Abhay

मावाआघाडी समर्थकांना खुले पत्र : जीवनात जसे चढ उतार येत असतात , तसेच राजकारणात हि येतात. ते मान्य करून पुढे चालायला प्रगल्भता लागते . पराभव झाल्यावर तो मान्य करणे गरजेचे असते . 'गिरे तो भी टांग उपर' हा विचार घातक आहे . दुर्दैवाने तुमचे नेते आणि तुम्ही याला बळी पडला आहात. भाजपा अजेय नाही . कर्नाटक , हिमाचल, लोकसभेत काही राज्य अशा अनेक निवडणुकात त्यांना पराभव पत्करावा लागला . पण कोणत्याही स्थानिक नेत्याने त्यावर रडगाणे गायले नाही . याउलट जनसंपर्क कमी पडला याची प्रांजळ कबुली देऊन ते दुप्पट वेगाने कामाला लागले. याचा प्रत्यय हरियाणा आणि महाराष्ट्रात आलाच. देवेंद्रजींकडून तुम्हाला अनेक गोष्टी शिकता येतील. सत्ता नसताना त्यांनी एक सर्वोत्तम विरोधीपक्षनेता बनून दाखवले . त्यांचा आक्रमकपणा इतका होता कि सत्ताधाऱ्यांपेक्षा विरोधीपक्षाची चर्चा जास्त होत होती. सत्तेत नसताना हि भाजपचे राज्यातील बळ यामुळेच वाढले, जनतेच्या मनातील प्रतिमा उंचावली. प्रगल्भ लोकशाहीला भक्कम विरोधक आणि सजग जनता गरजेची असते. एकच मुद्दा दळत राजीनाम्याच्या मागणीचे दिवसभर रडगाणे गाणारा विरोधी पक्ष केविलवाणा वाटतो . जनमत समजण्यात आपण कमी पडलोय ही साधी गोष्ट त्यांच्या पचनी पडत नाही . यांचे समर्थक असेच बालिशपणे वागताना पाहून वाईट वाटते. मला तुमचे प्रबोधन करण्यात रस नाही . पण तुमची रडारड पाहून असहय्य होते . नेत्यांच्या बालिश बड्बडीचे समर्थन करण्याइतके गुलामगिरीच्या आहारी जाऊ नका . भारत एक स्वतंत्र देश आहे . स्वतंत्र बनून नेत्यांच्या चुका दाखवा .टीका करा. समर्थक बना , गुलाम नाही . जय हिंद. जय श्रीराम .