🇱🇧Max🇱🇧

إذا مفكّر إنو بس يصير عمرك ٦٥ رح تحزم غراضك وترجع ع بلدك ومعك ولادك… أكيد لأ. ما حدا بيرجع هيك بسهولة. وقتها ولادك بيكونوا صار عمرن ٣٠ وفوق، حياتن صارت هون، شغلن، أصحابن، ذكرياتن… ما رح يتركوا كل شي ويرجعوا معك. وإنت ما فيك تتركهن وتفلّ ع بلدك وتعيش لحالك وإنت ختيار. وإذا قررت ترجع لحالك، بتكون عم تتغرّب من جديد… بس هالمرة ببلدك الأصلي. بتوصل وبتحس حالك غريب. لا نفس الوجوه، ولا نفس الضحكات. اللي مات مات، واللي هاجر هاجر، واللي كان يسأل عنك صار بدنيا تانية. بتكون عشت شبابك مغترب عن أمك وبيّك وإخوتك وأقاربك… وبآخر عمرك بتصير مغترب عن ولادك وأحفادك. هي الغربة مش بس سفر… الغربة إنو قلبك يضلّ معلّق بين مطرحين، لا إنت هون كامل، ولا إنت هونيك بعدك متل ما كنت.

Durango ❤️

Parts of my speech at my son’s wedding😍😍😍😍

دينا بعلبكي، بعدها بتنفخ بنار الكراهية شو هالحقد اللي حاملتيه وشو هالإصرار على إشعال الفتن من مساحة لمساحة؟! كل مرة بتفتعلي مشكلة مع رمز من هون، وبتضربي برمز من هونيك، وبتستفزّي الناس لحتى يستنفروا ويردّوا، وبعدين بتصير الشتائم والمهاترات وكأنّ هيدا هو المشروع الوحيد اللي عايشة كرماله! بتستعملي أبشع العبارات، وبتتطاولي على العونيين، وبتسيئي لبلاد وأهل مصر، واليوم الدور على رمزين من الطائفة السنية. شو هدفك؟ تزرعي الحقد والكراهية بين اللبنانيين وتعملي فتنة ما إلها آخر؟ اسمعي منيح: إنتِ ومن بيوافقك بتمثّلوا حالكن وبس، وما حدا إلو الحق يعتبر تصرّفاتكن ممثّلة لبيئة أو طائفة أو جمهور كامل. بالعكس، في ناس محترمة من كل الأطراف بتتبرّأ من هالأسلوب

دينا بعلبكي، مكملة بهالأسلوب؟ إلى متى رح تضلّ تجيب المسبّات والإساءة لديننا ورموزنا وأهلنا؟ كل يوم قصة جديدة، وكل يوم افتراء واستفزاز وشتائم، وكأنّو الإساءة صارت أسلوبها الوحيد! المشكلة مش بس باللي عم يصدر عنها، المشكلة الأكبر في ناس بعدها عم تعطيها منبر ومساحة، وعم تسمحلها تكمّل بهالأسلوب وكأنّو ما في كرامات ومشاعر للناس.

TRUMP FAILED AT REGIME CHANGE IN IRAN, BUT HE SUCCEEDED IN TEXAS!

دينا بعلبكي من تمها قالت أنا مش مرباية. عن جد رخيصة مندسة على زرع الفتن والتحريض بين الناس! قلة تربية وقلة احترام، وكأنّو ما عندِها شغلة غير بثّ السموم وشقّ الصفوف بين شعب عريق، حتى لو اختلف معِك بالسياسة. والأغرب إنّو في ناس محترمة بعدها قاعدة بالمساحة، رغم انزعاجها الواضح من كلامِها. كان الأجدر فيهن يوقفوا هالمهزلة ويتركوا المساحة، بدل ما يعطوا هالأسلوب منبراً وغطاءً. إذا هيي مؤدلجة من جهات معيّنة، هيدا ما بيعطيها الحق تفتّن وتحرّض عالناس على بعض. الاختلاف بالسياسة مش عداوة، والتحريض مش شطارة، وقلة الأدب مش قوة شخصية. عيب وعلى كل مين بيصفّق للفتنة!

الأخوّة مش بس دم واحد، الأخوّة سند ومحبّة ورفقت عمر. ❤️ اليوم عم تجهّزوا خيكن الكبير لفرحة عمره، وبكل حركة وإيد عم تعدّل ربطة عنقه في محبّة وفخر ما بينوصفوا. الله يخليكن لبعض، وتضلّوا دايماً ضهر وسند لبعض… لأنو العريس إلو عروس جديدة، بس أخواته هنّي عزو مدى العمر. ❤️

