آبےـو مےـعےـآذ (@Muaz_1907) header
آبےـو مےـعےـآذ (@Muaz_1907) profile picture

قديمًا كان الناس يلبسون ثيابًا مُتسخة وقلوبهم نظيفة، أما اليوم يلبسون ثيابًا نظيفة وقلوبهم قذرة 🥀🖤 ..🦅Al Ahly🦅 ❤Bibo 👑 real madrid💕

Joined May 2022
Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)Photo by آبےـو مےـعےـآذ (@Muaz_1907)
اقلب الصفحة وماتبصش وراك .. اللي يبيعك بالرخيص، ماتديلوش من وقتك ولا حتى بنُص ثانية عتاب. اللي يخرج من حياتك بناقص منه، سيب مكان الفراغ بتاعه نضيف للي يستحقه✨🚪
1
7
1,837
حال نيرة الأحمر كل ما تروح تشجع الزمالك قدام الأهلي .. وكل مرة يعملها الزمالك ويخسر بنفس السيناريو المعتاد 😏😂
1
11
316
🏆| كأس العالم للناشئين تحت 17 سنة #قطر_2026 🔴 نهاية مباريات اليوم 🔴 🇪🇬 مصر 2/1 اليونان 🇬🇷 🇶🇦 قطر 0/2 🇵🇦 🇲🇿 موزمبيق 0/4 الدنمارك 🇩🇰 🇳🇨 كاليدونيا الجديدة 1/0 الإكوادور 🇪🇨 🇫🇷 فرنسا 1/3 🇭🇹 🇰🇷 كوريا الجنوبية 0/3 أوغندا 🇺🇬 🇸🇦 السعودية 3/2 أوروجواي 🇦🇷 الأرجنتين 2/0 أستراليا 🇦🇺 ⚽| مباراة منتخب مصر القادمة ⚽ 🇪🇬 مصر 🆚 قطر 🇶🇦 📅| الأحد 22/11/2026 ⌚| 5:00 مساءً بتوقيت القاهرة 🏟| ملعب سباير زون 2 🏆🌏🇶🇦
1
272
🏆| كأس العالم للناشئين #قطر_2026 ⚽| الجولة الأولى من دور المجموعات (المجموعة الأولى) 🇪🇬 مصر 🆚 اليونان 🇬🇷 📅| الخميس 19 نوفمبر 2026 ⌚| 6:00 مساءً بتوقيت القاهرة 🏟| ملعب منصور مفتاح بأكاديمية أسباير 📺| قناة الكأس HD7 (المفتوحة) 🎙| أحمد الطيب 📺| قناة beIN SPORTS (المفتوحة) 🎙| عصام الشوالي 📺| منصة فيفا 📺| منصة شوف (بتعليق قنوات الكأس)
2
4
437
تتمنى أسرة #نسور_التالته74 الشفاء العاجل للأستاذة الغالية ميس وفاء 🌹 نسأل الله العظيم رب العرش العظيم أن يشفيك شفاء لا يغادر سقما ويطمنا عليكى 🦅 🌸 @solist13 #نسور_التالته74 @Vib_Tayar1 @hani_012ha @Aamer78668044 @Muaz_1907 @Mohamed42546548 @abdomohammed_74 @shymaa3030
19
4
34
746
آبےـو مےـعےـآذ retweeted
سؤال بس بسيط وسيبك اللى انا من محبى العميد ولا انت من محبى صلاح سؤال كدة للطرفين المؤيد والمعارض كاس العالم 2018 بروسيا لما كان معانا منتخبات ارجواى وروسيا والسعوديه وكان عندنا محترفين كتير زى محمد صلاح ليفربول وكان احسن لاعب فى افريقيا ساعتها واحمد المحمدى محترف الدورى الانجليزى ومحمد الننى بيلعب فى الارسنال ورمضان صبحى محترف دورى انجليزى وعمرو وردة محترف بالدورى اليونانى واحمد حجازى محترف وتريزيجيه محترف دورى انجليزى وكل دول اساسين من 11 يعنى 7 من اصل 11 اساسين محترفين دة غير محمد صلاح كان عندة 26 سنه يعنى بكامل قوته ونجوميته عملوا اى فى المونديال طبعا 3 هزائم ولا بنط وروحنا من الدور الاول طيب 2026 محمد صلاح عندة 34 يعنى فى الكورة مش شباب وكبير ومعاه 2 محترفين فقط مرمروش وهيثم والاتنين مش اساسين كمان وتوصل للدور دة وكنت ممكن توصل لابعد من كدة وعملت مونديال تاريخى يبقى يا ترى دة صلاح ولا العميد
