Jamal

قبل الجولة الأخيرة من مرحلة كلاوسورا دخلت فرق بوكا جونيورز وأرجنتينيوس جونيورز وروزاريو سنترال بهدف واحد: الفوز وانتظار تعثر المنافسين لتحقيق لقب الدوري الأرجنتيني. للفهم بشكل سريع: الدوري في الأرجنتين متقسم لمرحلتين أبرتورا وكلاوسورا، كل مرحلة ليها بطل، ومن السنة اللي فاتت بقى في بطل تالت وهو اللي بيحقق أعلى عدد من النقاط في المرحلتين. قبل الجولة ما تبدأ: بوكا 60 نقطة وأرجنتينوس 60 وروزرايو 59. أرجنيتينوس خسر من هوراكان 2-0 بالتالي خلاص برة، روزاريو كان كسبان 2-0 وبوكا خسران 1-0 وده معناه أن روزاريو هيكون البطل للجدول التراكمي للسنة التانية على التوالي. جماهير ولاعبي روزاريو بدأوا الاحتفالات في أرض الملعب خلاص لأن بوكا جونيورز كان متعادل 0-0 والمباراة في آخر ثواني، وفجأة الوجوم يعم الوجوه لأن في لا بومبونيرا، إينير فالنسيا سجل جول في الدقيقة 96 وفاز بوكا باللقب بفارق نقطة. دلوقتي هيكون قدامنا مرحلة الإقصائيات من الكلاوسورا عشان نحدد البطل الأخير السنادي ونشوف قصة الـ 4 سوبر اللي بيتلعبوا وحاجة آخر هم يا أرجنتين طبعا مبروك لعمر مختار محلل الأداء المصري الموجود في الجهاز الفني لبوكا جونيورز مع أروابارينا xitter.gq/TotoTermo2/status/2119…