تساؤلات

#تساؤلات | انا و وحده وحبينا بعض فتره طويله ومن اول ما عرفتها وانا حاط ببالي اني ابي اتزوجها و قلتلها هذا الشي يوم جا الوقت المناسب وقلتلها اني بتقدملك صارت اشياء وما كتب الله نصيب بينا و تركنا بعض و احنا حابين بعض و نبي بعض وبعدها بفتره خطبت انا و ملكت على وحده والله اني احبها اكثر من عيوني و كل شي بينا كويس ما شاء الله لكن البنت اللي قبل مو قاعده تطلع من بالي وتفكيري والله حاولت بشتى الطرق انساها ولا قدرت و فيه شي ببالي اصلا يقولي هذي البنت مستحيل تنساها طول عمرك حتى لو حبيت احد ثاني و احس هذا اللي قاعد يصير. المهم اني ابي حل جدي لا احد يقول كلام ماله داعي مابي اظلم خطيبتي وانا صادق معها والله ومشاعري تجاهها صادقه بس مو قادر انسى وش الحل؟

#تساؤلات | السلام عليكم، عندي استفسار وأتمنى تفيدوني. أنا أعرف شخص يمني مقيم بالسعودية، وبيننا تفاهم واحترام، وتقدم لي رسميًا، لكن الوالد رفض بسبب جنسيته فقط. مع العلم إن وضعه المادي ووضع عائلته كويس. وش الخيارات اللي ممكن أسويها بهالحالة؟ وهل فيه حلول إذا كان الرفض فقط بسبب الجنسية؟

#تساؤلات | انا نقلت الى اداره جديده من فتره بسيطه بتزكه قويه من رئيس الشركه والمدير المباشر الي حطوني معه مايحطني في الدائره ولا اعرف وش يدور بينهم ويحاول مايتواصل معي بشكل جيد بهدف انه مايكون عندي علم بالامور الي تحصل داخل الاداره انا ودي اتخذ موقف وش تنصحوني

#تساؤلات | انا انسانه حساسة بشكل مو طبيعي لدرجة النظرة والنبرة يأثرون فيني حتى لو من ناس غريبه امانه ابي شي يساعدني اتخلص من هالشيء شسوي افيدوني وشكرا لكم جميعاً

#تساؤلات | عندي سؤال أنا لي ٨ شهور متزوجه ما حملت والسبب انه زوجي يسافر عشان شغله ودايم يسافر ايام التبويض كيف اغير موعد دورتي ؟ تعبت من التفكير 😞

#تساؤلات | السلام عليكم ورحمة الله لو سمحت اخي الكريم تسأل متابعينك جزاك الله واياهم كل خير وكتب اجرك اهل مكة حي العزيزية وولي العهد وما جاورهما اريد محل عصيرات يبيع عصير قصب السكر الطبيعي

#تساؤلات | بسالكم اللي حملوا على حقن المهجري نجحت معكم اول محاوله بعد الله ؟ بالمستشفى سلمان الحبيب امانه عطونا الأشياء اللي تساعد على نجاح الحمل المجهري بعد إرادة الله اكيد ولا تنسوني من دعواتكم خايفه حيل من التجربة 💔

#تساؤلات | مساء الخير، لي سنة ونص متزوجة، وعلاقتي بأهل زوجي رسمية وطيبة، وبين الزيارة والثانية شهرين، لا أنا أذيتهم ولا تدخلت في حياتهم، وحتى السكن عندهم رفضته عشان أحافظ على حدودي. لكن اكتشفت إن بعض أخوات زوجي يحرضونه علي، حتى في مصروفي وطلباتي واحتياجاتي الزوجية، ويقولون له مو كل شيء تبيه تجيبه لها وإنها طفرّتك، رغم إني والله ما طلبت إلا حقوقي واحتياجاتي، وزوجي من قبل الزواج عليه قروض. والصدمة الأكبر لما قرأت محادثاتهم بجوال زوجي وشفت كلام ما كنت أتوقعه منهم أبدًا، والأصعب إن تحريضهم صار ينعكس على علاقتي بزوجي، لدرجة يرفض طلباتي وتتحول الأمور لمشاكل. انصدمت كيف أكون مسالمة وبعيدة عنهم وما أختلط فيهم كثير، وبالنهاية ألقى كل هالكلام من وراي؟ 💔

#تساؤلات | السلام عليكم أنا من اهل الضمان واحتاج سياره هل فيه جهة تعطي حقين الضمان ع اقساط من الضمان ؟ الله يجزاكم خير الله يعرف لا يبخل

#تساؤلات | السلام عليكم .. أنا بنت عمري ٢٥ سنة بليز بنات اعتبروني أختكم أو صاحبتكم اللي تعز عليكم أنا عشت عمري كله بوسط عائلة بخيلة جدًا ولا عمر أحد جاب لي احتياجاتي ك بنت والآن لما اعتمدت على نفسي واستقليت ماديًا أخيرًا صرت ابي اهتم بنفسي زي البنات وأحس بأنوثتي وجمالي بس مااعرف للميك اب أبد ولا للشعر ابي أتعلم وش تنصحوني من وين اشتري الميك اب ؟ هل اروح سيفورا والموظفة تساعدني أو من وين وبرضو من وين اتعلم ودي اكون فنانة بالميك اب تنصحون اخذ دورة عند ميك اب ارتست أو اتعلم من يوتيوب ؟ والشعر برضو اذا فيه شيء طوركم من ناحية تساريح الشعر بليز دلوني عليه وأكون شاكرة لكم لأني صفر بكل شيء 😔

#تساؤلات | السلام عليكم ورحمة الله حابه استفسر عن تجارب تمهير مساعد معلم تنصحوني ولا اسحب عليهم ؟