71
30
9
198
20,278
آبےـو مےـعےـآذ retweeted
أسرة تيم نسور التالتة74 @nsor_Talta تتمنى الشفاء العاجل لأختنا مدام وفاء محمد @solist13 ألف مليون سلامه على حضرتك نسأل الله العظيم رب العرش العظيم ان يشفيك
6
7
10
347
آبےـو مےـعےـآذ retweeted
🦅 فقرة سؤال ع الماشي 🦅 مبروك لنسور التالتة 74 ❤️ @hwdhh840 @Aamer78668044 @Mohamed42546548 @SHABANAN7017 @Muaz_1907 @abdomohammed_74 @shymaa3030 فازوا معانا في فقرة سؤال ع الماشي 👏🔥 #نسور_التالته74
6
6
1
11
377
آبےـو مےـعےـآذ retweeted
وائل جمعة: عودة اللاعبين الدوليين لتدريبات الأهلي يوم الخميس المقبل استعدادًا لمواجهة بيراميدز.
5
7
22
443
بيقولك منتخب مصر في مالاوي عمل احتفال للمو صلاح بمناسبة وصوله لـ70 هدف دولي، وانفراده بصدارة قائمة الهدافين التاريخيين للمنتخب المصري 🤨 عارف إنت يا فخر المينتالتي، لو بقوا 100 هدف ولسه زي ما إنت صفر بطولات مع المنتخب، فاحتفالاتك دي بالنسبة لنا احتفالات شيكابالية، ولا ليها أي قيمة 😏
27
9
4
50
1,386
🔴 أحمد شوبير بالليل 🆚 أحمد شوبير الصبح 🤨 🔸 شوبير عبر برنامج الناظر "قناة النهار": 📺 - الأهلي يدخل مفاوضات مع نادي زد لضم طارق علاء في صفقة تبادلية مقابل الثلاثي كريم فؤاد وهادي رياض وكباكا. ========================= 🔸 شوبير عبر إذاعة "ON Sport FM": 📻 - لا صحة لما تردد بشأن مفاوضات الأهلي مع طارق علاء، ظهير منتخب مصر ونادي زد 😏
6
8
558
🔴 لو الكلام اللي قاله شوبير صحيح .. يبقى إحنا قدام تخبط إداري وفني محتاج وقفة!! 🤔 ✍🏻 شوبير بيتكلم عن صفقة تبادلية بين الأهلي ونادي زد، بانضمام طارق علاء للأهلي، مقابل حصول زد على 3 لاعبين: أحمد خالد كباكا، وكريم فؤاد، وهادي رياض. وبصراحة، أنا مش عارف أبدأ منين في الصفقة دي، لكن عاوز أقول إن كلمة تخبط اللي استخدمتها في العنوان تعتبر أقل لفظ ممكن نوصف بيه المشهد!! أولًا: هل في لاعب في مصر يستحق إنك تتنازل عن 3 لاعبين مقابل انضمامه للفريق؟! يعني إيه المعايير اللي بتخليك توافق على صفقة بالشكل ده!! وهل فعلًا إمكانيات طارق علاء تستاهل إنك تفرّط في 3 لاعبين من قائمتك علشانه؟ أنا شخصيًا مش شايف أي مبرر للموضوع ده. ثانيًا: إنت على أي أساس رجعت كباكا؟ وعلى أي أساس قررت إنه مش مناسب وبتستغنى عنه؟!! الراجل لسه ما أخدش فرصته مع الفريق الأول أصلًا، ولا لعب دقيقة واحدة تقدر من خلالها تحكم على مستواه وإمكانياته!! طب إنت لما قررت ترجعه، مكنتش مقتنع بيه؟ ولا كان عندك تصور إن اللاعب ده ممكن يكون إضافة للفريق؟ ثالثًا: هادي رياض مش ده اللاعب اللي إنت اقتنعت بإمكانياته وتعاقدت معاه لأنه كان بيقدم مستويات كويسة مع فريقه؟ طب إيه اللي حصل بعد ما انضم للأهلي؟! هل المشكلة فعلًا في إمكانياته، ولا في عدم قدرته على التأقلم مع الضغوط، ولا في طريقة التعامل معاه؟! والأهم من كل ده، إنت إزاي بتكرر نفس طريقة الاختيار؟ بتجيب لاعب بناءً على مستواه في فريق تاني، وبعد ما ينضم للأهلي تكتشف إن الحسابات مختلفة تمامًا!! رابعًا: كريم فؤاد مركزه الأساسي باك يمين، لكن إنت فضلت تستخدمه في الناحية الشمال، ولما الأداء ما كانش بالشكل المطلوب في المركز ده، بقى اسمه مطروح ضمن قائمة الراحلين!! طب جربته في مركزه الأساسي كام مرة؟ وهل فعلًا استنفدت كل الطرق للاستفادة منه؟ ولا إنت بتحكم على لاعب بناءً على مركز مش هو مركزه الأصلي؟! طب ما تجرب تستفيد منه في مركزه الأصلي، خصوصًا إنك بتدور على باك يمين، بدل ما تتنازل عنه وتدخل في صفقة جديدة، مع لاعب لسه محدش يقدر يضمن لك هيكون إضافة حقيقية ولا مجرد اسم جديد في قائمة الصفقات اللي جت ومكملتش. والسؤال الأهم هنا: مين صاحب القرار في الصفقة دي أصلًا؟! هل ده اختيار عموتة، اللي ممكن يرحل في أي وقت، ولا قرار من الإدارة؟ لأن في الحالتين إحنا قدام مشكلة كبيرة .. لو عموتة هو صاحب الاختيار، إنت بتبني قراراتك على رؤية مدرب مستقبله مش مضمون مع الفريق، ولو الإدارة هي صاحبة القرار، يبقى على أي أساس بتختار اللاعبين وبتحدد مين يستمر ومين يمشي؟ ومين يضمن لك إنك بعد رحيل عموتة، لو ده حصل، ما تجيبش مدرب جديد تكون ليه رؤية مختلفة تمامًا، وممكن يطلب الاستغناء عن نفس اللاعب اللي إنت لسه داخل في صفقة علشانه؟ ونفضل نلف في نفس الدايرة، مدرب يمشي ولاعبين يمشوا وصفقات جديدة، والأهلي هو اللي بيدفع تمن غياب التخطيط!! المشكلة إننا بقينا بنشوف لاعبين يدخلوا الأهلي على إنهم صفقات مهمة، وبعد فترة قصيرة يخرجوا من الحسابات. وفيه لاعبين بيرجعوا من الإعارة من غير ما ياخدوا فرصة حقيقية، ولاعبين بيتوظفوا في مراكز غير مراكزهم، وبعد كده يتحاسبوا على نتائج اختيارات مش بتاعتهم!! وعشان أكون واضح، أنا مش بقلل من طارق علاء ولا بقول إنه لاعب وحش، بالعكس هو لاعب كويس، لكن الفكرة إننا شفنا نفس الكلام قبل كده مع لاعبين كتير. هادي رياض كان لاعب كويس لما تعاقدت معاه، وياسين مرعي كان لاعب كويس قبل ما نشوف الأخطاء والكوارث الدفاعية اللي ظهرت منه، والعش كان لاعب كويس، وأقطاي كان لاعب كويس، وعلي محمود كان لاعب كويس.. وكريم فؤاد نفسه لاعب كويس، لكن بدل ما تستفيد بإمكانياته، بتفكر تستغنى عنه!! يعني المشكلة مش في إن كل لاعب بنجيبه لازم يطلع نجم، ولا إن كل صفقة لازم تنجح، لأن دي طبيعة كرة القدم. المشكلة إنك مش شايف ملامح واضحة لسياسة تعاقدات، ولا فيه رؤية ثابتة بتحدد احتياجات الفريق، ولا حتى صبر كافي لتقييم اللاعبين اللي إنت بنفسك اخترتهم وجبتهم للنادي!! إحنا مش محتاجين كل شوية نبدل لاعبين بلاعبين، ولا نغيّر مدرب بمدرب، ولا نبدأ من الصفر مع كل مرحلة جديدة. إحنا محتاجين حد عنده رؤية، وعارف هو بيعمل إيه، وبيختار على أساس احتياجات الأهلي مش مجرد أسماء بتدخل وأسماء بتخرج. الأهلي مش مكان للتجارب العشوائية، ومش من الطبيعي كل فترة نكتشف إن اختيارات المرحلة اللي فاتت كانت غلط، ونبدأ ندفع تمنها من جديد!! 🤔🔴🦅
