سیّد ذادِی

تین نسلوں سے شیخ عبداللہ خاندان خود کو کشمیری مسلمانوں کی شناخت کے محافظ کے طور پر بیچ رہا ہے، جبکہ اس خاندان کی اپنی ذاتی زندگی کا اس شناخت سے دور دور تک کوئی تعلق نہیں۔ شیخ عبداللہ سے فاروق عبداللہ اور اب عمر عبداللہ تک، نعرہ ہمیشہ اسلام، کشمیریت اور خودمختاری کا لگایا، ووٹ لینے کے لیے، لیکن اپنے گھر کے اندر فیصلے ہمیشہ دوسری دنیا کے کیے۔ انگریز بیوی، بیٹی کی شادی کانگریس خاندان میں، اور اب دوسری شادی ایک کشمیری پنڈت صحافی سے۔ کسی کے ذاتی فیصلے پر اعتراض نہیں، اعتراض سیاسی منافقت پر ہے۔ جو خاندان اپنے گھر میں ایک کشمیری مسلمان بہو نہیں لا سکا وہ پوری وادی کی مسلمان شناخت کی حفاظت کا دعویٰ کیسے کرتا ہے!! اصل المیہ یہ ہے کہ جب عمر عبداللہ دہلی سے مسکراتی تصویریں پوسٹ کر رہے ہیں کہ "ایک نیا سفر شروع"، عام کشمیری مسلمان وہیں پرانے سفر میں پھنسا ہوا ہے، روزانہ تلاشیاں، آپریشن، بے روزگاری، ریاستی تشخص کا کوئی نام و نشان نہیں، الیکشن کے وعدے ہوا میں، اور اقوام متحدہ کی قراردادوں کا ذکر تک اب ان کی تقریروں سے غائب ہے۔ ان کے لیے اب لڑائی کیبنٹ میں ردوبدل کی ہے، جبکہ کشمیریوں کے لیے اب بھی بقا کی۔ یہ شادی نہیں، اس خاندان کی اس پرانی عادت کی آخری کڑی ہے جس نے اقتدار میں رہنے کے لیے ہمیشہ دہلی کے ہندو اکثریتی نظام سے منظوری لی۔ ووٹ مسلمان شناخت کے نام پر لینا ہے اور داد وصول کرنی ہے دہلی کے سیکولر کلب میں۔ یہی وہ سودا ہے جس نے کشمیری مسلمان کی اصل شناخت کو آہستہ آہستہ بیچ دیا ہے۔