Forum where current and former Rwandan leaders and their spouses network and collaborate to address community issues.
Kigali, Rwanda
Joined March 2012
- Tweets7.3K
- Following429
- Followers27.6K
- Likes2.4K
Unity Club retweeted
🎥Urwango rwagejeje kuri Jenoside yakorewe Abatutsi rwavuye hehe?
👉Rwarigishijwe.
👉Mbere y’umwaduko w’abakoloni, u Rwanda rwari ruyobowe neza n’Umwami, wari Umwami w’Abanyarwanda bose.
👉Abazungu baje basanze badashobora kugera ku nyungu zabo badatanyije Abanyarwanda
👉Icya mbere bakoze ni ugukuraho ubuyobozi gakondo bw’u Rwanda bwubakaga Ubumwe bw’Abanyarwanda bahereye ku Mwami Musinga, bamuhora ko arengera umuco nyarwanda.
👉Bakurikijeho gushinga amashyaka yubakiye ku irondabwoko, ryakomeje kuvomererwa kugeza habayeho Jenoside yakorewe Abatutsi.
🎥Umva uko Minisitiri @DrDamascene abisobanura⤵️
youtube.com/watch?v=b-yUuh09…
Nyakubahwa Perezida wa Repubulika, Mukaba n’Umunyamuryango w’icyubahiro wa Unity Club Intwararumuri,
Intwararumuri tubifurije umunsi mwiza w'Isabukuru yanyu y’amavuko. Dutewe ishema n'imiyoborere myiza yanyu ikomeje gushimangira Ubumwe n'Ubudaheranwa bw'Abanyarwanda, byo musingi w'Iterambere rirambye.
Tubifurije gukomeza kugira ubuzima bwiza, imbaraga n’umugisha wo gukomeza kubona Urumuri rw'Ubumwe mwacaniye Abanyarwanda rukomeza kumurikira Igihugu mwasubije ubuzima.
Unity Club retweeted
“The struggle cost some people their lives. They did not have the good fortune of surviving. But those of us who survived, you must have the responsibility to make sure you keep alive. And your life should not be a favor done to you by somebody else. No one can give me my life as a favor.
This country of ours, what it has been through, and the many lessons we should draw from it, should strengthen us. It should give us the strength to determine things for ourselves. And that starts right here with you.” President Kagame | Youth #MeetThePresident
Unity Club retweeted
📸AMAFOTO📸
Mu Kiganiro #WaramutseRwanda kiri gutambuka kuri Televiziyo Rwanda ndetse na Radio Rwanda, twakiriye Minisitiri w'Ubumwe bw'Abanyarwanda n'Inshingano Mboneragihugu, Dr. Jean Damascène Bizimana.
Yagarutse ku ishusho y’ibikorwa by’Ukwezi k’Ubumwe n’Ubudaheranwa mu Gihugu ndetse n’umusaruro bigenda bitanga. #RBAAmakuru
📸: @bahizi_imela
Unity Club retweeted
Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascène, yavuze ko nyuma y'ibiganiro byabereye mu mahuriro y'Ubumwe n'Ubudaheranwa bw'Abanyarwanda mu turere, ibyihariye bizakomereza mu tugari n'imirenge, mu makoperative n'amashyirahamwe, amashuri, amadini n'amatorero, imiryango itari iya Leta no mu nzego zose.