22
4
2
28
7,096
على الحلوة والمرة معاه.. 🦅❤️ #الاهلي
4
65
600
♦نادي دي سي يونايتد الأمريكي يعلن إقالة رينيه فايلر من منصبه كمدير فني للفريق بسبب سوء النتائج ❌ 🔹أنهى الفريق الموسم بـ 6 هزائم متتالية، ولم يحقق سوى فوز وحيد والتعادل 4 مباريات في آخر 11 مباراة خاضها تحت قيادة فايلر 🔹احتل دي سي يونايتد المركز الرابع عشر (قبل الأخير) في القسم الشرقي برصيد 33 نقطة، والمركز الثامن والعشرين في الترتيب العام من أصل 30 فريقًا. فشل الفريق بذلك في التأهل لمرحلة "البلاي أوف" للموسم السابع على التوالي. تولى فايلر تدريب الفريق في يوليو 2025، وخاض معه 43 مباراة في مختلف المسابقات خلال موسم ونصف، حقق فيها 8 انتصارات فقط مقابل 19 هزيمة و16 تعادلاً ⚽🇺🇸
1
2
7
642
البرتغال من غير رونالدو مالوش أي قيمة، زي أهداف شيكابالا في الأهلي 😂😏
حال محبي رونالدو الآن بعد خسارة البرتغال من الدنمارك بنتيجة 4-1 😅👀
1
3
196
🔴 مقترح من رئيس لجنة الحكام بالفيفا لتعديل قانون ركلات الجزاء ⚽ ▪️ دراسة مقترح ينهي ركلة الجزاء بمجرد تصدي حارس المرمى للكرة أو ارتطامها بالقائم. ▪️ لن يُسمح للمهاجمين بمتابعة الكرة ومحاولة تسجيل هدف من ارتدادها. ▪️ ينتهي اللعب فورًا بمجرد تصدي حارس المرمى لركلة الجزاء أو ارتطام الكرة بالقائم أو العارضة. ▪️ يُحتسب اللعب بعد ذلك بركلة مرمى لصالح الفريق المدافع دون السماح للمهاجمين بمتابعة الكرة ▪️ كولينا يرى أن تنفيذ ركلة الجزاء يمنح المهاجم أفضلية كبيرة على حارس المرمى. ▪️ تطبيق التعديل يعني عدم وجود فرصة ثانية للتسجيل بعد إهدار ركلة الجزاء ▪️ التصويت الرسمي للمقترح في مارس 2027، والتطبيق الفعلي في يوليو 2027 في حال الموافقة عليه ⚽🥅
3
3
6
468
آبےـو مےـعےـآذ retweeted
صلاح ١٢٣ مباراة دوليه سجل ٧٠ منهم ١١ هدف من ضربة جزاء حسام حسن ١٧٧ مباراة دوليه سجل ٦٩ هدف ليس بها ضربات جزاء. الى جانب احرازه ٧ اهداف عام ٩٨ وتقاسم لقب الهداف..بالاضافه لمساهمته فى الفوز ب ٣ بطولات امم افريقيه٨٦...٩٨..٢٠٠٦ الارقام لا تكذب ولا تتجمل ولا تكتب على ورقة بيضاء وتنشر
31
13
4
68
3,375
🔴 النجومية حاجة .. وصناعة التاريخ حاجة تانية خالص!! 🤔 ✍🏻 كل الاحترام والتقدير لكل التعليقات المحترمة، سواء اتفق أصحابها معايا أو اختلفوا، أهلاوية أو زملكاوية، لأن الاختلاف عمره ما كان مشكلة طالما في حدود الاحترام. 