Politiko сонин

13-аас доош насны хүүхдийг Facebook, Instagram хэрэглэхийг бүрэн хориглох, 13-16 насны хүүхдийг гар утасны дугаараар нь баталгаажуулах заалт бүхий хуулийн төслийг хэлэлцэхийг дэмжлээ Ийнхүү УИХ-аар «Нийгмийн сүлжээнд хүүхдийн оролцоог зохицуулах тухай» хуулийн төслийн анхны хэлэлцүүлгийг хийх юм 13-16 насны хүүхдийн ашиглаж буй гар утасны дугаар дээр нь хүүхдийн болон эцэг, эхийн овог, нэр, иргэний бүртгэлийн дугаарууд бүртгэгдсэн байхыг шаардах юм. Мөн тухайн насны хүүхдүүд Facebook, Instagram платформд нэвтрэхэд өөрсдийнх нь насны онцлогт тохирсон контентыг харуулдаг технологийн шийдлийг тусгаж байгаа аж

13 нас хүрээгүй хүүхдийг нийгмийн сүлжээ ашиглахыг хориглох хуулийн төслийг хэлэлцэж эхэллээ -УИХ-ын гишүүн Н.Алтаншагай: Хүүхдийн нийгмийн сүлжээг зохицуулахад эцэг, эхээс гадна сургууль, нийгмийн ажилтны үүрэг маш чухал. Дэлхийн 40 гаруй оронд хүүхдийн нийгмийн сүлжээний оролцоог зохицуулж эхэлсэн ч хяналт тавихад хүндрэлтэй юм байна. Хууль санаачлагч П.Наранбаяр: -13 нас хүртэлх хүүхдийг нийгмийн сүлжээ ашиглахыг бүрэн хориглож байгаа. Мэдээж эцэг, эх маш чухал үүрэгтэй. Сургууль, нийгмийн ажилтны үүргийг маш сайн зохицуулж өгсөн. #Нийгмийн сүлжээнд хүүхдийн оролцоог зохицуулах анхдагч хуулийн төслийг УИХ-ын чуулганаар хэлэлцэж эхэллээ.

Цахим орчин дахь хуурамч мэдээлэл, тролл хаягнаас сэргийлэхийн хуулийн зохицуулалт хийх гэж байгаа талаар ХЗДХ-ийн сайд Г.Тэмүүлэн мэдээлжээ. Улс төрийн нам болон улстөрчид иргэдийн бодит дэмжлэгийг бий болгохын оронд цахим орчинд дэмжлэгтэй мэт харагдахыг чухалчилж, хуурамч тролл хаяг олноор ажиллуулдаг судалгаанууд олон гарчээ. Монголд популизм гаарах, институт сулрахын хэрээр улс төрийн хоосорсон орон зайг сошиалаар нөхөж буй байдал өнөөдөр ч үргэлжилж байна. Иймээс эрх баригчид цахим орчинд үнэхээр өөрчлөлт хийж чадах уу? Энэ оролдлого нь иргэдийн эрх, эрх чөлөөг боомилох хэмжээнд хүртлээ хэтрэх вий гэсэн болгоомжлол, асуулт ХЗДХ-ийн сайдын мэдэгдэлтэй зэрэгцэн тавигдаж байна

Чингэлтэй дүүргийн ерөнхий боловсролын 149 дүгээр сургуулийн нүүрсний хэрэглээг халж, шингэрүүлсэн хийгээр халаалтыг нь шийджээ. Ингэснээр агаарын бохирдол буурахад нэмэр болох төдийгүй хүүхэд эрүүл, аюулгүй орчинд суралцах нөхцөл бүрдэж байна. Тус сургууль хоёр зуух галлаж, жилд дунджаар 420 тонн нүүрс түлдэг байжээ. Ерөнхий сайд Н.Учрал “149-р сургууль дахиж нүүрс түлэхгүй. Энэ бол зөвхөн нэг сургуулийн жижиг асуудал биш. Үүний цаана уурын зуух, яндан, агаарын бохирдлоос салах том зорилт, өргөн агуулга бий. Төсвөөс мөнгө гаргахгүйгээр татварын бодлогоор асуудал шийдэж болдог сайн жишиг нүдээ олсон нь сургуулиудын уурын зуухыг халж буй энэ санаачилга юм” хэмээн үйл ажиллагаатай нь танилцах үедээ ярьжээ. Чингэлтэй дүүргийн ерөнхий боловсролын 149 дүгээр сургуулийн халаалтыг хийгээр шийдэхэд юу зарцуулсан бэ? -800 гаруй сая төгрөг -Хоёр сарын хугацаа Үр дүнд нь жил бүр 420 тонн нүүрсийг халж, 100 гаруй айлын яндан буулгасантай тэнцүү бохирдуулагчаас чөлөөлжээ. Эх сурвалж: Засгийн газар

