Milan Pandey

बेरोजगारी, हिंसा, असमानताजस्ता मुद्दाको दीर्घकालीन समाधान शिक्षा हो। धर्मको नाममा, जातको नाममा, क्षेत्रीयताको नाममा भोट झार्न र नागरिकलाई विभाजित गरेर जित्न पल्केका राजनीतिले शिक्षालाई मुद्दा बनाउने साहस गर्न सकेका छैनन्। पूरा लेख- nayapatrikadaily.com/news-de…

६५ मा प्रचण्डले सकेनन्, ७४ मा ओलीले सकेनन्, ८२ मा बालेनले सक्नुपर्छ ... म २०४६ सालमा जन्मिएको हुँ। २०४६ सालको जनआन्दोलन मैले देख्न पाइनँ। २०५२ सालमा सुरु भएको माओवादी जनयुद्धका घटनाहरू पनि बाल्यकालमा सुनेँ, तर त्यसलाई गहिरोसँग महसुस गर्ने अवसर कम पाएँ। तर मैले २०६२/६३ को जनआन्दोलन आफ्नै आँखाले देखेको छु। त्यसपछिका लगभग सबै राजनीतिक घटनाक्रम मेरा आँखाअगाडि बितेका छन्। २०६२/६३ को आन्दोलनपछि देशमा एउटा ठूलो आशा जन्मिएको थियो। वर्षौँसम्म बन्दुक बोकेर सिंहदरबारविरुद्ध लडेको माओवादी सिंहदरबार प्रवेश गर्‍यो। त्यतिबेला मानिसहरूलाई लाग्थ्यो - अब देश बदलिन्छ। सायद मेरो जीवनकालमा नेपालसँग पहिलो ठूलो अवसर त्यही बेला आएको थियो। त्यतिबेला नेपालीहरू पार्टीभन्दा माथि उठेर देश बनाउन तयार देखिन्थे। कांग्रेसको आस्था, एमालेको आस्था वा माओवादीको आस्थाभन्दा माथि उठेर मानिसहरूले माओवादीलाई एउटा आशाको रूपमा हेरे। तर माओवादी नेतृत्वले त्यो आशाको उचाइलाई सम्हाल्न सकेन। जनताको अपेक्षाभन्दा सत्ता, सुविधा, ठूला घर, महँगा घडी र राजनीतिक इख प्राथमिकतामा पर्न थाले। परिणामतः माओवादीले सत्ता मात्र गुमाएन, नागरिकले पनि आफ्नो एउटा ठूलो आशा गुमाए। त्यसपछि देशले लामो राजनीतिक संक्रमण भोग्यो। विकासका धेरै मुद्दालाई थाती राखेर संविधान निर्माणको प्रक्रियामा अगाडि बढ्नुपर्‍यो। तर अन्ततः संविधान बन्यो। र, संविधान बनेपछि देशसामु फेरि एउटा नयाँ अवसर आयो। त्यो मेरो जीवनकालको दोस्रो ठूलो आशाको क्षण थियो। म आफैँ पार्टी निर्माणमा लागेर चुनाव लडेर हारेको थिएँ। तर, ममा आशा थियो। २०७४ सालमा लगभग दुई तिहाइको जनमतसहित कम्युनिस्ट एकता भयो। एउटा राष्ट्रवादी छवि र बलियो नेतृत्वको रूपमा केपी शर्मा ओली उदाए। कांग्रेस, एमाले र माओवादी - सबै दलका धेरै मानिसहरूले आफ्नो-आफ्नो राजनीतिक आस्थालाई केही समयका लागि थाती राखेर केपी ओलीमा आशा देखे। मानिसहरूलाई विश्वास थियो - अब केही हुन्छ। ग्यासको पाइपको कुरा होस् वा पानीजहाजको सपना, मानिसहरूले त्यसलाई केवल भाषणको रूपमा मात्र सुनेनन्; देश परिवर्तन हुन्छ भन्ने एउटा सम्भावनाको रूपमा लिए। तर फेरि पनि हाम्रो आशा नेतृत्वको प्राथमिकतामा परेन। देश चलाउने जिम्मेवारी पाएको नेतृत्व पार्टी, गुट र आसेपासेको स्वार्थमा बढी केन्द्रित भयो। देश चलाउन जनताले दिएको म्यान्डेट गुट चलाउन प्रयोग भयो। नागरिकको आशा फेरि एकपटक भत्कियो र देश फेरि पछाडि धकेलियो। त्यसपछिका घटनाक्रमका हामी सबै साक्षी छौँ। २०८२ मा जेन–जी आन्दोलन भयो। वर्षौँदेखि नेपाली समाजभित्र गुम्सिएको आक्रोश विस्फोट भयो। त्यसपछि फेरि एउटा नयाँ राजनीतिक क्षण आयो। प्रचण्ड बहुमतका साथ ओलीलाई नै हराउँदै बालेन शाह प्रधानमन्त्रीका रूपमा निर्वाचित भए। आज फेरि नेपाली समाज एउटा नयाँ आशाको मोडमा उभिएको छ। प्रश्न छ तर आशा निकै ठुलो छ। आज मेरा लागि मात्र होइन, धेरै नेपालीका लागि आफ्नो राजनीतिक आस्थाभन्दा ठूलो आशा बनेको छ। हामीले तेस्रो पटक आफ्नो आस्थालाई दाउमा राखेर आशालाई प्राथमिकता दिएका छौँ। ओलीले सकेनन्। प्रचण्डले सकेनन्। तर आज धेरै नेपालीको एउटै अपेक्षा छ - बालेनले सक्नुपर्छ। बालेनलाई असफल हुने छुट छैन। बालेनले सफल हुनुपर्छ - कुनै व्यक्ति सफल हुनका लागि मात्र होइन, देश सफल हुनका लागि। मेरो जीवनकालमा यो तेस्रो ठूलो राजनीतिक आशाको क्षण हो। यदि यसपटक पनि नेतृत्व असफल भयो भने देशले केवल अर्को सरकारको असफलता मात्र भोग्ने छैन; नेपाली नागरिकले फेरि एकपटक आफ्नो आशा गुमाउनेछन्। मेरो यो पुस्ताले सबैभन्दा महत्वपूर्ण अवसर गुमाउनेछ। त्यसैले यो चुनौती मेरा लागि मात्र होइन, बालेनका लागि पनि अत्यन्त ठूलो छ। यो एउटा व्यक्ति वा पार्टीको सफलता वा असफलताको प्रश्न मात्र होइन। यो फेरि एकपटक नेपालको आशा जोगाउने क्षण हो। बालेन सफल हुनुपर्छ। देश सफल हुनुपर्छ। #Balenshah #Prachanda #KPOli #hope

