العقيد retweeted
خاويت لي رجلٍ يسبونه الناس
ابعرف العالم وراها تسبه
ولقيت له في قمة المجد مجلاس
يعطي العطا ومكملٍ حق ربه
اهل الحسد لا غاظهم طيّب الراس
عجزوا به وسبوه من دون سبه .
العقيد retweeted
#ماذا_لو_عاد_مبتسما
لاتخسر الطيب على شان زله
ياما عن الزلات ناسٍ تغاضت
سلّم عليه وقابله في محلّه
وأترك كلام اللي بالاعراض خاضت
ناسٍ تفرق بين خلٍ وخلّه
ويغيضهم صلح العرب لاتراضت
#سعود_عايد_العلوي_الحربي
العقيد retweeted
لمن تقال هذي الابيات :
حبّوك يوم المشكله مالها حل
وذموك يوم أمست معاك محلوله
جنايزٍ منها السوالف خذ وخل
مدفونةٍ لكن ماهيب مغسوله
مانيب قايل ليه صار الغلا غل ؟
الحسد ماغيّب عن الأرض زوله
محرقهم إنك صاير الكل بالكل
وإنك قدرت تسوي اللي تقوله .
العقيد retweeted
النعمه الكبرى على كل مخلوق
الصحه اللي مايحسّبْ ثمنها
جتنا بلا منّه من المعتلي فوق
ولابد مانسأل لنا يوم عنها
السمع والاحساس والشم والذوق
وارزاق تترى عاشت الناس منها
نعمه عظيمه واشكروها لها احقوق
واللي شكرها في حياته ضمنها
#سعود_عايد_العلوي_الحربي
العقيد retweeted
أمسح دموع اليتيم وباعد أحزانه
خله يعيش بمعزّه وأسعد أوقاته
خل التعامل معه في رفق وأمانه
حتى. يعوض حنانٍ بالزمن فاته
تكسب لأجرٍ من اللي عاليٍ شانه
الواحد. اللي تعم الخلق مداته
واللي يعينه كريم ويبذل أحسانه
من شان يبعد عن المهموم لوعاته
#سعود_عايد_العلوي_الحربي
العقيد retweeted
من لا سأل عني وقدّر ظروفي
والله لاسلي خاطري وتناساه
لو أنه أغلى من عيوني وشوفي
من باعنا بالهون بالرخص بعناه
وحنا علينا المخطيه ماتطوفي
ودرب المهونه نتركه وأنتعداه
والطيب عند اللي يراه مخلوفي
وكلٍ. يبين موقفه فعل يمناه
#سعود_عايد_العلوي_الحربي
العقيد retweeted
ياحاسد الناس خل الناس واتركها
مالك وراها مصالح يوم تشْغلها
أماّ تجمّل بكلمة خير شاركها
ولاّ تجنّبْ ولا تبحث مشاكلها
من عز نفسه عن الزلات يملكها
ولا فيه داعي لكلمة شر تنقلها
اعز لحظه من اللحظات وابركها
كلمه بها خير تنفع شخص تفعلها
#سعود_عايد_العلوي_الحربي
العقيد retweeted
اللي يضيق من الخلا لا ترضّاه
الناس جاء فيها غرور وتغلي
الوقت متغيّر من ادناه لـ اقصاه
ماعاد تلقى الحاجه اللي تسلي
حتى الرفيق اللي ليا ضقت تنصاه
وينزل على الصعبه نزول المظلي
ماهوب دايم كل الاوقات تلقاه
احيان يمسك له خطيطٍ يولي .
العقيد retweeted
يا ناشدٍ عني تسرك علومي
انا بفضل الله بخيرٍ من الله
إن مت " ماني ميّتٍ قبل يومي "
وإن عشت ماني عايش الوقت كله .
العقيد retweeted
جاملنا وجيه مالها فالجمّايل سوق
عطينا لها قيمة وهي مالها ... قيمة
صياف الحربي رحمه الله👋
العقيد retweeted
تلقى القبال الزين في وجه الاجواد
اللي على فعل الجمايل تربّوا
أهل الوفا والطيب قرمين الاولاد
وان جاهم المحتاج قاموا ولبّوا
ما طاوعوا في هرج مبغض وحسّاد
لإنهم في حب الأمجاد شـبّوا
طريقهم دايم مع الجزل منقاد
ومن طبعهم لمدوّر الكيف صبوا
#سعود_عايد_العلوي_الحربي
العقيد retweeted
مالك ومال الناس يامعذرب الناس
خل العرب كلٍ بحاله وفاله
هرج القفى مافيه طوله ونوماس
ولاهو بسلمٍ من سلوم الرجاله
دور على اللي دايمٍ يرفع الراس
اللي يعزك فيه طيب وجماله
واحذر تكون انسان ماعندك احساس
لابارك الله في طريق الجهاله
#سعود_عايد_العلوي_الحربي
العقيد retweeted
لاصبحت في صحه وربـك معافيك
لا تشتكي مـادام مـسـتـور حـالـك
رزقٍ يـسـد الـحـال لـو قـل يكفيك
خلك عزيز النفس لايضيق بالك
ولا تجعـل الدنيا تـصـدك وتغـويك
عـن ديـنـك اللي يعتبر راس مـالـك
واطلب كريمٍ عنده الخير يعطيك
الـواحـد الـلي مـايخـيـّب سـؤالـك
#سعود_عايد_العلوي_الحربي
العقيد retweeted
لوالتمني جاب للناس حاجه
لقيت كلٍ في رصيده ملايين
قولٍ بدون أفعال عيب وسماجه
ماسَدْ للواجب ولا يقضي الدين
والفعل يظهر باللقاء والمواجه
من خلقة الدنيا إلى وقت هالحين
تلقاه في رجلٍ طليقٍ أ حجاجه
اللي على فعله يجيب البراهين
#سعود_عايد_العلوي_الحربي
العقيد retweeted
أحدن على وجهه تشوف البشاشه
تنسى همومك كل مارحت يمه
لو كان بالراتب قليلٍ معاشه
ماضاق بالدنيا ولا هي تهمه
ودك تشيد بسمعته كل شاشه
سمح القبال اللي بالاخلاق قمه
هذا هو اللي مع هل الطيب باشه
القرم في راع المواجيب سٓمّهْ
#سعود_عايد_العلوي_الحربي


