Sadaf ❣

اور جانتے ہو، محبت حقیقت میں کیسی ہونی چاہیے؟..!! ❤️ محبت ایسی ہو جس میں لفظوں سے زیادہ احساس بولتے ہوں، جہاں ایک کی خاموشی دوسرے کے دل تک پہنچ جائے، جہاں ایک کی آنکھ میں ٹھہرا ہوا درد دوسرے کے سکون کو بے چین کر دے۔ محبت ایسی ہو جہاں چاہت کا پلڑا کبھی ایک طرف نہ جھکے، جہاں دونوں ایک دوسرے کو اتنی ہی اہمیت دیں جتنی اپنی ذات کو دیتے ہیں۔ روٹھنے کی آزادی بھی ہو اور منانے کا خلوص بھی، چھوٹی چھوٹی باتوں پر تکرار بھی ہو اور پھر ایک دوسرے کے بغیر دل نہ لگنے والی کیفیت بھی۔ جہاں محبت صرف خوبصورت لمحوں کا نام نہ ہو بلکہ مشکل وقت میں ایک دوسرے کا سہارا بننے کا عہد بھی ہو۔ جہاں محبوب کی خوشی اپنی خوشی لگے، اس کی مسکراہٹ دل کا اطمینان بن جائے اور اس کی موجودگی زندگی کی سب سے خوبصورت نعمت محسوس ہو۔ محبت میں بچوں جیسا معصومانہ لاڈ ہو، بے ساختہ شرارتیں ہوں، چھوٹی چھوٹی خوشیوں کی شراکت ہو، کبھی شکایتیں ہوں تو کبھی بے شمار منّتیں، کبھی خاموشی ہو تو کبھی گھنٹوں کی گفتگو۔ محبت ایسی ہو جس میں انا سے زیادہ رشتہ عزیز ہو، جہاں جیتنے سے زیادہ ایک دوسرے کو سنبھالنے کی خواہش ہو، جہاں فاصلے بھی ہوں تو دلوں میں دوریاں نہ ہوں اور وقت بدل جائے مگر ایک دوسرے کے لیے احترام اور اپنائیت نہ بدلے۔ اور سب سے بڑھ کر محبت ایسی ہو جسے دیکھ کر دل سے دعا نکلے: اللہ ان کے درمیان یہ خلوص، یہ چاہت اور یہ خوبصورت ساتھ ہمیشہ قائم رکھے۔ مختصر یہ کہ محبت ایسی ہو کہ دونوں ایک دوسرے کو چاہنے میں اس قدر مخلص ہوں کہ عمر بھر یہ فیصلہ کرنا ممکن نہ ہو کہ ان دونوں میں سے زیادہ محبت آخر کون کرتا ہے۔!! #صدف_کے_موتی ❤️🥰