🤍 خليني أوضح نقطة مهمة: سواء إنت أو أنا بنحب محمد صلاح أو مش بنحبه، دي حرية شخصية، ومحدش له الحق يفرض عليك تحب لاعب أو تكرهه، أو يحدد مين تشوفه أسطورة ومين مش مقتنع بيه. كل واحد حر في تقييمه لأي لاعب، لكن اللي مش مقبول تصادر حق غيرك في إبداء رأيه، أو تعتبر أي انتقاد لصلاح هجوم شخصي عليك، أو تحجر على رأي حد مش شايفه الأفضل. مفيش اختلاف إن محمد صلاح لاعب كبير، وعمل تاريخ مشرف في أوروبا، ووصل لمكانة عالمية نفتخر بيها كمصريين، وحقق إنجازات فردية عظيمة. لكن لما عملت المقارنة، ماكنتش بتكلم عن الأرقام والأهداف، لأن طبيعي صلاح يتفوق فيها على الجميع، أنا كنت بتكلم عن البطولات والإنجازات والبصمة اللي سابها كل لاعب مع منتخب مصر. وهنا لازم نفرق بين الإنجاز الفردي والجماعي. الأرقام الفردية مهمة وبتوثق نجاح اللاعب، لكن هل لوحدها كفاية علشان نحكم إنه أعظم لاعب في تاريخ منتخب بلده؟ الأرقام القياسية قابلة للتحطيم، وممكن ييجي لاعب يحقق أرقام أكبر من صلاح، زي ما صلاح نفسه حطم أرقام لاعبين سبقوه. عارف إنك ممكن تقولي: بس دي أرقام لاعب مصري وهتفضل متسجلة باسمه حتى لو اتحطمت! هقولك عندك حق، وإحنا بنفتخر بالأرقام دي، لكن لازم نفرق بين الأرقام الفردية وتأثير اللاعب في تاريخ منتخب بلده، لأن كل واحدة ليها حساب مختلف. فيه فرق بين لاعب حقق لنفسه أرقام عظيمة، ولاعب ساهم في صناعة إنجازات وبطولات لمنتخب بلده، والاتنين يستحقوا التقدير، لكن مش بالضرورة يتقيموا بنفس المعيار. وهنا لازم نفهم إن مش كل نجم عالمي يبقى بالضرورة أسطورة في تاريخ منتخب بلده! النجومية العالمية ممكن اللاعب يصنعها بنجاحاته مع الأندية وبطولاته وأرقامه في أكبر الدوريات، لكن مكانته مع منتخب بلده ليها حساب تاني. خلينا ناخد ميسي ورونالدو كمثال. ميسي كان من أعظم لاعبي العالم قبل كأس العالم، لكن تتويجه بكوبا أمريكا وكأس العالم خلّى مكانته في تاريخ منتخب الأرجنتين تاخد مكانة مختلفة. وكريستيانو رونالدو حقق نجاحات هائلة مع الأندية، لكن لما نتكلم عن تاريخه مع البرتغال، لازم نحسب له أمم أوروبا 2016 ودوري الأمم الأوروبية 2019 و2025، مش أهدافه وأرقامه مع ريال مدريد ومانشستر يونايتد بس. ونفس الكلام عندنا في مصر؛ لما نقارن تاريخ اللاعبين مع المنتخب، لازم نبص على إنجازاتهم وتأثيرهم بقميص المنتخب، مش مجرد شهرتهم العالمية ونجاحاتهم مع أنديتهم. وده مش معناه إن اللاعب اللي ماحققش بطولة مع منتخب بلده فاشل، أو إن إنجازاته الفردية مالهاش قيمة، لكن مينفعش نخلط بين نجاحه الاحترافي وتأثيره في تاريخ منتخب بلده. نيجي بقى لحكاية المشاركة في كأس العالم مرتين، واللي البعض بيعتبرها دليل حاسم على مكانة محمد صلاح. طب ما تريزيجيه هو كمان شارك مع المنتخب في نسختي كأس العالم 2018 و2026، وبلاش الشناوي في المقارنة دي، لأنه ماشاركش في مباريات نسخة 2026 رغم وجوده في القائمة. هتقولي إن صلاح كان سبب رئيسي في تأهلنا للمونديال مرتين. هقولك أنا مش بنكر دوره، لكن تعالوا نراجع تصفيات 2018 من أول مباراة لحد مواجهة الكونغو، ونقارن بين دور صلاح وتريزيجيه، خصوصًا المباراة الأخيرة وضربة الجزاء اللي حسمت التأهل. هل معنى إن صلاح سجل هدف التأهل إنه كان صاحب المجهود الوحيد؟ وهل من العدل ننسب مشوار منتخب كامل للاعب واحد ونتجاهل أدوار باقي زملائه؟ وبالمناسبة، مين اللي حصل على ضربة الجزاء اللي حسمت التأهل في الدقيقة الأخيرة؟ مش تريزيجيه؟! أنا بالنسبة لي الأسطورة مش مجرد لاعب سجل أهداف أكتر من غيره، أو حقق أرقام قياسية، أو لعب في أكبر الأندية الأوروبية. الأسطورة هو اللي عمل بصمة حقيقية مع فريقه، وقبل فريقه والأهم مع منتخب بلده، وارتبط اسمه ببطولات وإنجازات ولحظات فضلت محفورة في ذاكرة الجماهير، وكان ليه تأثير في تاريخ الكرة المصرية. وده مش تقليل من نجومية صلاح أو إنجازاته العالمية، لكن النجومية العالمية حاجة، ومكانة اللاعب في تاريخ منتخب بلده حاجة تانية خالص. ممكن تكون شايف صلاح أفضل لاعب مصري في التاريخ، وممكن تكون شايف حسن شحاتة أو أبو تريكة أو الخطيب أو غيرهم هم الأساطير الحقيقية للكرة المصرية.. وكل واحد حر في رأيه وقناعته. ✍🏻 في النهاية .. إحنا بنتناقش، وكل واحد حر في قناعاته، ومش مطلوب نتفق على مين الأفضل أو مين الأسطورة، لكن المطلوب نحترم الرأي والرأي الآخر، ونفهم إن الاختلاف في التقييم مش معناه عداوة أو تقليل من حد .. لأن الاختلاف مش عداوة، والنقاش مش إهانة، والتقدير مش معناه إننا نتفق على كل حاجة. 🤝❤️
4
3
1
15
1,372
✍🏻 سؤال وياريت حد من اللي زعلانين من الهجوم على محمد صلاح يتكرم ويرد علينا، ويمكن بالمرة يفهمنا المنطق اللي بيفكروا بيه 🤔 ليه كل ما تشوفوا حد بيدافع عن حسام حسن أو بينتقد محمد صلاح، تقولوا عليه إخوانجي؟! هو إيه علاقة الإخوان أصلًا بإن واحد مقتنع إن حسام حسن اتظلم، أو شايف إن محمد صلاح غلطان؟.. أو إنكم مقتنعين إن محمد صلاح مش غلطان؟!! هو الاختلاف بقى جريمة، ولا لازم كل الناس تشوف كل حاجة بنفس نظرتكم وتردد نفس كلامكم؟! طب معلش، أخواتنا المسيحيين، وكل الاحترام والتقدير ليهم، لو واحد منهم دافع عن حسام حسن وانتقد محمد صلاح، هيبقى هو كمان إخوانجي؟! ولا عندكم تصنيف تاني جاهز للحالة دي؟! 😅 ولا عشان مش لاقيين رد على الكلام، بتهاجموا اللي بيختلف معاكم بأي حاجة، عشان تداروا عجزكم عن الرد؟! بجد والله محتاجين حد يفهمنا تركيبة دماغكم دي شغالة إزاي، والصنف اللي بتشربوه إيه، عشان إحنا شكلنا محتاجين دروس مكثفة في طريقة التفكير بتاعتكم ... لأن بصراحة مش قادرين نستوعب العبقرية دي!! 🤨😅
122
النجومية ممكن تعمل منك نجم عالمي 👌 لكن اللي بيصنع الأساطير هو اللي بتقدمه لمنتخب بلدك، مش بس اللي بتقدمه لنفسك!! 🤚🇪🇬
45
17
8
127
71,976
آبےـو مےـعےـآذ retweeted
دكتور عبدالرحمن الشابوني دشمل ثنائي العار محمد صلاح و هاني أبو ريدة بالمناسبة .. الشابوني زملكاوي جدا فكده بقى عبيـ ـد حمادة مينتاليتي اتزنقوا و مش هيعرفوا يقولوا عليه لا لجنة أهلاوية ولا لجنة إخوانية 😁😁😁 قلبي معاكم يا لحاسين صوابع رجلين فلاح نجريج
41
145
21
1,039
125,241