#تساؤلات | السلام عليكم، قصتي يشهد علي ربي صحيحة بدون فبركة. عمري ٢٦ لما كنت صغير ب الابتدائي قسم بالله مافي فرض إلا و اصليه جماعة، حتى صلاة الفجر من كثر ما اني كنت حريص صرت أتعود اصحى قبل لا يأذن اتوضى و اروح مشي للمسجد واكمل غفوة عند درج باب المسجد لين يجي العامل و يفتح المسجد، اصلي وارجع اروح المدرسة. الحين صرت مهمل بشكل فظيع ومتكاسل، كل صلاة أفوتها احس ب غبنة وقهر ولما اشوف ناس تروح تصلي بالمسجد انقهر نفسيا واقول ليه ماني زيهم وليه أنا تغيرت. تكفون يرجال أنقذوني والله حتى حياتي صارت كئيبة و مملة وحتى وضعي المادي متدهور.

#تساؤلات | السلام عليكم عندي سوال انا عمري ٢١ وادرس بالجامعه بالجبيل وحابه يكون عندي مصدر دخل من شي اونلاين حتى لو بياخذ مني وقت او جهد عادي عندي وقت فراغ عطوني اقتراحات وابي مصادر بعد دورات تدريبيه تفيدني للمستقبل واحطها بالسيفي علما ان تخصصي احصاء وعلوم بيانات وباقيلي ترمين واتخرج افيدوني بالله

#تساؤلات | السلام عليكم عندي مطالبة لشركة المتحدة للتامين بخصوص حادث طرف ثاني له ٣ شهور ورفعت شكوى دعوه في لجأن المنازعات للتامين واليوم ارسلو لي قرار انها تم رفض دعوه أتوجه لمين الله يجزآكم خير موتري. متعطل فتره ذي كلها ورفعت هئية التأمين يقولون باقي تحت اجراء

#تساؤلات | السلام عليكم انا في ناس تقدمو لي وقبل مااسأل عليهم عل طول قلت لا من غير مااسأل أمي زعلت قالت اسألي وشوفي لا تضيعين نصيبك ومن هالكلام طيب وش الي خلاني ارفض ممكن تشوفونه شي تافه بس والله شي مأزمني مره المشكله بأسناني خلقتها جده صغيره ومفارقه سويت تقويم قبل ست سنوات وللاسف ماتوفقت بالدكتور ماقال لي عالمثبت ورجعت زي قبل ورحت هالمره عالجت التسوسات الي فيها وقالت لي الدكتوره ان اسناني لبنيه استغربت انها ماطاحت وانا صغيره يبي لي اضبطها تقويم وعدسات مااقدر ابتسم او اضحك من غير ماأحط يدي على فمي و هذا سبب رفضي للامانه لان انا لو تقدم لي واسنانه مثلي مارح اوافق بصراحه يهمني الشكل وكلمت أهلي قلت بسوي اسناني لما تضبط يصير خير وقتها واذا في نصيب ربي بيسرها انصحوووني تكفون اعتبروني اخت لكم اوافق ولا ازين اسناني بالاول لان ثقتي بنفسي طايحه بتسألون ليه ماسويتها من قبل الحاله الماديه يادوبك

#تساؤلات | السلام عليكم أنا سويت تدريب للبرزنتيشن قبل العرض الأخير وانا اعرضه في بنت ضحكت عن قصد انها تحرجني ولكني اطلت النظر فيها لثواني وتفشلت حتى القروب اللي معها تفشلوا من حركتها لان بينت النوايا والنقص مع العلم انها تجمعهم ويحشون فيني قدامي وتاشر وتضحك وتسوي حركات بزران وما قد ردعتها لو صار هذا الموقف فالعرض الاخير وكررتها كيف اتصرف اشعر اني ما اعرف اتصرف😔كيف أتعامل مع هالاشكال او بالجامعه عموما تكفون علموني

#تساؤلات | تقدم لي شخص تقريباً عمره وتفكيره مناسب لي ، بس فيه شيء واحد عائق ومتردده وابي نصيحه من قلب صادق ، يقول لي انه مصاب بفيروس نقص المناعة (HIV)من الطفوله بسبب خطأ طبي وانه ياخذ حبه يومياً وماتعيقه ، بس متردده وهل ممكن يصيبني او يعديني ؟ انصحوني انا لسى صغيره معرف شيء

#تساؤلات | السلام عليكم ورحمة اللّه وبركاته محتاجه مشورتكم جزاكم الله خير أنا عزباء وتقدم لي شخص أعزب يصغرني ب ١٢ سنه وأنا للآن أفكر باقي ماعطيتهم رد ، مع انه قال لأهلي انه يبي كبيره ومتفهمه مايبي بنت بعمره هل ممكن الزواج هذا ينجح أو له تبعات في المستقبل ؟

#تساؤلات | زوجي تزوج من اجنبيه الثانيه وانا الزوجة السعودية الاولى لكن عقد الزواج حقهم ظهر عندي في ناجز في الطلبات هل ممكن تزوير موافقتي دون علمي

#تساؤلات | بالله اسألهم احس تفكيري مشوش معصبة شخص خطبني ورفضته للمرة الاولى بعدها خطب مره ثانية وقلنا له بفكر وخلال هذي المرحلة بديت ابحث عنه المهم لقيته يتابع حساب اباحي وانا من يومها مصدومة لانه هو على الواقع مختلف ومحترم وحتى هو تخصصه شريعة وحساباته العامة كلها محتوى ديني وللان أنا مصدومة من التناقض وحسيت احتقرته والله وطاح من عيني مع اني كنت بوافق هل تشوفون هذا سبب للرفض ؟؟ وكيف وش اقول لاهلي بالي لقيته!!؟