من أكتر الحاجات اللي بتأثر فيا من طفولتي وبلقطها علطول هي استرسال كبار السن في الكلام بحثا عن الونس، يعني تسأله عن صحته يفضل يتكلم عن نظامه الغذائي وعن الأدوية ويتفرع منها لأسعار اللحمة والفراخ وهكذا، بحاول على قد ما أقدر أطول في الكلام مقاومة رغبة عميقة في البكاء، كلنا هنكبر.
واحد من أفضل القرارات اللي خدتها مؤخرًا هو إنّي مش هسعى تاني للحفاظ على شخص مش باقي على وجودي، مش هتحايل على حد ولا هشحت وجوده، أنا هقدم المُستطاع ولو إنتَ شاريني هشتريك وأشيلك في نن عيني وهعمل المُستحيل عشانك لكن لو إنتَ مستبيع هتلاقيني بعرضك بأقل سعر ومع ألف سلامة والقلب داعيلك