नेपाली चलचित्र ‘बाटुलो जून’ हेरेँ। कथावस्तु औसत भए पनि दृश्यहरू निकै राम्रा छन्। चलचित्र अझै राम्रो बन्न सक्थ्यो भन्ने लाग्यो। अनमोल केसीको उमेर बढ्दै जाँदा भुवन केसीलाई देखाउनुको सट्टा अनमोललाई नै निरन्तरता दिएको भए कथा अझ स्वाभाविक र प्रभावकारी हुन्थ्यो कि? सानो छँदा दशैँमा हेरेका भुवन केसीका ‘करोडपति’ र ‘नेपाली बाबु’ को सम्झना ताजा भयो। फिल्म ठीक छ, अझै राम्रो बन्न सक्थ्यो। 🙂 #BatuloJun #NepaliMovie #AnmolKc

सहमति 🙏 यो नै अन्तिम अनशन बनोस्…

📰 News Pollution: More headlines, less truth. 🤯📢

के सत्य, के असत्य? कुन रियल, कुन एआई? कुन सूचना, कुन मजाक? को मामा, को भाञ्जा? कुन समाचार, कुन अफवाह? को ज्योतिषी, को पत्रकार, को नेता? केही छुट्याउनै नसकिने भइयो ! पत्रकार राजनीति गर्छन्, नेता पत्रकारिता! नागरिक अन्योलमा छन्। यो सूचनाको सङ्क्रमणकालले कतै सिङ्गो समाजलाई नै सङ्क्रमणको भुमरीमा धकेल्ने त होइन?

