سَمَر

مَليش دعوه بالجنسيات التانيه خليني في بلدي........ بقي بزمتكم ي مصريين .... دي مصر اللي أتربينا وموجودين فيها، هم دول شعبها ودي هي النخبه اللي بقت متصدره المشهد وبتتكلم عننا،!! واللي يشوف من بره بيقول كلنا كده معقوله ده يليق بينا يكون دول هما عنوانا ! دولة ليها تاريخ وأرث حضاري، ثقافي دولة صدرت فن وفكر وحضارة لكل العالم يوصل بيها الحال نقعد نتفرج علي أشخاص أمثال مرتضي منصور والمدرب ومراته واعلاميين ماسكين تلفونات ويصوروا كأنهم بفرح شعبي ....دولة بقت شعارها البلطجه الفكرية والتخويف..ونبذ أي شخص سوي وأي حاجه كويسه وشعب مستسلم قاعدين نتفرج على هتك عرض الناس في المؤتمرات عيني عينك ومبسوطين ويتداولوا الفديوهات بتاعت التطاول وقلة الأدب لدرجة أشباه الرجال الغير محترمين دول صدقوا أنهم قدوه وأنهم أصحاب رأي وفكر وتمادوا مسكوت عنهم من أجهزة دوله شايفه التسيب والانفلات وقاعده تتفرج كأنها عجوز مسنه لا حول لها، عاوزين من الشخص اللي لسه فيه ذرة عقل يؤمن بوطن وصل حاله لهنا إزاي؟! عندهم حق يكرهوا كل حاجه.. أي شخص دعم وطبل وهلل لأمثال مرتضي فهو شخص غير محترم وغير أمين مع نفسه ولو للحظه حط نفسه مكان الناس اللي مرتضي بيمارس عليهم بلطجته وترهيبه كان خلي عنده دم وقال عيب..... ده شخص سليط لسان عجوز رجله والقبر وكل حرف ينطقه تطاول وسب عايش بمبدأ حلو أوي وبياكل مع الناس الطيبه " خدوهم بالصوت ليغلبوكم " وصراحة الدوله مشكوره ساعدته هو وأمثاله جدا والقادم أسوء... وسبحان الله رزق الهبل علي المجانين فعلا.... الجماعه محبي الفضايح وتصيد عورات الناس واسرار البيوت اللي فاتحين بيوتهم وبيصرفوا عليها من نشر فضايخ البشر رزقهم شغال من ورا مرتضي وأمثاله فارضين علينا كل ما تفتح وسيلة تواصل تلاقيهم في وشك عافيه وتوجه المنصات دي كمان ساعدهم يبيبعو بضاعتهم الرديئه بالعافيه... لازم نشوفهم غصبا عننا ويعملوا مشاهدات وينسخوا ويحطو فديوهات الفضايح بكل حته ومكان اللي ما يشتري يتفرج واهي ماشيه ع فكرة أي شخص هنا بيدعي المثاليه وأنه إنسان محترم إبن ناس وفاتح أكاونت وموثقه عشان الفلوس ويكون محتواه فضايح المجتمع وبنفس الوقت بيقول بصوا ي حرام الناس الوحشين اللي هناك دول..!! وآلله أنت لا تقل بشاعه وجرم وجشع ودنائه عن من قاموا بالفعل نفسه بل أنت في نظري أكثر منهم لأنك مدعي المثاليه والبرائه إنما هم لا يدعون المثاليه..... أنتم الاثنين وجهان لعملة واحده سوداء لا قيمة ولا وزن لها عملة سخيفه قبيحه هي للأسف شعار المرحله الحاليه من تاريخ مصر الحزين استمروا طالما لم يردعكم لا ضمير ولا ولا شرف ولا خوف من الله لارادع لكم حسبنا الله فيكم.. لأنه في ناس وسطينا بسيطه بتصدق كل حاجه تشوفها وبيتأثروا بالسلب من وراء ما تنشروه وتعمموه علينا لدرجة من يشاهد يفتكر إننا في شيكاغو مش مصر وأهي كل بضاعة ليها سعر حتي الحاجات الفاسده اللي زيكم بنلاقي الذباب عامل لها قيمه ومتجمع عليها....