احنا كلنا مقتنعين إن أي عمل ناجح طبيعي يبقى قبله محطات فاشلة، بس يا ترى مقتنعين بنفس الدرجة إن أي عمل ناجح محتاج وقت؟ خصوصا الشباب الصغيرين اللي لسه بيبدأوا؟
ده سؤال مهم
السوشيال ميديا والانفتاح على العالم، بيقدموا لنا كل يوم نماذج لقصص صعود مذهلة، سواء كانت على مستوى فردي، أو شركة مثلا بدأت بنفرين وطفاية وخلال سنة أو سنتين بقت قيمتها تساوي ملايين الدولارات..
بس المشكلة هنا إن ده الاستثناء مش القاعدة، وأصلا لإنه الاستثناء انتشر واتعرف، بس من كتر ما هو بيتكرر افتكرنا انه القاعدة، وخصوصا الشباب الصغيرين اللي لسه بيبدأوا..
إنما الحقيقة ايه؟
الحقيقة إن أي نجاح من أي نوع محتاج وقت، محتاج سنين من البناء المتدرج، اللي بيصعد ويهبط أحيانا، ينجح ويفشل أحيانا، يفتكر انه وصل ويكتشف إن لسه كتير أحيانا.. وفي الآخر، يحقق المطلوب، أو حاجة تانية خالص أحيانا بردو..
التصالح مع الفكرة دي مهم، لإنه بيخلي الإنسان يركز على المسار لحد ما يوصل للنتيجة، والنتيجة بعد شوية هتتحول لنقطة بداية في مسار لنتيجة تانية، وهكذا..
يعني الطبيعي إن الإنسان عايش حياته في سعي مستمر، ولحظات معدودة من الاحتفال بالنجاح مع كل وصول..
كل حاجة بتحتاج وقت.. الزمن صديق مش عدو
أنا من الصبح واقف قدام الأرقام دي وعندي ذهول فعلا!
١٥١ مصري - ٥٤٠ أجنبي - ٦٦١٤ سلموا نفسهم طواعية..
دي إحصائية العملية اللي بيقوم بيها أبطال الجيش المصري قرب الحدود الجنوبية ضد عصابات الدهابة.. انت متخيل الأرقام؟
الأرقام دي وحجم الأسلحة والذخائر والمعدات والمضبوطات عموما، تقول لك أد ايه الموضوع كبير، وتفسر ليه كان في هجمة شرسة على الجيش في بداية العملية، ومحاولة تصوير اللي بيحصل وكإنه اعتداء على الشعب السوداني، مش تطهير "داخل الأراضي المصرية" لعصابات بتمارس إجرام عابر للحدود..
الأرقام دي بردو بتقول لك حجم الاستهداف اللي حاصل ضد البلد، سواء في الملف ده أو غيره، علشان الناس اللي بيزعلوا من الكلام عن المؤمرات أو الاستهداف عموما..
وطبعا، الأرقام دي وتفاصيل العملية كلها، بتقول كتير اوي عن قوة وكفاءة الجيش المصري العظيم، وقدرة وكفاءة بقية مؤسسات وأجهزة الدولة المشتركة في العملية وبتخدم أهدافها لحماية الأمن القومي..
مصر دولة شديدة القوة.. وبفضل الله كل يوم بتبقى أقدر على حماية أمنها وتأمين شعبها.. وربنا يديمها نعمة
المتحدث العسكري أعلن تفاصيل مذهلللللة عن موضوع التنقيب غير الشرعي عن الدهب.. وكله متصور!
لما تتابع التفاصيل دي هتفهم ليه كان فيه محاولات مستمرة للتشويش والتشويه وبيتقال إن الجيش بيضرب برا الحدود وحرام عليكم الدهابة الغلابة..
الموضوع طلع كبير جدا والجيش بوظه على دماغ المجرمين المستفيدين منه..
في ٢٠١٨ قال لها: "إن كان يكفيكي نحضر فرحك هنحضر"..
والنهاردة فخامة الرئيس بعد كل السنين دي بيوفي وعده وبيحضر فرح أميرة بنت الشهيد العميد محمد سعد عياد..
ربنا يرحم الشهيد ويجبر بخاطر قائد وإنسان عظيم اسمه عبد الفتاح السيسي ❤️🇪🇬
دي رئيسة سلوفينيا اللي بتزور مصر حاليا..
وبصراحة خسارة فعلا، لو كان لسه عندنا عشوائيات كنا فرجناها على مشاهد تفرح وتشرف مش العاصمة الجديدة والكلام ده..
الكلام اللي قاله الرئيس السيسي في المؤتمر الصحفي النهاردة خطير فعلا.. وبيقول كتير عن تقديرات الدولة المصرية لصعوبة الموقف في المنطقة واللي ممكن يحصل خلال الأيام أو يمكن الساعات الجاية..