सबैलाई विजया दशमीको हार्दिक मंगलमय शुभकामना! ❤️🙏

Team Congress लाई शुभकामना, गगन - विश्वप्रकाशको ‘Teamwork’ को सफलताका लागि बधाई! नेपाली कांग्रेसका नवनिर्वाचित सभापति गगनकुमार थापा, वरिष्ठ उपसभापति विश्वप्रकाश शर्मा तथा सम्पूर्ण केन्द्रीय कार्यसमितिलाई हार्दिक बधाई र सफल कार्यकालको शुभकामना! दलहरू बलिया हुँदा लोकतन्त्र बलियो हुन्छ। कांग्रेसको पुनर्जागरणले कांग्रेसलाई मात्र होइन, समग्र राजनीतिलाई नै राम्रो हुन्छ। करिब ४ वर्षअघि विवेकशील साझा पार्टीको संयोजक रहँदा मैले नयाँ पत्रिकामा लेख लेख्दै कांग्रेसमा गगन थापा, विश्वप्रकाश शर्मा र प्रदीप पौडेलजस्ता नेताहरू नेतृत्वमा आउनुपर्छ भन्ने धारणा राखेको थिएँ। मलाई आज पनि लाग्छ, म एउटा पार्टीमा छु। म राम्रो हुन चाहन्छु तर अर्को नराम्रो बनोस् भनेर होइन। अर्को भन्दा झन् राम्रो बनेर मात्र म राम्रो बन्न सक्छु। म झन् राम्रो बन्न अर्को पार्टी खराब भएर हुँदैन राम्रो हुनैपर्छ। यस महाधिवेशनले दुईवटा सन्देश दिएको छ - कांग्रेसले आफूलाई रूपान्तरण गर्ने 'अन्तिम' मौका पाएको छ। दोस्रो , गगन - विश्वप्रकाशको सहकार्यले नेपाली राजनीतिमा नयाँ उदाहरण प्रस्तुत गरेको छ। विश्वप्रकाश आफू वरिष्ठ हुँदाहुँदै पनि गगनलाई अगाडि बढाउन जुन विश्वास र उदारताका साथ अन्तिमसम्म उभिनुभयो, त्यो केवल मित्रता होइन, राजनीतिक परिपक्वताको उदाहरण हो। हामीकहाँ प्रायः सहयात्रीलाई प्रतिस्पर्धी ठानेर पछार्ने राजनीति देखिन्छ। तर राजनीतिमा सबै आफैँ अगाडि बढ्न खोजेर होइन, एकअर्कालाई अगाडि बढाएर बलियो टिम र संस्था बन्छ। गगन - विश्वप्रकाशको ‘टिमवर्क’ले नयाँ राजनीतिक दलहरूलाई पनि सन्देश दिएको छ - नेतृत्वको महत्त्वाकाङ्क्षाभन्दा संस्थाको उद्देश्य ठूलो हुनुपर्छ। कांग्रेस अझ सशक्त, लोकतान्त्रिक र जनउत्तरदायी बनोस्। गगन र विश्वप्रकाशबीचको विश्वास र सहकार्य नेपाली राजनीतिमा नयाँ संस्कार बनोस्। Team Congress लाई शुभकामना! गगन - विश्वप्रकाशको सहकार्यको सफलताका लागि हार्दिक बधाई! @thapagk @bishwaprakash77 @paudelpradipNC

हामीले राजनीति गर्न खोजेका हौँ, अराजनीति होइन। झन् अराजक राजनीति त हुँदै होइन। राजनीति र पत्रकारिताले ‘नीति र दिशा’ दिने हो, ‘कन्टेन्ट र दिसा’ होइन।

