Sebb

Twifashishe inyandiko y'Ikinyamakuru Igihe yo ku wa 10 Kamena 2012, icyo gihe wari ukiri umwana, dore uko basobanuye amezi mu Kinyarwanda kandi ubufate ntuzongere kwibeshya ukundi, ndongera mbikubaze. Twagjye⤵️ Mutarama: Ni ukwezi abantu batindaga kuryama bari mu gitaramo kuko nta mirimo babaga bafite ituma bazinduka. Gashyantare: Ni igihe cy’izuba rikaze cyane ku buryo nta bantu baba bakicara ku ntare (amabuye) kubera ubushyuhe bwinshi bukomoka kuri iryo zuba. Werurwe: Ni ukwezi kw’imvura nyinshi, mu magambo arambuye bakwita “Werure ugwe”. Mata: Ni ukwezi urwuri ruba rutoshye cyane, inka zikarisha zigahaga zigatubura umukamo. Gicurasi: Ni ukwezi kw’ibicu byinshi bibyuka bibuditse hasi. Kamena: Ukwezi kw’amasaka aba yeze cyane yabaye menshi. Kwitwa Kamena kamena amasekuru. Nyakanga: Ukwezi kw’izuba ryinshi, inka ziba zishonje kubera kubura urwuri, bakakwita Nyakanga kanga amabuguma (inka zishaje). Kanama: Ibintu byose biba byanamye kubera izuba ryo muri Nyakanga, bakunze kukwita Kanama kanamiye Nzeri. Nzeri: Ni ukwezi ibihe biba bitangiye kumera neza, ibyo bahinze biba bitangiye kwera. Ukwakira: Ni ukwezi ko kwakira imyaka ibyo bahinze biba byeze. Ugushyingo: Nyuma yo kweza cyane no gusarura byo mu Kwakira, hahita haza ukwezi ko guhunika imyaka, kukitwa Ugushyingo gushyingura ukuboza. Ukuboza: Imyaka iba igenda isaza kubera kubura izuba aho ihunitse, indi ikiri mu mirima kuko iba yareze ntisarurwe bikayiviramo kubora. Bakakwita rero Ukuboza kuboza imyaka. Cyakora hari amanota make naguha, nko kuba wabashije kuvugamo ingingo nke bijya guhura. Hanyuma iyi nyandiko yandukure iwawe, uyihe abagukurikiye barenga 5.5M.

Ku bijyanye n'ibiruhuko icecekere, Uribuka ko ku minsi mikuru twanyweraga bière ku Kibuga cy'indege i Kanombe, nta n'icyo byabaga bidutwaye, icyo gihe twagira indege imwe rukumbi, na yo ishaje! Yagwaga i Kanombe rimwe mu kwezi, niba ntibishye atari rimwe mu gihembwe. Nta kazi kakorwaga uwo munsi. Byari birenze konje. Iyo so Habyarimana yavaga mu rugendo mu mahanga, uribuka ko guhera Remera kugera ku kibuga, abaturage barangajwe imbere n'amatorero, twamubyiniraga ngo akomeze arambe mu Rwanda. Ku bakozi ba Leta, akazi kakorwaga amasaha make ya mu gitondo, ikigoroba abategetsi benshi babaga basinze, dore ko amafirigo yo mu biro byabo habaga huzuyemo inzoga z'amoko yose. Tugaruke ku makonji, buri mwana wagiraga umunsi mukuru iwanyu: kubatizwa cg isabukuru, abategetsi b'uyu mujyi bose ntawakoraga, bizihizaga umunsi mukuru wa mwene Habyara n'iyo babaga batatumiwe, barebaga aho bikopesha agacupa ngo bagushe neza umubyeyi. Ntibyari konje gusa byari ukwiryamira abantu bagahwera. Reka nkwibutse akantu kamwe iyo umuntu yayoboraga urwego imodoka z'urwo rwego zose zatahaga mu rugo rw'umutegetsi. Uyobora ibitaro na ambulances zatahaga iwe, zigatwara abakozi be guhinga no kwahira ubwatsi bw'amatungo ye. Uribuka ko ubworozi bwari bwiganje ko bwari sumbirigi. Umuturage urwaye agatwarwa mu ngobyi cyangwa agapfira mu rugo. Ntacyo byari bibabwiye mwe! Mwe se ko mwakororaga Falcon 50 yabatwaraga byihuse i Paris. Nguhe urugero se? Reka nkubikire ibanga... Mu byaro umurimo wari uguhinga, ibindi byari amahirwe. Buri wa Gatatu , abaturage bo muri serire bose bahuriraga hamwe mu cyitwaga animasiyo, bagahimba imbyino n'indirimbo bisingiza umubyeyi Habyara n'ingoma ye. Ababurugumesitiri muri raporo, batangaga bagombaga kugaragaza uko animasiyo zagenze buri kwezi. Iminsi yose yari konje, na ducye abantu bashoboraga kweza badutwaraga guturwa abategetsi. Wa muhungu n'iki uza gutangaho amasomo aha mu Rwanda rw'ubu, utarabanza kwitandukanya n'ingoma ya so yari yarahejeje Abanyarwanda mu mwijima. Reka mbere y'uko nkusezera nkwibutse ikindi kimwe, mu byaro ku mashuri abanza byari bibujijwe kwambara inkweto. Tekereza! Kurwara imvunja ari ihame ngo ni isoko y'umukiro. Bajye bakundekera tuganire, twibukiranye iby'ubutegetsi. Twese tuvuka ku bategetsi. Ugire ijoro rihire!