УИХ-ын гишүүн М.Энхцэцэг, Эрчим хүчний сайд Б.Найдалаагийн туслах эмэгтэй нар өнөөдөр Төрийн ордонд маргалдав. Энэ маргаан сайтууд болон сошиалын сэдэв боллоо. Гэхдээ маргаанаас давж харья. Эрчим хүчний салбарт юу болоод байна вэ? УИХ-ын гишүүн М.Энхцэцэгийн ярьснаар, ЭХ-ний сайд Б.Найдалаа салбарын мэргэжлийн хүмүүсийг халж, ХҮН намын мэргэжлийн бус, тэр бүү хэл багш, жолооч гэсэн хүмүүсээр сольж байгаа гэнэ. Энэ мэт олон асуудлын улмаас УИХ-ын гишүүн Б.Энхцэцэг ЭХ-ний сайд Б.Найдалааг огцруулахаар гарын үсэг цуглуулж байгаа бөгөөд 10 орчим гишүүн гарын үсэг зурсан гэлээ. Дараа нь Эрчим хүчний сайд Б.Найдалаа салбартаа халаа сэлгээ олноор хийж байгаагаа хүлээн зөвшөөрч ярилцлага өгчээ. Маргаанаас давж харья, М.Энхцэцэг гишүүн юу ярив? politiko.mn/news/435

ЕТГ-ын Хэвлэлийн албаны дарга Ц.Ганзориг: Ерөнхийлөгч хадгаламжаасаа 1.2 тэрбум төгрөгийг 2022-2025 онуудад цувруулан авч, Бага тэнгэр орчимд хаус авсан. Гэхдээ олон тооны хаус аваагүй. Энэ мэдээлэл Ерөнхийлөгчийн ХОМ-д бичигдсэн байгаа Хотын дарга асан Х.Нямбаатар Ерөнхийлөгч У.Хүрэлсүхийг Бага тэнгэрийн аманд 120-140 тэрбум төгрөгөөр үнэлэгдэх олон тооны хаус, өндөр зэрэглэлийн хорооллуудтай гэж мэдээлсэн. Үүнд Ерөнхийлөгчийн хэвлэлийн төлөөлөгч Ц.Ганзориг уг мэдээлэлд няцаалт өглөө

Хотын дарга асан Х.Нямбаатар лайв хийхдээ Ерөнхийлөгчийн ахын хүүхэд Г.Гандөлийг Ерөнхийлөгчийн Тамгын газарт ажилладаг гэв. Нээлттэй эх сурвалжуудаас хайвал, Ерөнхийлөгч У.Хүрэлсүхийн ахыг үнэхээр У.Ганболд гэдэг бөгөөд түүний хүү Г.Гандөл Ерөнхийлөгчийн Тамгын газрын Зохион байгуулалт, үйл ажиллагааны газрын даргаар ажилладаг ажээ. Удирдагчид ах дүү, хамаатан садан, ойрын хүмүүсээ төрийн албан тушаалд давуу байдлаар томилох үзэгдэл нь авторитар, эрх мэдэл төвлөрсөн газар нийтлэг тохиолддог үзэгдэл бөгөөд улс төр судлалд непотизм гэж нэрлэдэг. Дэлгэрэнгүй: politiko.mn/news/428

Нийслэлийн ИТХ-ын төлөөлөгч Ж.Энхжаргалангийн хэргийг шүүхэд шилжүүлэх санал хүргүүлжээ politiko.mn/news/433

