Dane

قبل ما تفتح أورق و تجيب لاعبين و توهقهم حط براسك المعلومات هذي ١- القطاع الربحية فيه صعبه و انك توصل للربحية تحتاج سنوات إلى ما توصل هذي المرحلة و المدة تختصرها استراتيجيتك و شاطرتك ثم ماديتك. ٢- الربحية مهم تعرفها قبل ماديتك لأن بحسب إطلاعي على الأورقات اللي فتحت كانو متوقعين موضوع المادة حل لكل شي وهو اللي يجلب البطولات يدخل بمبلغ معياً ويكتشف انه يخسر يرفع ميزانيته لان الميزانية الاولى ما فوزته بشي ويخسر و على هذا المنوال إلى ما يوصل مرحله (الوهقه). الوهقه: هي انك جبت العيد في مشروعك ، وهو ان صار عندك ميزانية عالية و الربحية تكاد تكون مستحيلة و الصرف عندك صار غير منطقي مقارنة بخطتك اللي كنت حاطها وغيرتها بسبب انها ما فوزتك بطولات و بتدخل بدوامة الصرف اللي بتحطك بين نارين ، نار انك تشوف الصرف اللي تصرفه ما يجيب لك بطولات وتجيك افكار ليش أنا قاعد ادفع المبلغ هذا؟ ليش نعطيهم فلوس دامهم ما يفوزون؟ وهنا (الوهقه) بتقلل الصرف انك ما تصرف على لاعبينك عشان تطلع من دوامة المصاريف العالية ، نار الثانيه هي ان صرفك صار اعلى من استطاعتك وهذا يرجع للأستراتيجية من البداية كانت غلط ونت راح تتحمل عواقبها. ٣-التوسع مو دايم يكون من صالحك مو غلط انك تفتح اورق و تركز على لعبه لعبتين وتحاول بقدر المستطاع تجيب الارقام و تكسب السمعه من اللعبتين ، تبي تدخل بكل شي مره وحده انت قاعد تقتل مشروعك بيدك. ٤- لا تتحمس و تغتر من المقارنة إذا شفت فريق المنافس ، فريق المنافس اقوى منك من كل النواحي إذا كان هو تأسس قبلك و تعلم من أغلاطه و تجنب اغلاط غيره وتجنب مرحلة (الوهقه) ، الحماس و حب المنافسة و الفوز من افضل الأشياء في الرياضات لكن إذا كان لها تأثير على خطط و الاستراتيجية الموضوعه في البزنس حقك فأنت بتدخل مرحلة (الوهقه) و بتوهق لاعبينك/موظفينك. ٥-العواقب بتكتسب سمعه سيئه و بتكون عليك مطالبات مالية كثيره و قضايا و شكاوي كثيره ما راح يغفرلها قوة اسم الفريق حتى لو كان فريقك من الافرقة اللي تحقق انجازات ، و بتوصل مرحلة فشل المشروع و بتطلع بخساير كثيره. الموضوع اكبر و اعمق من النقاط اللي ذكرتها بس ذكرت القليل اللي ممكن شخص يستفيد قبل يدخل القطاع و يشوف ويتعلم من الاحداث اللي ما زالت تصير من اصحاب الاورقات. احنا الان في سنة ٢٠٢٤ و الوعي اعلى من اول كل اللي حاب اقوله ، لا تستغفل و توصل مرحلة (الوهقه).