مطالبة أمريكا وإيران بإعطاء مساحة للتفاهم والحوار، واستخدام مصطلحات زي "قبل فوات الأوان"، وإن "البديل ستكون آثاره ونتائجه كارثية على المنطقة والعالم".. بيقولوا إن مصر شايفة الدنيا مضلمة خالص..
ربنا يستر وينجينا من العبث والجنون اللي بيحصل.. العبث اللي وصل إن الإعلام الإيراني يذيع مادة دعائية بتقول للناس ازاي يتعاملوا مع ضربة نووية، ومن ضمن التعليمات استخدام شامبو من غير بلسم!!!
معروف طبعا إن البلسم مع النووي ممكن يعمل قشرة أو تساقط شعر..
الكلام ده خطير، وبيقول كتير عن تقديرات الدولة المصرية لمسار الصراع خلال الأيام ويمكن الساعات القادمة.. وربنا يستر!
محتاجين بقى مذيعين قنوات مطاريد الإخوان يطلعوا يكلمونا عن سوء الإدارة والفشل اللي خلوا قنواتهم مهددة بالإغلاق.. ولا الكلمتين دول بيتقالوا للدولة بس وبالباطل كمان؟
طيب صباح الفل يا جماعة.. ايه بقى اللي بيحصل في طرح بنك القاهرة ده؟
ازاي يعني ٣٦ مليار جنيه، وتغطية ٢٧ مرة لشريحة الطرح العام "اللي هو الطلب أد المعروض ٢٧ مرة"، وأكتر من نص مليار دولار محولين من الخارج.. هو مش المفروض إن احنا دلوقتي في مرحلة الانهيار الاقتصادي؟
أنا راجل مثقف بسمع كلام الأساتذة المطاريد وبثق في تحليلاتهم وتجلياتهم السياسية والاقتصادية، وهما قالوا انهيار.. فإيه ده بقى؟
وزير المالية بيقول إن حقبة التمويل منخفض التكلفة انتهت، وارتفاع أسعار الفائدة العالمية لفترة أطول أصبح السيناريو الأكثر ترجيحا..
الكلام ده يبدو متخصص، بس هو الحقيقة متصل بحياتنا اليومية وبتقييم تجربة الـ١٢ سنة اللي فاتوا كلهم.. ليه؟
لإن أغلب التمويلات "الديون" اللي مصر حصلت عليها لتمويل المشروعات القومية طول السنين اللي فاتت، كانت مستفيدة من فكرة التمويل منخفض التكلفة دي..
يعني كاستنتاج منطقي، كل مشروع اتعمل من أول الطريق للمرافق للمواني لوسائل النقل للمدن نفسها، كان ممكن يتعمل بأضعاف التكلفة لو كنا سمعنا كلام اللي قالوا مش أولوية ومش وقته واستنوا لما الظروف تتحسن..
التمويل تكلفته زادت نتيجة زيادة الفايدة، وسعر الحاجة نفسها زاد..
يعني اللي كان بيسابق الزمن علشان ينجز حتى لو هنتزنق، كان "شايف" وعارف يرتب الأولويات، أكتر من ناس كتير بتقول لنا إنها دارسة برا وجوا ومثقفة ومطلعة!
عايز أفكرك إن عدى أكتر من أسبوعين على كلام فخامة الرئيس عن ٢٠٣٠، ولحد اللحظة دي ماحدش قدم مشروع جاد للمصريين علشان يمشوا وراه وينتخبوه بعد ٢٠٣٠..
كان بيتقال لك الناس موجودة والمشاريع مرطرطة بس مفيش فرصة، ولما الرئيس طرح فكرة الأكاديمية العسكرية اعترضوا عليها بمنطق: ليه تمنع بقية الناس من الترشح؟
اللطيف إن ده مسار مش هيلغي بقية المسارات، فمفيش منع..
بس بعد أسبوعين اتضح كمان إن مفيش ناس.. ومفيش برامج.. ومفيش أي حاجة غير الضحك اللي بيقدمه أستاذ طنطاوي اللي بنى مشروعه السياسي على عدم حبه للسيد الرئيس!
وبيستغربوا اوي ليه الناس ماشية ورا فخامة الرئيس السيسي وبس، ومش مديين فرصة للهزار السياسي التاني اللي هما شايفينه، علشان يغامر بمستقبلهم ومستقبل عيالهم.. غريب بصراحة الشعب المصري ده!
المهم، عرفتوا الحقيقة واتأكدتوا؟
قنوات المطاريد اللي بتحلف بقالها ١٢ سنة إنها مش إخوان خالص، عندها كارثة تمويلية وبتقلل برامج وبتسرّح عمالة، وكل ده بالصدفة البحتة بعد ضرب مصادر التمويل بالقرار الأمريكي ضد جماعة الإخوان وتصنيفها كمنظمة إرهابية..
مش إخوان خالص.. إطلاقا!
لأ بجد وعماد مأكدلي.. اطمن