Al Shareefi AlSudane

عرب ممزوجة بي دم الزنوج الحارة ديل اهلي ديل قبيلتي لما ادور افصل للبدور فصلي اصحاب روحي والأحساس ألاقيهم تسرّبوا ف مسارب الروح بقوا كُلي ديل اهلي محل قبلت القاهم معايامعايا زي ضلي كان ماجيت من زي ديل وآسفاي وآماساتي وآآذلي تصور كيف يكون الحال لو ماكنت سوداني وأهل الحارة ماأهلي؟

الشريفي Space اليوم كونو حضور

انتو ياقحاته انتو أحمد هارون دا عندو حلقه تانيه بالدس غير العرضه في البود كاست دي يعني ولا ياها الحلقه دي لأنه جنس تأليف وقولو الراجل جنس كلام ماسمعنا الا منهم الحلقه دي كلنا حضرناها بتجيبوا التحليلات دي من وين انتو وتكذبوا قدر دا وقت تعادوا عادوا معادات رجال اللخبطه دي ماحلوه للرجال والله ومافي سلطه بتتشال ولا تسترجع بالقوالات والكضب بعدين السؤال للجيش الأعتقل أحمد هارون هو لو احمد هارون عليهو قضايا الهوانات ديل ماحايمين في الخارج كانت عليهم قضايا كلها اتحذفت واتشالت وبعد دا ماعجبهم ياخ الجنجويد الكانوا حاملين السلاح ضد الدوله عفيتم ولا دا جبر خاطر للقوى المسانده للأمارات والحنجويد ديل وطلعت تلطم وتصرخ لمجرد لقاء تلفزيوني والله يابرهان كلام من زول داعم ليك الناس ديل مهما عملته لن يرضوا عنك الناس ديل همهم ازالتك بس او موتك و اما المجتمع الدولي دا مجتمع لا اخلاقي وماعندو فايده ماتحاول ترضي ساي انتو مش قلته في حوار مدني وداعيين ليهو كل القوى السياسيه ولا مختارين قوى سياسيه معينه بس عشان نفهم احمد هارون يقعد في الحوار ولا مايقعد والليهو الحق الوحيد في البلد دي هو الشعب السوداني هو البقبل ولا برفض لكن كل القوى السياسيه تقدم اوراقه وكلها تترشح دي الديمقراطيه والعداله البنعرفه اي شي غير كده مساومه ومحاصصه ساي

الشريفي Space طعمجه

عاد خروج أحمد هارون في لقاء في البود كاست حايقوم الجماعه القحاته ديل قووم هههه هم بلا أحمد هارون الكيزان والمؤتمر الوطني غايتو تاني حانسمع جنس ردحي حايكون إزعاج شديد هههه الأيامات الجايه دي هههه

سبحان الله نفس خطاب الكفيل الأماراتي ونفس اللغه اتعلموا الكذب والأستهبال منهم

البوست الأخد الجائزه عندي اليوم أفضل بوست نشر للأستاذ عثمان من عطبره معقل الحزب الشيوعي قال كلمات تخلد للتاريخ

