Smilo

كما وعدناكم في سلسلة #ارتكازي_عكازي كيف أحدد السهم ارتكاز أو لا؟ وش أهم الفلاتر المستخدمة؟ وش البيانات المهمة للشركة؟ مناطق الدخول والخروج؟ هذي كلها أسئلة بنجاوب عليها بإذن الله في السلسلة القادمة من التغريدات مع مثال عملي. بعد ما شرحنا في السلسلة اللي فاتت عن أسهم الارتكاز وفكرتها وأساسياتها، بنبدأ نتعمق فيها الآن بإذن الله، وأنا أضمن لك بإذن الله إنك ترتكز بنفسك بعد السلسلة هذي وتصير. أول شي نحتاج ندور شركات مقسمة تقسيم عكسي الفترة القريبة محد سألني ليش؟ أنا أقولكم ليش عدة أسباب، ومن أهمها عندنا في ناسداك شي اسمه الامتثال السعري، لما سهم يقسم تقسيم عكسي ينتظم أنه ممثل لشروط ناسداك وأنك في بر الأمان شهرين قدام. وش دليلك يا بوشو؟ أي سهم يقسم تقسيم عكسي ويقفل سعره فوق دولار لمدة 10 أيام يكون في بر الأمان 90 يوم ما راح يجيه شطب أو عدم امتثال في ناسداك. فهمنا ليش ندور سهم توه مقسم تقسيم عكسي، طبعاً غير أن عدد أسهمه تكون قليل، يعني أي سيولة تدخل فيه تخلي السهم يحلق على بركة الله 🚀 خلصنا من أول شرط (تقسيم عكسي)؟ نروح للشرط الثاني: محقق أدنى سنوي أو قريب منها. أدنى سنوي تعتبر منطقة ارتداد قوية، لو ارتد منها أو ثبت عليها يكون هذا تأكيد دعمك ومنطقة دخولك. لو كسرها؟ تنتظره لين يغلق 5 جلسات إلى 3 جلسات فوق منطقة دعم جديدة ويكون دخولك منها بعد تأكيد الارتداد 👍 تحسبون خلصنا؟ تو قلنا بسم الله 😁 السعر: من 1.5 إلى 15 ليش 1.5؟ يكون ثباته أفضل وبنى مناطق دعم، وحتى لو هبط ونزل ما يكون زي السنتات (كل سنت ينزل فيه يكون 1% من رأس مالك). الفلاتر الإضافية: • الماركت كاب: كل ما قل كل ما كان أفضل (مايكروكاب) • الفري فلوت: حد أقصى أو حاول ما يتجاوز 3 مليون • مؤشر RSI: كل ما قل كل ما كان أفضل • ماكدي سلبي • المتوسطات المتحركة • الشورت على السهم ما يكون عالي، وما يكون فيه قروبات داخله!!! طيب ليش الماكدي سلبي والrsi ادنى شي 🤔🤔 ؟ هنا تبرز فكرة الارتكاز اسهم وصل لادنى هبوط له غالباً ماراح يهبط أقل من كذا طيب أنت تسولف لك شهر يا بوشو ولا وريتنا شي عملي؟ أبشر، وبطبق كل شي قدامكم وبتشوفون بعيونكم. الآن ندخل ويبيل مع بعض، نسوي فلاتر ارتكاز، نحدد مناطق دعم ووقف وأهداف، نراقب وندري الشارات زي ما أنتم شايفين جهزت الفلاتر في منصة ويبيل، بحثت عن سهم: • ارتد من أدنى قاع سنوي • مقسم عكسي • الماركت كاب فيه قليل • عدد الأسهم قليل • باقي أتأكد من الشورت • وأشوف وش عندها الشركة إعلانات (يعني لو الشركات الصغيرة زي كذا لو جاها خبر بسيط ترا يرفعها 20% أقل شي 👍) تقريباً حددت مناطق دخولي 1.18 إلى 1.25 وقفي بيكون يدوي تحت 1.10 هدف والهدف اللي بعده تقريباً… ملاحظة مهمة: هل هذه توصية؟ لااااا إطلاقاً، ماهي توصية وهذي مثال فقط لاغير. أبحث عن الشركة وشف وضعها وتاريخها في التقسيم وإيجابياتها وسلبياتها. اللهم إني بريء من كل واحد يشتري في الشركة بناءً على المثال اللي سويته. في النهاية هذا ماهو سر مخبي ولا طلعته من دهاليز وول ستريت ولا لقيته مدفون في تجوري. هذا الكلام والمعلومات والأمثلة والشرح كلها من حساب أخونا فيصل @kisar_ بارك الله فيه وفي عمله وزاده رفعه، وأجر على ما يقدمه لنا وجزاه الله خير الجزاء. ولا تنسوني أنا بعد والمسلمين من دعواتكم في هذه الأيام المباركة ❤️ ملاحظة ** تحليل السهم تم قبل 10 ايام تقريبا السهم اقفل تحت مناطق الدخول وفشل التحليل شاركنا الاجر وشارك في اغلاق حال مسنة عليها فاتورة كهرب 👇🏼

مثال بسيط وعملي لفلترة وتحديد اسهم التقسيم الشورت المؤشرات سلوك السهم بعض المعلومات البسيطة اعتذر الشرح كان على عجالة وودي افصل اكثر لكن ابشرو بالعوض 🫶🏻 10 دقايق بس عشان احصل سهم واشوف الشورت والموشرات على عجل وباقي ماحددنا الدعم والمقاومة الخ،،فما بالك لما احلل مجموعة اسهم

ويبل سكرينر حط الفلاتر اللي فالصورة واضف عليها RSI بيطلع لك قريب 200 سهم الاسهم هذي غالبا بيني ستوكس وتعتبر زبدة ناسداك ابحث عن سهم هابط بعد ارتفاع محافط على دعم توه مقسم تقسيم عكسي ولا ارتفع راقبه كم الشورت المؤشرات المتوسطات الدعوم هل عليه قروبات؟ هذي اول خطوة في صيد الاسهم

رابط موقع الشورت للاسهم تبحث عن اسم السهم تروح لـmore بعدها تختار اللي مكتوب جنبها CTB يطلع لك عدد اسهم الشورت والفائدة 👍🏻 بالتوفيقققق 🫶🏻 اللايك والرتويت بتساعدني كثير ❤️🫶🏻 chartexchange.com