آل retweeted
عندي من الاصحاب ما يكفي الى يوم الوداع
وانا اللي احبه ماحب اني مع الوقت اخسره
احاول ارضيهم على نفسي بقدر المستطاع
لو ان رضاهم في بعض الاحيان مانيب اقدره
علمي معي والعلم لامن شاع عند الناس شاع
ولا اعطي علومي سوى اللي لا لقى العلم استره
والله ما يدفن سرك اللي ودك انه ما يذاع
الا صديعٍ في المواقف " عده وعد عْشره "
آل retweeted
قلبي اللي قد له أيام يوجعني
والوجع فـ القلب مدري عن أسبابه
انصحة لو كان ماهوب طايعني
كل ماهب الهوى شرّع أبوابه
ماهقيت إن الليالي تضعضعني
لين طاحت دمعة الحزن غلابه
والحبيب اللي منول يشجعني
مبطيٍ عني ولا ادري وش ابطى به
الشعور اللي عن الوصل يمنعني
ما منعني عن طواريه و عتابه
كان قلبه للمقادير بايعني
ماني أول واحدٍ يفقد أحبابه
بس قلبي ليش للحين موجعني ؟
شوق ؟ والا خوف ؟ والا وش ابطى به ؟
آل retweeted
اللي حرق كرتك حرق كرت طهران
وخلاكم من الضرب جرحا وصرعا
عرف لكم عودٍ معقب له حصان
يعرف يصيد الفار ويدوس الافعى
فيران لكن ماتعيشون في إيران
تطبقون افكارها وسط صنعاء
آل retweeted
يـ الي خذتك ظروف الأيام واقفيت
الوصل مايغنـي عن الزول لاقفـى
أحساسك الي ترسله وانت ماجيت
دافي وانا متاكد أن حضنك ادفـى
آل retweeted
فرحة مجيك .. تشابه فرحة الماطر
اللي عشانه جميع الناس ، محتفله
خليني اهيم في ( عينك ) لو آخاطر
الموت له وقت ياخذني على غفله
عندك من الزين شيٍ يربك الشاطر
هيبة كبير الوقار ، وبسمة الطفله
وعندي قصيدة جديده تشرح الخاطر
باقي لها مطلع .. وباقي لها قفله
آل retweeted
قبل ينهدم صرح الغلا والنفوس تشين
فمان الكريم .. اللي عطاياه ما تحصى
اتركني على كف المقادير .. بين اثنين
زمانٍ ماهو لقصى .. وحظٍ ماهو لقصى
المشكى على الله لـ افترقنا وحنّ حيين
لكن الظروف القشر تامر ، ولا تعصى
ظروف الحياة اكبر من الحدس والتخمين
تقصى طيبٍ .. بين الرياجيل ، مايقصى
تطمن تراك اللي بقالي .. من الغالين
يا منصاي من كل البشر لابغيت انصى
والله ماتحرر من غرامك ، ليوم الدين
لو يحررون القدس والمسجد الأقصى
آل retweeted
من شروط الكلام الذرب قل الكلام
لاحصل ماتهم شروطه اللي تليه
من يبي شي يترك كثرة الاهتمام
كثرة الاهتمام تضيع اللي تبيه
لاتسلم على اللي مايرد السلام
اتركه لاتزيد ذنووووبه اللي عليه
آل retweeted
بدا الشاعر الي قبل يبدا تقول الله
جماهيره ، الي كانو العام حسّاده
ياذات القوام الي تجيب الهبوب اقصاه
لا قام يتوامى عودك آومايه قلادة
تقولين" قلبك "يوم صديت عن مشهاه
جرحني ، و اقول السيف ما يجرح غماده !
وصلتك غريبٍ ساد حزنه على منفاه
يطالع بك آخر ما تبقّى من بلاده
آل retweeted
كلّش .. ولا ديني و مبداي و سلومي
و أمالي إللي .. بـ رجوى الله معلّقها
ماخنت نفسي على شان أشكي همومي
لي ( هامةٍ ) مستحيل .. إني آدنّقها
ظروف الآقدار تجتاح .. بـ شكل يومي
ومن ترخص عزومها ترخص بنادقها
وشلون الأيام تقدر .. تكسر عزومي ؟
و أنا .. من إللي محد يكسر بيارقها !
الانسان لو قسّم حروب الحياة اقسام
درى ان اكبر الاقسام حربه مع ذاته
وش الوقت من دون العقارب ولا الارقام
وش العمر من دون الطموح ومتاهاته
ما فيه أصعب من الصبر وأثقل من الايام
على اللي ما حقق غايته والعمر فاته
يبي البارح اللي ما يبي شي من قدّام
ويبي بكرة اللي حاجته ما بعد جاته










