ست الحتة / J. Berry

تيجو احكيلكو حكاية جيمس بوند الحقيقي؟ 😃 وقبل ما تقولولي هتطلعيه مصري! اقول لكو لا هو مش كده بالظبط، بس كل حاجة بتبتدي في مصر 🤣🤣🤣🤣 كلكو عارفين أفلام ويلي ونكا (تشارلي ومصنع الشوكولاتة) وماتيلدا وBFG؟ يعني عارفين مؤلفها رولد دال، واحد من أشهر مؤلفي كتب الأطفال في التاريخ 🤷🏻‍♀️ الحكاية بدأت سنة ١٩٤٠، لما طيار انجليزي شاب اسمه رولد دال وصل قاعدة أبو صوير الجوية جنب الإسماعيلية في عز الحرب العالمية التانية، واستلم طيارة مقاتلة من نوع عمره ما ساقه قبل كده. سأل الضابط مين هيدربه عليها، فالضابط رد عليه بما معناه: إنت عبيط؟ المهم، طلع بالطيارة عشان يلحق سربه في الصحراء الغربية، لكن الإحداثيات اللي ادهالهاله كانت غلط، ففضل يلف في الصحرا لحد ما الدنيا ضلمت والبنزين قرب يخلص. حاول يهبط اضطراري، فالطيارة خبطت في صخرة واتحطمت، واتكسرت جمجمته ووشه، وفقد بصره مؤقتًا. الجنود البريطانيين لقوه ونقلوه على المستشفى السويسري في إسكندرية متشال على نقالة (مستشفى الحضرة حالياً)، وقعد هناك حوالي خمس شهور، لحد ما عضمه لم واستعاد بصره. خرج من المستشفى على بيت شقيق ملك القطن ورئيس مدرسة فكتوريا، اللي استضافه في بيت العائلة في فلمنج فترة النقاهة، وبعدها راح القاهرة يكشف عشان يعرف إذا كان ينفع يرجع يطير تاني. والمفاجأة اللي خالتكو مش مصدقاها هي إن الدكاترة وافقوا! وقالك انه رجع يحارب فعلًا سنة ١٩٤١، المرة دي في اليونان، وشارك في معارك جوية ضد الألمان، وبعدها حارب في سوريا ضد القوات الفرنسية الموالية لهتلر، وقالك ده أسقط خمس طيارات معادية، بس يا خسارة البطل إصابته القديمة مأثرة عليه، وبدأ يعاني من صداع رهيب ونوبات فقدان وعي، واتمنع من الطيران نهائيًا. وهنا بقى تبدأ الحكاية التانية! اللي مخلية قصة الخمس طيارات اللي وقعها مش داخلة ذمتي بنكلة😎 سنة ١٩٤٢، اتعين دال ملحق جوي للسفارة البريطانية في واشنطن، لكن الحقيقة انه كان جاسوس للمخابرات البريطانية، ضمن شبكة سرية اسمها British Security Coordination، كانت بتجمع معلومات عن السياسيين الأمريكيين وتحاول التأثير على مواقفهم لصالح بريطانيا. وكان أول ظهور أدبي لرولد دال في مجلة أمريكية سنة ١٩٤٢، بقصة حقيقية عن حادثة مصر، تحت عنوان يوحي ببطولة جوية لم تحدث Shot Down Over Libya، "أُسقطت فوق ليبيا"، مع إن محدش أسقطه أصلًا، هو اللي تاه في الصحرا ووقع بالطيارة! وبالبطولة الزائفة دي وقصة الخمس طيارات قدر دال اللي كان طويل وحليوة واجتماعي، يدخل دوائر الصفوة الأمريكية، وابتدا يعمل علاقات عاطفية وجنسية مع سيدات نافذات، منهم عضوة الكونجرس كلير بوث لوس، زوجة صاحب مجلات "تايم" و"لايف"، ويستخدم العلاقات دي للتأثير في صناع القرار بهدف جر الولايات المتحدة للحرب ضد هتلر. مين صديقه ورئيسه في نفس المجموعة الاستخباراتية، واللي كان بيترفعله تقارير مغامرات دال الجنسية في سبيل الوطن؟ إيان فلمنج مؤلف چيمس بوند😎 وبعد وفاة فلمنج بيتطلب من رود دال يكتب سيناريو You Only Live Twice واحد من أهم أفلام سلسلة چيمس بوند. روايات رود دال اشتهرت بالغرابة، لكن حياته كانت أغرب بكتير!

