં આવ્યું હતું. મુખ્યમંત્રીશ્રીએ પ્રવાસીઓ માટે વૈશ્વિક આકર્ષણનું કેન્દ્ર બનનારા આ કોમ્પલેક્ષની કામગીરી સમયબદ્ધ રીતે પૂર્ણ થાય તે અંગેની સમીક્ષા કરીને મહત્ત્વપૂર્ણ માર્ગદર્શન આપ્યું હતું.