Patuloy ang pagsisikap ng Lungsod Quezon na makapagbigay ng ligtas, maayos, at disenteng tahanan para sa bawat pamilyang QCitizen. 🏠 Mula sa relokasyon ng mga pamilyang naninirahan sa danger zones, at sa iba-ibang proyekyong pabahay na itinatayo, mas maraming pamilya ang nagkakaroon ng pag-asa, seguridad, at mas magandang kinabukasan. Panoorin ang kabuuan ng 8th State of the City Address dito: facebook.com/share/v/1JgKRCp… #8thSOCA #SOCA2026 #QCStateoftheCityAddress2026

Nakiisa ang Quezon City Government sa 2026 Philippine National Convention on AIDS (PNCA) ngayong Martes. Naging kinatawan ni Mayor Joy Belmonte si Quezon City Epidemiology and Surveillance Division (QCESD) Chief Dr. Rolly Cruz, kung saan ibinahagi niya ang iba-ibang programa ng lungsod para sa mga people living with HIV (PLHIV). Binanggit niya rin ang mga inisyatibo ng lokal na pamahalaan para mapaigting ang kampanya kontra HIV/AIDS. Ang PNCA ay dinaluhan ng mahigit 800 kinatawan ng pamahalaan at mga organisasyon sa bansa na naglalayong palakasin ang pagtugon sa HIV pandemic.

From Pasig to Manila, nag-level up ang gala ng QCitizens sa Metro Circuit Tour 2026! 🏛 Isa itong heritage and cultural tourism initiative na naglalayong mas ipakilala ang mga museo at makasaysayang lugar sa Metro Manila. Bukod sa aesthetic ang mga lugar na ito, bawat sulok ay may kuwentong dapat kilalanin at ipagmalaki. #MetroCircuitTour2026 #QCitizens #MuseumsAndGalleriesMonth #HeritageAndCulture

Kinilala si Mayor Joy Belmonte bilang isa sa mga awardee ng Gawad Rizaliano 2026 ng Rizal Technological University sa Mandaluyong. Pinarangalan ang alkalde ng Gawad Kampeon ng Pagsulong ng Kalikasan bilang pagkilala sa kanyang pamumuno sa pangangalaga ng kapaligiran at dedikasyon sa pagsusulong ng iba-ibang programa para maprotektahan at mapangalagaan ang kalikasan.

Nagtipon-tipon ang care workers, women’s rights organizations, national government agencies, local government units, at pribadong sektor sa ginanap na National Convening on Care sa QC M.I.C.E. Center. Naging kinatawan ni Mayor Joy Belmonte sa programa si Coun. Ellie Juan, kung saan ibinahagi niya ang iba-ibang hakbang ng lungsod sa pagtataguyod ang kapakanan at karapatan ng mga care worker. Pinagtibay naman ng lokal na pamahalaan ang pakikiisa nito sa layunin, sa pamamagitan ng paglagda sa commitment board, kasama ang ilang kinatawan ng UN Women, at mga organisyasyong nagsusulong ng karapatan at oportunidad para sa care workers. Ang “National Convening on Care - Weaving Care into Systems: From Recognition to Action” ay idinaos bilang paggunita sa International Day of Care and Support (IDCS).

Tuloy-tuloy na asenso, tunay na serbisyo sa Quezon City! Sa likod ng maunlad na Lungsod Quezon ay ang responsableng paggamit ng pondo para sa kapakanan ng bawat QCitizen. ✨ Mula sa anim na Unqualified Opinion mula sa Commission on Audit (COA), hanggang sa walang dagdag na buwis at walang utang ang lungsod, patuloy ang pagpapanatili ng malinis at tapat na pamamahala sa Quezon City. Panoorin ang kabuuan ng 8th State of the City Address dito: facebook.com/share/v/1JgKRCp… #8thSOCA #SOCA2026 #QCStateoftheCityAddress2026

