شيء ما عمري تكلمت عنه، وأحس جاء الوقت إني أتكلم عنه. القناة كانت واحدة من أهم المشاريع الناجحة في الإعلام الرياضي، واختفاؤها بالشكل اللي شفناه كان مؤسف جدًا. جاتني فرصة أشتغل مع SSC، والحمدلله كانت بداية التجربة جميلة، خصوصًا مع الفورمولا إي. وفي أول أسبوع اتفقنا على العقد، وبعدها بأيام تغيّر كل شيء لأسباب كانت خارج إرادة فريق العمل. وكانت هذه بداية خسارة القناة لحقوق نقل رياضة المحركات، وبعدها حقوق عدد من الرياضات الأخرى. لعلها خيرة، والحمدلله على كل حال. لكن أتمنى يجي اليوم اللي نشوف فيه قناة رياضية عندنا تحط أساس صلب وقواعد واضحة، وتكون الاستمرارية فيها مبنية على استراتيجية طويلة المدى، مو كل ما تغيّر إداري يتغير معه كل شيء. وأتمنى كذلك تكون هناك رقابة صارمة على التحزبات، لأن نجاح أي مشروع رياضي وإعلامي يحتاج بيئة مهنية يكون فيها القرار مبني على الكفاءة والمصلحة العامة، بعيدًا عن أي انتماءات أو حسابات شخصية.