Yavuze ko ibiganiro bizibanda ku buzima bwa buri munsi, kuko iyo abantu batabiganiriyeho basubira inyuma kuko "Ubunyarwanda ni ryo shingiro rya byose." #RBAAmakuru #WaramutseRwanda
Unity Club retweeted
Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascène, yavuze ko ubu bagiye gukorana n’ibigo by’amashuri yisumbuye na Kaminuza kugira ngo ku rwego rw’amashuri naho ibiganiro by’Ukwezi k’Ubumwe n’Ubudaheranwa bihabere, mu gukomeza guhangana n’ikibazo cy’ingengabitekerezo ya Jenoside igaragara mu rubyiruko. #RBAAmakuru #WaramutseRwanda
Unity Club retweeted
Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascène, yavuze ko mu biganiro by’Ubumwe n’Ubudaheranwa birimo gutangwa mu Gihugu, hari abagiye bavuga uburyo ababyeyi babo bagize uruhare muri Jenoside cyangwa bakaba baratangije ingengabitekerezo y’urwango mu Rwanda, gusa bo bakagaragaza ko bari mu Rwanda rushya, bitandukanyije kandi batemera ibyo abo bakomokaho bakoze. #RBAAmakuru #WaramutseRwanda
Unity Club retweeted
Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascène, avuga ko inyigisho zitangirwa mu biganiro byo mu kwezi k’Ubumwe n’Ubudaheranwa zifasha mu guhangana n'ingengabitekerezo ya Jenoside.
Ati “Iyo umuntu avuze urugendo yanyuzemo, uwari muri FDLR akavuga ingengabitekerezo bemeraga, akavuga iyo bahunganye ndetse n’inyigisho bigishwaga, dushobora gusobanukirwa imimerere y’ingengabitekerezo yigishwa koko, bigafasha guhamagarira abakiyirimo kwiyandukanya na yo.” #RBAAmakuru #WaramutseRwanda
Unity Club retweeted
Minisitiri w'Ubumwe bw'Abanyarwanda n'Inshingano Mboneragihugu, Dr. Jean Damascène Bizimana, yagaragaje ko ibikorwa by'Ukwezi k’Ubumwe n’Ubudaheranwa kwatangijwe mu minsi 22 ishize bigaragara ko birimo gutanga umusaruro.
Yagize ati “Ubundi ibiganiro biba bigomba gutangira saa 10:00 bikageza saa 14:00, ariko wasangaga ahenshi ayo masaha bayarenza, kubera gushaka kumva inyigisho zirimo gutangirwamo n’abantu b’ingeri zitandukanye, barimo abanyepolitiki bakiri mu mirimo n’abazivuyemo, abahoze mu mitwe ya FDLR n’abandi.” #RBAAmakuru #WaramutseRwanda
Unity Club retweeted
.@DrDamascene: "Bimwe mu byo Abanyarwanda bishimiye mu biganiro byabereye mu mahuriro y'Ubumwe n'Ubudaheranwa, ni inyota yagaragajwe yo kuvuga ukuri nyuma y'imyaka 32 Jenoside yakorewe Abatutsi ihagaritswe. Ibi bigaragaza ko kutavuga ukuri kw'amateka yacu bidusubiza inyuma kandi ibyo Abanyarwanda ntibabishaka."
Ukwezi k’Ukwakira buri mwaka kwahariwe kuzirikana Ubumwe n’Ubudaheranwa bw’Abanyarwanda.
Mu Kiganiro #WaramutseRwanda cyo kuri uyu wa Kane, turakira Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascène, aho adusangiza ku ishusho y’ibikorwa byaranze uku kwezi. #RBAAmakuru
Unity Club retweeted
.@DrDamascene: "Twebwe abakuru nidutanga umucyo ku mateka yacu, ku muco wacu, urubyiruko nta rujijo bazajyamo. Urubyiruko nirubwirwa icyo dushaka guhisha mu mateka yacu, ruzasobanukirwa. Niyo mpamvu n'abatanga ibiganiro n'ubuhamya bakwiye kumenya ko icyo tugambiriye ari ukuri, kandi ukuri niko kuzatuvura ibikomere twese dufite bishingiye ku mateka."
Ukwezi k’Ukwakira buri mwaka kwahariwe kuzirikana Ubumwe n’Ubudaheranwa bw’Abanyarwanda.