Good governance sa QC! 🫡🤝🏼 Dito sa Quezon City, tinitiyak ng lokal na pamahalaan ang paghahatid ng maayos na serbisyo at mga programa para sa lahat. Makaaasa po kayo na patuloy nating isinusulong ang tapat at mabuting pamamahala para sa mas maayos at progresibong Lungsod Quezon. Panoorin ang weekly recap para sa linggo ng October 19, 2026. Makikita ang iba pang detalye sa: • 8th State of the City Address: facebook.com/share/p/19e4Xf5… facebook.com/share/v/1F9AZEw… • 2026 Galing Pook Awards: facebook.com/share/p/1Hn6wrF… facebook.com/share/p/1FLhCrV… • QCPADFI 25th Anniversary Concert: facebook.com/share/p/1GFAP37… • White Cane Walk 2026: facebook.com/share/p/14uXSSZ… • Meeting with Atty. Lorna Kapunan and Dr. Shirley Halili-Cruz: facebook.com/share/p/1CFjfVx… • ASEAN Youth Conference Opening Ceremony: facebook.com/share/p/1DWL5Ux… • QCinema Media Conference: facebook.com/share/p/1BVDyTY… • Courtesy visit of Dr. Peter Fisher-Bollin, KAS Berlin: facebook.com/share/p/19jAmgY… • International Day of the Girl Summit: facebook.com/share/p/1dHZ5zA… • Courtesy visit of International Republican Institute (IRI) delegates from Southeast Asia: facebook.com/share/p/1A2pqbo… • Flag Raising Ceremony for Peace Bell: facebook.com/share/p/1cevqzk… #BusyQC

PASKONG QC SA STA. MESA! 🎄🎅 Damang-dama na ang simoy ng Kapaskuhan sa Lungsod Quezon matapos pailawan ang Christmas Tree ng SM Sta. Mesa na may temang "Moments of Wonder" nitong Sabado. Dumalo si Councilor Atty. Vincent Belmonte bilang kinatawan ni Mayor Joy Belmonte kasama ang celebrity couple na sina Marian Rivera at Dingdong Dantes, at SM Supermalls executives.

QC honors excellence and service at 24th Manuel Luis Quezon Gawad Parangal The Quezon City Government honored 15 outstanding individuals and organizations whose achievements and service have helped strengthen communities and advance inclusive development at the 24th Manuel Luis Quezon Gawad Parangal on October 26, 2026, at the Theater at QC MICE Center. With the theme “Pagkilala sa Kahusayan, Pagbibigay-Inspirasyon sa Kinabukasan,” the ceremony celebrated contributions across education, community development, public service, business, culture, sports, and other fields. quezoncity.gov.ph/qc-honors-…

Nakipagpulong sa lokal na pamahalaan ang mga opisyal ng Association of Private School Administrators (APSA) of Quezon City. Ibinahagi ng APSA kay Mayor Joy Belmonte ang mga suliranin na kinakaharap ng mga pribadong paaralan sa lungsod. Agad naman itong sinolusyunan ng alkalde, kasama ang iba-ibang departamento ng QC. Dahil sa kanyang de-kalidad na serbisyo at paglilingkod, kinilala rin ng APSA si Mayor Joy bilang kanilang honorary chairperson.

Bumisita kay Mayor Joy Belmonte ang mga opisyal ng Metropolitan Trial Court of Quezon City Judges Association. Papalakasin ng lokal na pamahalaan at ng mga hukom ng MeTC ang kanilang ugnayan para isulong ang karapatan ng mga mamamayan at hustisya para sa lahat.

Nag-courtesy visit kay Mayor Joy Belmonte ang Quezon City Regional Trial Court Judges Association ngayong Lunes. Nangako ang alkalde na patuloy na susuporta sa mga hukom bilang pagkilala sa kanilang papel sa pagpapalakas ng sistema ng hustisya sa bansa.