दसैँ भन्नेबित्तिकै तपाईंलाई के याद आउँछ? मलाई त नब्बेको दशकको दसैँ अर्थात् चङ्गा, धागो, चङ्गा काट्नका लागि तयार पारिने सिसा मिसाइएको माजा, अनि आकाशमा उडिरहेका अरूका चङ्गा काट्ने प्रतिस्पर्धा! केही वर्षयता दसैँ आयो, तर त्यो बाल्यकालको उमङ्ग आएन। त्यही पुरानो दसैँ, त्यो रमाइलो र चङ्गा उडाउने संस्कृति फेरि ब्युँताउन हामी आउँदैछौँ, माउन्टेन भिस्टा रिट्रिट, नगरकोटमा — ‘चङ्गा चेट’ लिएर! आउनुहोस्, आफ्ना छोराछोरी र भाइबहिनीहरूलाई पनि हामीले मनाएको दसैँको रमाइलो चिनाऔँ। यो दसैँ, पुराना सम्झना फेरि ताजा बनाऔँ! तपाईंहरू सबैलाई हार्दिक निमन्त्रणा। भेटौँला है, चङ्गा चेटमा!

Control, Uday, control! Thank you for entertaining us 🙏 अलविदा नाना. ❤️

शुभकामना मित्र मीन भाम… कलाकारिताको क्षेत्रमा मात्र होइन, मीन भाम राजनीतिक रूपमा पनि त्यत्तिकै संवेदनशील र सिर्जनशील छन्। करिब एक दशकदेखि उहाँलाई चिन्दै, भेट्दै र नजिकबाट बुझ्दै आएको आधारमा मैले आफैंले महसुस गरेको कुरा हो यो। सहमहामन्त्रीका उम्मेदवार मीन भामलाई हार्दिक शुभकामना। 🙏 कांग्रेस सच्चिए, धेरै कुरा सच्चिन्छ।

१५औँ महाधिवेशनको अवसरमा गगन थापाजी, विश्वप्रकाशजी, प्रदीप पौड्यालजी लगायत कांग्रेसका सम्पूर्ण नेता तथा सदस्यहरूलाई हार्दिक शुभकामना। सरकारमा पटक - पटक अवसर पाएर पनि अपेक्षाअनुसार परिणाम दिन नसकेको कांग्रेस अब प्रतिपक्षमा आफूलाई नयाँ ढंगले प्रस्तुत गर्न सकोस्। आफ्नो राजनीतिलाई नयाँ ढंगले सुरु गर्न सकोस्। कांग्रेसभित्रको बहस, नेतृत्व र प्राथमिकतामा आउने परिवर्तनले नेपाली राजनीतिलाई पनि सकारात्मक दिशा दिन सकोस्। कांग्रेस सच्चिए, धेरै कुरा सच्चिन्छ। शुभकामना।

बझाङको बाघ रविन्द्र ढाँटसँग 🐯🇳🇵 संघर्षबाट अन्तर्राष्ट्रिय MMA मञ्चसम्मको प्रेरणादायी यात्रा। नेपालको झण्डा बोकेर विश्वमञ्चमा लडिरहेका रविन्द्रसँगको यो भेट विशेष रह्यो। Proud of you, Rabindra Jii! 🇳🇵

प्रधानमन्त्री शाहले यूएन महासभामा भने– ‘नेपालबाट आएको यो चेतावनी मानवताका लागि हो’ ‘हिमनदी र बाढी राहदानीमा भिसा छाप लगाएर यात्रा गर्दैनन्’ प्रधानमन्त्रीको संयुक्त राष्ट्रसङ्घको ८१औँ महासभामा गरिएको सम्बोधन सुनेँ। हतियार सजिलै पुग्ने तर मल र खाद्यान्न नपुग्ने विश्व व्यवस्थामाथि उठाइएको प्रश्न सान्दर्भिक लाग्यो। हामीले नगरेका गल्तीहरूको मूल्य बारम्बार नेपालीहरूले चुकाउनुपर्ने अवस्थाबारे गरिएको चर्चा पनि महत्वपूर्ण छ। आफ्नो हक, न्याय र सम्मानका लागि नेपालको आवाज अन्तर्राष्ट्रिय मञ्चमा स्पष्ट रूपमा उठेको छ। #UNGA81 #Nepal

Thank you Sir 🙏 भावपूर्ण श्रद्धाञ्जली।

वडा अध्यक्षको समेत पिर्के सलामी देखेर वाक्क भएका हामीलाई प्रधानमन्त्रीको सामान्य बिदाइ राम्रो लागेको छ। प्रधानमन्त्री भनेपछि लावालस्कर लगाएर, सलामी दिएर, लाइन लगाएर सबै कर्मचारी, कूटनीतिक नियोग र पार्टीका मानिसहरू एयरपोर्ट पुग्नैपर्छ भन्ने होइन। औपचारिकता निभाउनुपर्ने ठाउँहरूमा त निभाउनै पर्यो, बाँकीमा Simplicity is beautiful.

