𝑴𝑨𝑲𝑨𝑴𝑼 𝑾𝑨 𝑹𝑨𝑰𝑺 𝑨𝑨𝑮𝑰𝒁𝑨 𝑴𝑷𝑨𝑵𝑮𝑶 𝑴𝑲𝑨𝑲𝑨𝑻𝑰 𝑾𝑨 𝑲𝑼𝑾𝑨𝑨𝑵𝑫𝑨𝑨 𝑽𝑰𝑱𝑨𝑵𝑨 𝑲𝑼𝑵𝑼𝑭𝑨𝑰𝑲𝑨 𝑵𝑨 𝑴𝑰𝑹𝑨𝑫𝑰 𝒀𝑨 𝑴𝑨𝑭𝑼𝑻𝑨 𝑵𝑨 𝑮𝑬𝑺𝑰 Makamu wa Rais wa Jamhuri ya Muungano wa Tanzania, Mhe. Deogratius Ndejembi, ameiagiza Wizara ya Nishati kupitia Mamlaka ya Udhibiti wa Shughuli za Mkondo wa Juu wa Petroli (PURA) kuandaa mpango mkakati wa kuwajengea uwezo vijana na kampuni za Kitanzania ili washiriki kikamilifu katika miradi ya mafuta na gesi asilia. Ametoa maelekezo hayo leo, Oktoba 28, 2026, jijini Dar es Salaam, katika hafla ya utiaji saini leseni za utafutaji wa mafuta na gesi. Katika hafla hiyo, Makamu wa Rais alimwita mbele kijana Mwizegwa Rusibamanyila, aliyeacha kazi nje ya nchi na kurudi nyumbani kuanzisha kampuni yake inayofanya kazi katika kitalu cha gesi cha Mnazi Bay, mkoani Mtwara. Kampuni hiyo imeajiri zaidi ya Watanzania 50, na asilimia 80 kati yao wanatoka katika kijiji kinachozunguka mradi huo. Miongoni mwao ni binti aliyeajiriwa akiwa bado mwanafunzi, akaendelezwa kielimu, na sasa ni mmoja wa wasimamizi wa mradi huo. “Kitengo cha local content tukikisimamia vizuri, tuna uwezo wa kuzalisha akina Rusibamanyila wengi zaidi ambao watakuja kuajiri Watanzania wenzao katika miradi ya mafuta na gesi,” amesema Mhe. Ndejembi. Amesisitiza kuwa maandalizi ya vijana hao yaanze sasa, kabla miradi mikubwa ikiwemo mradi wa LNG mkoani Lindi haijakamilika, ili Watanzania wawe tayari kushiriki kama wataalamu, watoa huduma na wasambazaji wa bidhaa. Aidha, amemshauri Waziri wa Nishati kuandaa tuzo maalum kwa kijana huyo kutokana na kazi kubwa anayoifanya.

TRC YANUNUA SIMULATOR YA KISASA KUBORESHA MAFUNZO YA MADEREVA WA SGR Shirika la Reli Tanzania (TRC) limewekeza katika ununuzi wa kifaa cha kisasa cha mafunzo ya udereva wa treni, Motion Platform Simulator chenye uwezo wa nyuzi sita za uhuru wa mwendo (6 Degrees of Freedom), kwa lengo la kuimarisha umahiri wa madereva na usalama wa usafiri wa reli nchini. Akizungumza leo Jumanne Oktoba 27, 2026 wakati wa ziara ya ukaguzi wa miradi ya Reli ya Kisasa (SGR) katika kituo cha Fela, kilichopo katika kipande cha tano (Lot 5) Isaka–Mwanza, Waziri wa Uchukuzi, Profesa Makame Mbarawa, amesema kifaa hicho kitatumika kutoa mafunzo kwa kuzingatia viwango vya kimataifa, huku kikitoa nafasi kwa madereva kujifunza namna ya kukabiliana na mazingira na changamoto mbalimbali za uendeshaji. Ameongeza kwa kusema kuwa, simulator hiyo ina uwezo wa kuiga hali tofauti za uendeshaji, ikiwemo mvua, upepo, matumizi ya breki za dharura, kuongeza mwendo na kuendesha treni kwenye kona na sehemu za kubadilishia njia za reli. Vilevile amesema, mafunzo hayatakuwa ya mara moja pekee, bali madereva wataendelea kurejea kwenye kifaa hicho kwa vipindi maalumu ili kupima na kudumisha uwezo wao wa kuendesha treni kwa usalama. Kwa upande wake, Mkurugenzi Mkuu wa TRC, Mhandisi Machibya Shiwa, amesema kifaa hicho kina programu zinazoweza kuonesha njia za reli za Dar es Salaam–Mwanza na Tabora, hivyo kuwawezesha madereva kufanya mazoezi yanayofanana na mazingira halisi ya uendeshaji. Amesema Tanzania ni miongoni mwa nchi chache za Afrika zenye teknolojia hiyo, hatua inayotarajiwa kuimarisha mafunzo ya wataalamu na kuchangia kuifanya nchi kuwa kituo cha umahiri wa usafirishaji wa reli barani Afrika. Ziara hiyo ni sehemu ya ukaguzi wa maendeleo ya miradi ya SGR, ambapo kipande cha tano (Lot 5) Isaka–Mwanza ujenzi wake umefikia asilimia 69.56 ya utekelezaji. Uwekezaji wa eneo la Fela pia unahusisha mipango ya kujenga bandari kavu, kituo kikubwa cha mizigo na karakana ya matengenezo ya treni.