لمن ندين قصف إثيوبيا لمحطات الكهرباء وأن إثيوبيا بريئة ولطيفه وكيووته واحنا لأننا مستعدين إثيوبيا لأجل مصر أو بالسوداني محرشانا مصر عليها يعني سبحان الله القوى المعادية دي عندها القدرة المبالغ فيها على قلب الحقائق _ أولا أبان تمرد حميدتي وهجومه على الجيش وعلى الشعب السوداني والوقت داك البرهان ومن معه كانوا في حصار في القيادة العامة زار حميدتي دولة إثيوبيا من أول الدول في جولته الأفريقية بتاريخ أبريل 2023 وفرشوا ليهو السجاد الأحمر واستقبل بالورود كأنه بطل فاتح التقى وفد القوى الفاشلة المدنية والزمن داك كان اسمها (تَقَدُّم) قبل ما تبدل جلدها كالحية بصمود برئاسة رئيس الوزراء المستقيل السلمنا أمانتنا وركب طيارته وطار عبد الله حمدوك ومعاهو الكمبارس وكبيرهم الذي علمهم السحر برمة بتطوطح واصطفوا في خط أفقي مضحك ومخزي في نفس الوقت واجتمعوا بحميدتي في العاصمة الإثيوبية أديس أبابا. وضربوا معاو أفشل وثيقة سرعان ما رمى بها حميدتي في سلة القمامة أو ضرب بها عرض الحائط بتاريخ 1 يناير 2024 راكتر بند مخزي فيها المناطق التي تقع تحت سيطرة الدعم السريع يحكمها الدعم السريع والعكس صحيح كان أول تقسيم قامت على إثره حكومة المواهيم تأسيس أو تحشيش خاف بن ناقص على صورته ورائحته التي بدأت تفوح وتضرب المصالح والاستثمارات الإماراتية في الغرب فأرسل أبي أحمد لوساطة وأجتماع سري في أديس أبابا كان مزمع بين البرهان وبن ناقص ولكن تراجع بن ناقص أعتقد بأوامر من أبو نجمة في ذاك التاريخ المهم اقتصر دور أبي أحمد بزراعة شجرة في بورتسودان في أرض مالحة وتعهد بأنه لن يتدخل في هذه الحرب وأن السودان دولة شقيقة وصديقة بعدها مرت السنون وبدأت الضغوط والاستثمارات والشيكات تتوالى على أبي أحمد وهذه المره من أبونجم وتبعتها شيكات شراء الأسلحة لإثيوبيا فاتورة مازالت تدفع حتى الآن بدأت بنقل المليشيا لإثيوبيا وإقامة مجمعات سكنية وبيوت مركبة بملايين الدولارات استخدمت فيها المليشيا للحرب ضد التقراي وبالمرة رد الجميل بفتح جبهة حدودية في ولاية النيل الأزرق بعد ما أخلئت من المليشيا تماما تطور الاستعداء من إثيوبيا بدون أسباب منطقية بدأت بحجز مياه النيل الأزرق وتعطيش السودان لم يلتفت السودان للاستفزازات فقد الكفيل عقله وأمر بضرب البنية التحتية ومحطات الكهرباء في السودان التي تمتلك إثيوبيا خارطة لها باعتبار أن السودان كان يشتري الكهرباء منها وبالمناسبة منعت إثيوبيا واعتذرت من تزويد السودان من أيام الحرب الأولى الحجج الواهية المطروحة من إثيوبيا أن السودان وفي هذه الحرب وبانشغاله بحربه وشعبه ومآسيه برغم ذلك تفرغ السودان لدعم الجبهة التيقراي ونسوا أبي أحمد أن السودان شارك في المفاوضات الأولى لإخماد التمرد الأولي لإقليم التقراي وكان شاهد على توقيع السلام بين التقراي وحكومة أبي أحمد أو الجيش الفيدرالي وبعد كل ما سردنا إثيوبيا بريئة والسودان هو من يدعي عليها ويدعي عليها من أجل عيون مصر مع العلم أن السودان لم يعترض لإثيوبيا بفتح منفذ مطل على البحر الأحمر كإريتريا مصر مثلا إثيوبيا أخطأت أو نظام أبي أحمد أخطأ خطأ كبير على السودان الدولة الجارة وقام بمشاركة باعتداء في هذه الظروف الحرجة سايدفع ثمن هذا الاعتداء وسأثر بالسلب على العلاقة بين البلدين وسيتأثر به الشعبين الجارين لسنين طويلة وغدا يذهب الكفيل لفتح محور آخر ويترك أبي أحمد ومن معه لمصيرهم

كامرون هدسون يتحدث عن الحرب الاشعلتها اثيوبيا ضد السودان وطبعا نعرف المستفيد والممول لهذه الحرب لو سألنا اثيوبيا لما تفعل ذلك ماعندها سبب وجيه غير الأنكار وطرد البعثه السودانيه وتصعيد غير مبرر لكن الجميع يعرف من وراء هذه الحرب

