َٰ retweeted
تقبل مغاتيرٍ و تقفي مجاهيم
ويهب نسناس الصبا في طريقي
ابطيت و انا اجر طاروق و اهيم
و تعبت و انا الحق زفيري شهيقي
قومي تثني لي طرب لين يا الريم
تبرى مجاريحي و ينزل ضيقي
قصايدي — كانت بليا مراسيم
لا ذاك رعادي — ولا ذا بريقي
الى اقبلت مثل قبال المعازيم
ما وقفت لي مثل وقفة رفيقي
جيتي مجي الغيم لـ مخايل الغيم
و آنست ضحكاتي و بليت ريقي
و اللي ما غنى من حزن خاطر وضيم
ماعاش لذات ، القصيد الحقيقي
أهلكني ( التفكير ) : وآدركني اللطف
لطف بي ( الله ) ولا أنا .. كنت راايح
مثل الورود اللي ما تستاهل القطف
ما تحيي أموات القبور : « الضرايح »
مانيب مستجدي ؛ ولا مدوّر العطف
حتى ؛ من « عيون » المزون الروايح
قبل تْخَطفْني مجريات الزمن خطف
ما كنت واقف . . بس ما كنت طايح
أهلكني ( التفكير ) : وآدركني اللطف
لطف بي ( الله ) ولا أنا .. كنت راايح
10
318
قريحتي فاتنه لعيون فاتنتي
وانا اعشق إبداعها فعيون عشاقي
وادرا عليها تقول ادرا على بنتي
وتبيض الوجه يوم تسود احداقي
أنا العن ابليس لين تروح ملعنتي
واسلي الروح بين الورد والساقي
الله يحييك يا مزيونةٍ زنتي
رحتي وجيتي مدبل حسنك الراقي
" البارحه يا بعد روحي تسلطنتي "
وسلطك ربي على كشف آخر اوراقي
ليلٍ سريناه يا قمراٍ تبينتي
ما شعت الشمس عقبه شعت اشواقي
علمتك انك تحكمتي وهيمنتي
واني لو اطير مثلك ماني بلاقي
ماهان بعدك على قلبي ولا هنتي
لو هان عندي فراق مدور فراقي
وفيت والناس خانوني ولا خنتي
ماعاد باقي لي إلا راسك الباقي
تغيروا لكن انتي مثل ما كنتي
قد الثقه يوم وليتك على اعماقي
لاانا تشينت فيك ولا تشينتي
ولا شان ضني معك من فضل خلاقي
مع اني اشك ما شكيت فيك انتي
انا لو اشك فيك اشك ف اخلاقي
- فهد قطنان
َٰ retweeted
عسى نور الصباح اللي يبدد وحشة الاخلاق
فداه جروح ليلٍ بالهوى يسرق محبينه
على قلبي سهومٍ ما قوَتها زمرة العشّاق
لها عامين تسرق عافيَته و تسرق سنينه
لو انه بالهوى ما هو لحاله ضايق و توّاق
لكنه طاح طيحة قيس ليلى لو خفى شينه
عليك من السلام اللي فقده القلب والخفّاق
يا خلٍ لو تغيّب ساعته قلبي نشد وينه ؟
ترى عاشقك ما في معجمه لو رحت بـ الطقاق
خويّه بالدجى من غبت هاجوسه و تلحينه
يسولف للقمر و الليل و يفضفض لهم مشتاق
لو تشوفه تقول ان ضارب فيوزه على حينه
رسم فالبال صورتك الجليّه لو تجي بـ اوراق
غدت صفْحَته لحمه دام مصدر حبره بـ عينه
اشوفك روح عمري مثل لون الرسم دونه عاق
الا وش خانة فنون الرسم من دون تلوينه
تعال و ربّع الدار الخليّه داخل الاعماق
بدونك عايش الغربه يتوه بمرحلة بينه
تعال و عوّض جروح الجفى بالوصْل والإعناق
مادام ان حضنك ان ضم الحجر يبدا لنا لينه
تعال اقطع علاقة عاشقك في جرح ماينطاق
ترى ذروة فرحه ان صافحت يدّيك يدينه
رحيلك دون سبّه مثل كاس المر ما ينذاق
يزيد الجرح بـ حشاي و يزوّد معه تمكينه
يموت الهايم بقصّة غرامه دام فيه فراق
لو انّه حي ميّت بـ الشعور و ربّي يعينه
يجف الحبر في وجه الورق مع جفّت الاحداق
ويموت القلب من رجي الرجوع وكثر تخمينه
خالد بن كريفيس