Bwana Lema akishashiba nyama na Pombe za DDC

▪️WAZIRI WA ULINZI NA JKT AWATEMBELEA NA KUWAJULIA HALI WAKUU WA MAJESHI WASTAAFU JENERALI MBOMA NA JENERALI MWAMUNYANGE Waziri wa Ulinzi na Jeshi la Kujenga Taifa (JKT), Mheshimiwa Dkt. Rhimo Nyansaho (Mb), tarehe 27 Oktoba 2026, amewatembelea na kuwajulia hali Wakuu wa Majeshi Wastaafu wa Jeshi la Wananchi wa Tanzania (JWTZ), Jenerali Robert Mboma na Jenerali Davies Mwamunyange, katika makazi yao yaliyopo Mbweni na Tangi Bovu, jijini Dar es Salaam. Ziara hiyo ni sehemu ya mwendelezo wa juhudi za Waziri wa Ulinzi na JKT za kuwatembelea, kuwajulia hali na kufanya mazungumzo na viongozi waandamizi wastaafu wa JWTZ, ikiwa ni ishara ya kuthamini mchango wao katika kulitumikia Taifa na kulijenga Jeshi la Wananchi wa Tanzania. Kupitia ziara hizo, Waziri wa Ulinzi na JKT, anaendelea kudumisha mawasiliano na viongozi hao wastaafu, ambao wana uzoefu mkubwa na historia muhimu katika uongozi na maendeleo ya Jeshi.

Rais wa Angola, João Lourenço, Kufanya Ziara ya Kiserikali ya Siku Tatu Nchini Tanzania Rais wa Angola, João Lourenço, anatarajiwa kufanya ziara ya kiserikali ya siku tatu nchini Tanzania kuanzia tarehe 28 hadi 30 Oktoba 2026, kwa mwaliko wa Rais wa Tanzania, Dkt. Samia Suluhu Hassan. Ziara hiyo inalenga kuimarisha uhusiano wa kihistoria wa muda mrefu kati ya mataifa hayo mawili na kuimarisha ushirikiano wa kimkakati wa kiuchumi, kwa kuzingatia upanuzi wa ushirikiano wa pande mbili na kuendeleza vipaumbele vya pamoja vya maendeleo. Mambo Muhimu Kuhusu Ziara Hiyo • Kuwasili Nchini Tanzania: Waziri wa Mambo ya Nje wa Angola, Téte António, aliwasili Dar es Salaam jioni ya tarehe 27 Oktoba, kabla ya kuwasili kwa Rais João Lourenço, anayetarajiwa kuwasili Jumatano, tarehe 28 Oktoba. • Mazungumzo ya Pande Mbili Dar es Salaam — Alhamisi, 29 Oktoba: Rais Lourenço anatarajiwa kushiriki mazungumzo ya ngazi ya juu na viongozi wa Tanzania. Mazungumzo hayo yanatarajiwa kuzaa matunda kupitia utiaji saini wa nyaraka mpya za kisheria na mikataba ya ushirikiano, kwa lengo la kuimarisha ushirikiano katika sekta mbalimbali muhimu. • Ziara ya Dodoma — Ijumaa, 30 Oktoba: Katika siku ya mwisho ya ziara hiyo, Rais Lourenço anatarajiwa kuelekea Dodoma, makao makuu ya Tanzania, kuhudhuria hafla rasmi ya uzinduzi wa Jiji la Serikali lililopo Mtumba. Baada ya hafla hiyo, anatarajiwa kurejea Angola mchana wa siku hiyo.

Mkurugenzi Mkuu wa Mamlaka ya Udhibiti wa Huduma za Nishati na Maji (EWURA), Ndugu Salum Mnuna, ametembelea banda la Wizara ya Nishati katika maonesho yanayoambatana na hafla ya utiaji saini leseni za utafutaji wa mafuta na gesi, yanayofanyika leo, Oktoba 28, 2026, katika Ukumbi wa Kimataifa wa Julius Nyerere (JNCC), jijini Dar es Salaam. Ndug. Mnuna amepata fursa ya kujionea taarifa na shughuli mbalimbali zinazowasilishwa na Wizara ya Nishati kuhusu maendeleo ya sekta ya nishati.

Mustakabali wa taifa uko mikononi mwa vijana. Wengi wao wamechagua amani kwa sababu vurugu husababisha uharibifu wa mali, kupoteza riziki na maisha. Wanajua baada ya machafuko kazi zinapotea na biashara zinaporomoka. Kwa hiyo wanakataa kushiriki. Nguvu zao zinatumika kujenga, si kuharibu. #HatutakiTenaVurugu Tumekataa Harakati Za Vurugu

Kwa nini vijana wengi wanakataa vurugu? Kwa sababu wanajua inaacha nyuma mali zilizoharibiwa, riziki zilizopotea na maisha yaliyochukuliwa. Wameamua kulinda mustakabali wao. Badala ya kushiriki machafuko, wanachagua kazi, elimu na ujasiriamali. Wanatambua kuwa uharibifu wa biashara unaathiri familia nzima. #HatutakiTenaVurugu Tumekataa Harakati Za Vurugu