في بدايات الحرب واحنا اصلو مابننسى حاننكت القديم كله اناس يرتدون زي الدعم السريع ويركبون سيارات الدعم السريع وشايلين اسلحة الدعم السريع وبتكلموا ان بلهجو الدعم السريع لكن هم مادعم سريع جسر جوي بين تشاد وليبيا واسلحة وهافمي اميركي اماراتي وتموين ومأكولات للمليشيا وتقارير العالم دي كلها والأقمار الصناعيه وبنزلو بطيارات جوا السودان واتنين ولا تلاته يجيبوهم في صندووق ديل شنو ديل شهدا الواجب طيب الواجب دا وين ههه مامعروف وجييك أماراتي عطني دليل ان الأمارات تدعم الجن٠ويد وتمدهم بالأسلحه اسي اثيوبيا تضرب من اصوصا وجسر جوي ومجماعات سكنيه للجنجويد وعبد الرحيم طاحونه مع ابي احمد في العربيه والجنجويد اتصورو مع ستات القهوه في قلب أثيوبيا وهجمات من النيل الأزرق والدمازين مافي دليل علي اثيوبيا قصفت البنى التحتيه في السودان كفار قريش يابعيد انتو يهود ياموسى لن نؤمن لك حتى نرى الله جهرة صحي مامعاكم أبو نجمه انتو

القحاته كانوا بستفزونا في يدايات الحرب ان جيش الحركه الأسلاميه والكلام المستهلك دا وكنا بنقول ليهم خلاص وقت اشعلونا الكيزان اتفاوضوا مع الكيزان طبعا قالوا لا مابقعدوا معاهم ماعندهم رجاله قدر دا اسي انتو لو دايرين سلام ومفاواضات وكده جيبوا المحرك الحقيقي للحرب دي أحنا بنتفاوض ليكم معاو ماعندنا مشكله جيبو ناس أبو نجمه وجيبوا الأمارات ناس SkyNews الساكن عندهم خالد سلك سكنه ويجيبوا جاري علي ملا وشو في الصغيره والكبيره يتكلم ليهم جيبو البحارب السودانيين حقا نتكلم ليكم معاو الجنجويد ديل حمام ميت ساي وأنتهوا هههههه

تصريحات وزير الخارجيه تمثله هو ولاتمثلني انا وزير الخارجيه مايستخدمنا احنا كا شعب انا كامواطن ماعندي اي مشكله بين علاقات دبلوماسيه بين مصر والسودان كا دولتيين شقيقتان لكن احنا كا شعب سوداني مابنستخدم في مجاملات ولن نحني مياه احد دا ماعندو علاقه بعلاقتنا مع الشعب المصري الشقيق الجار علاقات الشعوب في مابينها ماعندها علاقه بالعلاقات الدوليه والدبل ماسيه مفترض كان خطاب وزير الخارجيه متزن شويه ومايكون عاطفي مفترض الخطاب مايكون عاطفس للدرجة دي من المجامله بأسم الشعب السوداني للتحدث والمجامله بأسم الشعب السوداني ليها حدود رمنطق اما الخطاب السياسي والدبلوماسي شي يخص الوزير مابندخل فيه لو داير يتحدث عن العلاقات الوثيقه والقديمه بين البلدين هو حر لكن مايدخلنا احنا كا شعب ويستخدمنا كا شعب

ما كان لأثيوبيا أن تتجرأ على السودان لهذا الحد إن لم تكن من خلفها دويلة الشر التي تحاول كسر السودان وشعبه بأي طريقة وبأي تكلفة. ما كان لأثيوبيا أن تختار هذا العداء الفج في الأوضاع الطبيعية وتختار تضرر مصالحها وقفل مجالها الجوي ومحاصرتها جوياً إن لم توعد دويلة الشر أنها ستغطي التكاليف والخسائر الإثيوبية وتدفع كل الأموال مقابل ارتهان آبي أحمد لدويلة الشر باستخدام أراضيه والاشتراك في الحرب ضد السودان ولكن الفاتورة حاتكون عالية على الإمارات وأعتقد أنها مصرة على بذل وإضاعة ثرواتها لتحقق حلمها في كسر السودان وشعبه بشتى الطرق. ولكن أسأل الله تنطبق عليهم الآية الكريمة: (فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُوا إِلَى جَهَنَّمَ يُحْشَرُونَ). [الأنفال: 36]