Дизель түлшний үнэ өссөнтэй холбоотойгоор хот ,хоорондын нийтийн зорчигч тээврийн үнэ тарифыг ирэх 11 дүгээр сарын 5-ны өдрөөс эхлэн нэмэгдүүлэх болсноо Авто тээврийн үндэсний төвөөс мэдээллээ. Хэдэн хувиар нэмэгдүүлэхээ хараахан зарлаагүй байна. Орон нутгийн автобусны тасалбарын үнийг Авто тээврийн үндэсний төвөөс хамгийн сүүлд 2022 оны 6 дугаар сарын 1-нээс буюу дөрвөн жилийн өмнө нэмэгдүүлжээ. Энэ үнэ тарифаар бол Улаанбаатараас хамгийн ойрхон Төв аймгийн Зуунмод ороход том хүн 3000 төгрөг, хамгийн алс аймгуудын нэг Увс аймгийн Улаангом ороход том хүн 103 мянган төгрөгөөр зорчиж байна. Дизель түлшний үнэ өссөнтэй холбоотойгоор орон нутгийн автобусны тасалбарын үнийг нэмэхээр болжээ politiko.mn/news/432

Нөмрөгийн дархан цаазат газарт гарсан түймэртэй холбогдуулан Хилийн боомтын захиргааны дарга Э.Гантулга, Хилийн цэргийн ангийн захирагч Б.Гантөгс нарт хариуцлага тооцож, ажлаас нь чөлөөлөхийг Ерөнхий сайд үүрэг болгожээ Хилийн боомтын захиргааны дарга, Хилийн цэргийн ангийн захирагч нарыг ажлаас нь чөлөөлөхийг Ерөнхий сайд үүрэг болгожээ politiko.mn/news/431

АТГ-аас Нийслэлийн Засаг дарга асан Х.Нямбаатарт холбогдох эрүүгийн хэргийн заалтыг зарлав. Түүнийг Эрүүгийн хуулийн Тусгай ангийн 22-ын нэгийн 3-д холбогдуулан яллагдагчээр татжээ. 1. Эрүүгийн хариуцлага: Эрүүгийн хуулийн 22.1 дүгээр зүйлийн 3 дахь хэсэг: "Энэ гэмт хэргийг улс төрд нөлөө бүхий этгээд... үйлдсэн бол нийтийн албанд ажиллах эрхийг бүх насаар хасаж 12 жил хүртэл хугацаагаар хорих ял шийтгэхээр заасан байна. Мөн АТГ-аас ЦЕГ-т хүсэлт гарган Х.Нямбаатарыг Интерполын хөх буланд зарлуулахаар хүсэлтээ өгчээ.

Ерөнхийлөгчийн гадаад айлчлал ба дотоод улс төрийн хямрал politiko.mn/news/428

Өнгөрсөн баасан гарагт Засгийн газар Оюутолгойн ногдол ашгаар бүтээн байгуулалтын төслүүдийг санхүүжүүлэхээр тусгасан хуулийн төслөө татан авлаа. Ингэснээр Дулааны цахилгаан станц-VI, 10 аймгийн дулааны станц, Кембрижийн хөтөлбөртэй сургуулиуд, аймгуудад барихаар төлөвлөсөн дотуур байр зэрэг төслүүдийг 2027 онд хэрэгжүүлэх үү? Хэрэгжүүлбэл ямар эх үүсвэрээр санхүүжүүлэх вэ? гэсэн асуулт нээлттэй үлдэж байна. Энэ бол өнгөрсөн долоо хоногт өрнөсөн олон үйл явдлын зөвхөн нэг нь. Politiko долоо хоногийн гол үйл явдлуудыг задлан шинжилж, баримт мэдээллийг нягтлан хүргэж байна. Ерөнхийлөгчийн гадаад айлчлал ба дотоод улс төрийн хямрал politiko.mn/news/428

Ирэх жил нүүрснээс 6 их наяд төгрөгийн орлого олохоор тооцжээ. Гэхдээ дэлхийн зах зээлийн савлагаа, урд хөршийн эрэлт зэргээс болж,үнэ, хэмжээ өөрчлөгдөх эрсдэлтэй гэж шинжээчид сануулж байна. #Politiko #Тоон шинжилгээ Төсвийн хамгийн эмзэг цэг: Нүүрсний үнэ politiko.mn/news/427

Аравдугаар сард орж ирсэн дизель түлшний үнэ 800-900 төгрөгөөр нэмэгдэнэ politiko.mn/news/426