امونة يا جماعة

المصريين بيعشقوا نموذج الأم المضحية الراهبة اللي بتنسى نفسها عشان خاطر ولادها. ومع ان الاختيار دة يُحترم جدا لكن في سبيله ممكن *البعض* يحتقروا كل النماذج التانية اللي عاوزة ونس وسند او حتى فرصة تانية في الحياة وساهم في دة بعض الأمهات للأسف اللي مروا بظروف مشابهة وكبّروا ولادهم على تقديس تضحياتهم لحد ما اقتنعوا بقصد او غير قصد ان أي أرملة تتجوز تاني متبقاش محترمة مع ان المفروض دة حلال وحلال ربنا ميزعلش. هحكي موقفين حصلوا ادامي.. واحد زميلنا في الشغل يعني كبير مش طفل وكلنا عارفين ان والده متوفي، لما جت مناسبة انه يقول ان عنده زوج أم حكى لنا قصة ليه أمه تجوزت تاني -من غير ما حد فينا يسأل كإنه بيبرر- أصل امي مرت بحالة نفسية سيئة بعد وفاة والدي وكانت بتتعالج من الاكتئاب بسبب الوحدة والمسؤوليات فاضطرت تتجوز تاني مع إن زوجها الحالي يشرّف رجل محترم ودكتور جامعة وكان أمين عليه هو وأخته بس كان محرج وهو بيعرفنا عنه. موقف تاني ..👇