मलाई यो फोटोमा देखिएका व्यक्तिहरूबारे कुनै व्यक्तिगत टिप्पणी गर्नु छैन। तर यही उदाहरणसहित नयाँ राजनीति गरिरहेका साथीहरूलाई एउटा कुरा भन्न चाहन्छु। हिजो केपी ओलीलाई “फुटबलका पेले” भन्दै उहाँलाई हटाउने कसैको सामर्थ्य छैन भन्ने पूर्वमन्त्री कृष्णगोपाल श्रेष्ठ आज उनै ओलीसँग चर्काचर्कीमा देखिएका छन्। फेरि पनि, यसमा मेरो कुनै मत छैन। तर यो घटनाले एउटा कुरा स्पष्ट देखाउँछ - राजनीतिमा स्थायी मित्र र स्थायी शत्रु हुँदैनन्। समय, स्वार्थ, विचार र परिस्थितिअनुसार सम्बन्ध बदलिन्छन्। आजका साथी भोलि फरक धारमा हुन सक्छन्, र आजका प्रतिद्वन्द्वी भोलि सहयात्री बन्न सक्छन्। त्यसैले व्यक्तिभन्दा विचार, सम्बन्धभन्दा एजेन्डा र भावनाभन्दा सिद्धान्तलाई प्राथमिकता दिनु नै राजनीतिक परिपक्वता हो। राजनीतिमा व्यक्तिहरू बदलिन्छन्, तर विचार र उद्देश्य नै स्थायी हुनुपर्छ।

यो संविधान मेरो पनि हो। कुनै पनि संविधान तत्कालीन राजनीति, समाज र शक्ति - सन्तुलनबीचको सम्झौताको दस्तावेज हो। हाम्रो संविधान पनि लामो संघर्ष र बहसबाट बनेको हो। आज ११ वर्ष भयो। अब समयअनुसार सुधारौँ, अनुभवबाट सिकौँ र यही संविधानलाई अझ समृद्ध बनाऔँ। संविधानको रक्षा गर्नु भनेको सुधारको ढोका बन्द गर्नु होइन। 🇳🇵 संविधान दिवसको हार्दिक शुभकामना। 📸 २०७० - २०७२: संविधान निर्माणका लागि सडकबाट दबाब दिँदाका केही क्षणहरू। #Constitutionday #Nepal #Asoj3

प्रधानमन्त्री बालेन शाहले आज Gen Z सांसदहरूलाई भन्नुभएको यो कुरा हरेक युवाले बुझ्नुपर्छ। राजनीति पेसा होइन। “तपाईंहरू व्यवसायमा जोडिनुस्। सधैं सांसद भएर बसिँदैन। २५ वर्षमा सांसद भएको मान्छे ३० वर्षमा निस्किँदा के गर्ने?” “अहिले भ्रष्टाचार गरेर, राजनीति गरेर कमाउन पाइँदैन। त्यसैले व्यवसायमा लाग्नुस्।” राजनीति भनेको देश र समाजका लागि केही समय योगदान गर्ने माध्यम हो, जीवनभर कमाइ खाने पेसा होइन। युवाले राजनीति गरून् - तर राजनीतिसँगै आफ्नो क्षमता, सीप, उद्यम र पेशागत जीवन पनि निर्माण गरून्। सांसद बन्नु उपलब्धि हो, तर सांसदबाट बाहिरिएपछि पनि केही गर्न सक्ने नागरिक बन्नु अझ ठूलो उपलब्धि हो।

आदरणीय सांसदज्यू, नागरिकको आवाज उठाउँछु… नीति बनाएर समस्याको समाधान गर्छु भनेर संसदमा जानुभएको हो। मजाक नगरौँ है… यो नागरिकको मतको मानमर्दन गर्ने ठाउँ र बेला होइन। भदौ ३१