مين قال إنّ النجاح بس بالغربة؟ ومين عطى المغترب حقّو يحاكم اللي بقي ببلدو؟ من كم يوم، كنت عم أتسمع عمساحة على X، ولفتني حوار ما اكتمل. مغترب سأل شخص قرّر يبقى بلبنان: «شو إنجازاتك إنت ببلدك؟ وشو إنجازاتي أنا بالغربة؟» حسّيت إنّو السؤال كان أقرب لمحاولة تسجيل نقاط على حساب اللي اختار يبقى. اللي بقي بلبنان مش بالضرورة لأنّو ما قدر يسافر، يمكن لأنّو آمن إنّو النجاح مش مربوط بجواز سفر. هيدا الإنسان اشتغل وتعب وبنى حالو ببلد منهار، بلا اقتصاد مستقر ولا ضمانات للمستقبل، ومع هيك صمد ونجح بإرادتو وإيمانه بأرضه. وبالمقابل، ما عم قلّل من تعب المغترب ولا من نجاحه، أنا واحد منّن. بس النجاح بالغربة مش المقياس الوحيد، والنجاح بلبنان رغم كل الظروف إنجاز كبير كمان. وبصراحة، بتمنّى لو بقيت بلبنان وحاولت متل هالناس، بس أنا سافرت من أوّل فرصة إجتني. مش كل مين سافر نجح أكتر، ومش كل مين بقي خسر أكتر. في ناس بنت مستقبلها بالغربة، وناس بنتو بلبنان رغم كل شي. المغترب بيقدر يشتري بيت بلبنان، بس اللي بقي قدر يبني حياتو بلبنان… وهيدا إنجاز ما لازم حدا يستخفّ فيه. والأهم إنّو المقيم نجح بين أهلو وناسو وأحبّتو، وشاركهنّ تعبو وفرحتو، وكان حدّن بكل لحظة. أمّا المغترب، فمهما كان نجاحه كبير، حقّقو بعيد عن أهلو وبيئتو، والفرحة اللي بيعيشها لحالو أو بعيد عن الناس اللي بيحبّن ما بتنقارن بفرحة اللي نجح بين أهلو وأحبّتو كل الاحترام لكل لبناني بقي وصمد وآمن إنّو بعد في أمل بهالأرض. 🇱🇧❤️

بفرحة احبانا كملت فرحتنا🙏🏻🙏🏻🙏🏻

الله يرحم ستي ويطول عمر هالست❤️ الفديو منقول😍

في لبنانيين عم ينهاروا عوضع باريس ومدن فرنسا.. وين كنتو لما إسرائيل محت قرى كاملة من جنوب لبنان؟ عفوا ما تؤاخذوهم كانوا مشغولين وواقفين بالصف عم ياخدوا توجيهات واوامر من اسبادهم شو الإشاعات والأكاذيب اللي بدهن يروجوها كل يوم ب يوم🤷‍♀️

يا جماعة الخير، شو عم بصير عالمساحات؟! لهالدرجة وصلنا بالانحطاط؟ صار الواحد بس لأنو ما عجبو رأي شخص، بيبلّش سبّ وشتم بأقذر العبارات، وبيجيب سيرة الأم والأخت والشرف، وكأنّو الشتام ما عندو أم وأخت وبنت وعرض! يا عيب الشوم! وين الأخلاق؟ وين كرامة الإنسان؟ وكيف بيهون عليك تجيب سيرة أمّ غيرك، وإنت عندك أمّ وأخت وناس بتحبّك؟ للشاتم بقول: قلّة ألادب ما بتقلّل من قيمة اللي عم تشتمو، بتكشف تربايتك وإفلاسك الأخلاقي. واللي ما عندو حجّة، بيستعين بالشتيمة، واللي ما عندو أخلاق، بيفكّر إنّو صوتو العالي ووساخة لسانو بيعطوه قيمة! #اتقو_بالله. وللمشتوم بقول: ما تنزل لمستوى اللي عم يشتمك، لأنّو أوقات سكوتك ورفعة أخلاقك أكبر ردّ عليه. بدّك تنتقد؟ انتقد. بدّك تردّ؟ ردّ. بس إذا ما عندك غير الشتيمة، وفّرها لحالك، لأنّو الكلمة الوسخة ما بتهين غير صاحبها، والكرامة ما بيحميها إلا صاحبها.

‼️ من ابن عز إلى بائع البونبون.. هذا الرجل بيعلم كتار معنى الكرامة! إذا شفتوه بشوارع النبطية شتروا منو، مش شفقة، كرامة إلو.. هالشب بتشوفو كل يوم، جارر عرباية بيبي صغيرة، حاطط فيها كم كيس بونبون وكراميل، الكيس بـ 100 ألف، بيمشي من أول النبطية لآخرها تحت الشمس والشتا، كرمال كم كيس يبيعهم ويجيب أكل لبيتو. هالشب مش متسول، هيدا بطل بكل معنى الكلمة!! هيدا عم يعطي لكتار درس كبير وعم يوصل رسالة إنو مش عيب تشتغل شو ما كان، العيب تمد إيدك لمين ما كان. وللقصة وجع تاني،، هيدا الشب كان ابن عز، ابن المرحوم حسن سامي اللي كان فاتح محل بمدخل حي السرايا، والناس كلها بتعرف أصله الطيب، بس برمت فيهم الأيام، وقسيت عليهم الدني. اليوم مش عم يطلب مساعدة.. عم يطلب شوية احترام لتعبه وتقدير لموقفه،، إذا لاقيتوه، اشتروا منو، ابتسمولوا، وأقلها قولولوا الله يرزقك، الكلمة الطيبة بهالأيام بتسوى الدني كلها. 🙏🏼