عاجل: مباشر من البيت الأبيض

كومبو ما بيجليش.. الحيوان المغتصب الداعية ده كان متجوز كيتي بيري في عز مجدها.. وما استحملش نجاحها واستقلاليتها ومساواتها 😬 بالمناسبة كان مصاحب طليقة رئيس وزراء باكستان واتهمتهم سيدة أخرى بالاعتداء عليها سوا بعد ما طلبوا مساج وراحتلهم البيت واتفاجئت بنواياهم، بس مكنش عندها محامي لإنها فقيرة ومجرية وهم اللي خدوا عليها إقرار بالصمت

عشان تعرفوا انكو شوية جهلة طائفيين مفيش منكو رجا جورج حلمي عمره ما كان صهيوني، بالعكس، ده في وقته القليل في الكونجرس ألقى خطاب عظيم ندد فيه بإسرائيل واللي بتعمله في غزة. وقف واتكلم وقال أنا عربي، أقف أمامكم مكسور ومحطم بسبب هول ما يحدث في غزة والضفة ولبنان، وقال لهم مش مفروض يفرق معانا دين ولا عرق، الكارثة الإنسانية دي لازم تهزنا كلنا.. وعرض وراه صور للضحايا وصور بالقمر الصناعي توضح حجم الدمار لإجبار المجلس على الاعتراف بحجم الكارثة. لكن أي مسؤول في أي دولة لازم يقعد مع كل الناس صهاينة وغير صهاينة… وأكبر داعم لعبدول في حملته كان أوباما الصهيوني. ديمقراطية إيه وانتخابات إيه اللي بتتكلموا فيها🤣 انتو فاشيين الديمقراطية بالنسبة لكم وسيلة للوصول للسلطة فقط.

طبعاً ده لو كان حصل في الشرق الأوسط كان زمان أوروبا والعالم كله بينشر خريطة العالم العربي باللون الأحمر مع تحذيرات بعدم السفر، وكان شفنا بيل ماهر طالع يقول إنه الإسلام بيهدد العالم بسماء حمراء، وان المسلمين ملهمش مكان وسط العالم المتحضر. وكان هيكون مطلوب من كل عربي ومسلم يتنصل من هؤلاء الذكوريين الأشرار ويطلع يعتذر ويحلف ان دينه دين سلام ويجيب اتنين أجانب يشهدوله بكده.

وبعد ما حكينا الحدوتة تعالوا احكيلكو حكاية البردية والخواجة ابن الحرامية بردية مصرية عمرها 1800 سنة، مكتوب عليها نسخة من قصيدة "سافو" اللي ذكرت فيها قصة أخوها مع بطلة حكايتنا. البردية دي خرجت من المنيا في مصر سنة 1897 لجامعة أكسفورد بشكل قانوني للدراسة، وفضلت في مخازن جامعة أكسفورد أكتر من قرن. لحد ما ظهر البروفيسور ديرك أوبينك، المسؤول عن البرديات في أكسفورد. الخاين سرق البردية عشان يبيعها بملايين الدولارات! واخترع قصة وهمية سنة 2014 وقال: "وجدتها مع جامع مقتنيات مصري لندني"! العلماء كشفوا اللعبة لما طابقوا الشروخ الميكروسكوبية للبردية مع صور قديمة لمفقودات أكسفورد، وانفجرت الفضيحة! البروفيسور اترفد (تخيلوا مش مسجون الحرامي لحد النهاردة) والشرطة البريطانية تحفظت على البردية كأثر مسروق. وبما إن البردية مصرية الأصل والمنشأ، وبريطانيا فشلت في الحفاظ عليها وحاميها طلع حراميها، بنطالب بعودة البردية فوراً لمصر. ده مكانها الشرعي والوحيد! 🇪🇬 ساعدوني في مطالبة الجهات البريطانية @UKinEgypt و @DCMS بالتنسيق الفوري لإعادة القصيدة لبيتها.