Mu Kiganiro #WaramutseRwanda cyo kuri uyu wa Kane, turakira Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascène, aho adusangiza ku ishusho y’ibikorwa byaranze uku kwezi. #RBAAmakuru
Unity Club retweeted
Impanuro za Nyakubahwa Jeannette Kagame: @FirstLadyRwanda
Abanyamuryango ba @UnityClubRw Intwararumuri bakwiye gusiga umurage ufatika ku bakiri bato wo kubaka ubumwe butanyeganyezwa n’u Rwanda ruzira kongera kuzima.
Mu biganiro by’Ubumwe n’Ubudaheranwa @RwandaWest , Madamu Valérie Nyirahabineza, Umuyobozi Mukuru Wungirije wa Kabiri wa Unity Club, yashimiye Nyakubahwa Perezida wa Repubulika na Madamu Jeannette Kagame, Umuyobozi Mukuru wa Unity Club Intwararumuri, ku ruhare rwabo mu kwimakaza ubumwe bw’Abanyarwanda.
Yashimiye abatanze ibiganiro n’ibitekerezo, asaba abayobozi kugeza ku bo bayobora ukuri kw’amateka n’ubutumwa bungukiye muri ibi biganiro. Yagize ati: “Nta muyobozi uta inshingano. Iyo wabaye umuyobozi, abaturage bakubonamo umuyobozi.”
Yabasabye kuba urumuri bimakaza Ubumwe n’Ubudaheranwa, anashishikariza Abanyarwanda baba mu mahanga gutaha, bagafatanya n’abandi kubaka Igihugu.
Mu gusoza ibiganiro by’Ubumwe n’Ubudaheranwa byabereye @RwandaNorth , Madamu Kayisire Solange, Umuyobozi Mukuru Wungirije wa Mbere wa Unity Club, yihanganishije abaturage ba Musanze bagizweho ingaruka n’inkongi y’umuriro yibasiye isoko rya GOICO, abasaba gukomeza kwishakamo imbaraga zo kudaheranwa.
Yashimangiye ko ubumwe n’ubudaheranwa ari byo mahitamo yonyine dufite, asaba buri wese kugira uruhare mu kurwanya ingengabitekerezo y’amacakubiri, kugeza ku rubyiruko ukuri ku mateka yacu no kubaka umuryango utekanye, urubyiruko rushoboye kandi ruzira ibiyobyabwenge.
Yibukije ko kurwanya ibibazo bito bitarakura ngo bihinduke ibikomeye, no gukomeza kwimakaza ubumwe, ari inshingano ya buri wese mu rugendo rwo kwiyubakira Igihugu kitajegajega.
UBUTUMWA BWO GUSOZA IHURIRO RY’UBUMWE N’UBUDAHERANWA
Ubutumwa bwa Perezida w’Urukiko rw’Ikirenga Madamu Domitilla Mukantaganzwa
Mu gusoza iri huriro, Perezida w’Urukiko rw’Ikirenga yagarutse ku ngingo z’ingenzi zifasha Abanyarwanda gusobanukirwa amateka y’Igihugu, gukomeza kubaka ubumwe no guhererekanya inshingano zo kurinda ibyagezweho.
Yasobanuye ko ihanurwa ry’indege ritagomba kwitiranywa na Jenoside yakorewe Abatutsi, kuko Jenoside yari umugambi wateguwe wo kurimbura Abatutsi bazira uko bavutse.
Yibukije ko u Rwanda rwanyuze mu mateka akomeye, rukicwa, rugasenyuka, ariko rukongera kwiyubaka. Yagize ati: “U Rwanda rwarapfuye, ariko ntiruzongera gupfa ukundi.”
Ku birebana n’Abanyarwanda bakiri mu mitwe irwanya u Rwanda, by’umwihariko FDLR, yasabye abazi abo bantu n’imiryango yabo kubagezaho ubutumwa bw’uko Igihugu kibateze amaboko, bakagaruka mu gihugu cyabo bakubaka ubuzima bushya.
Yashimangiye ko buri Munyarwanda afite inshingano zo kugira uruhare mu kugarura no gukomeza ubumwe bw’Igihugu.
Ku rubyiruko, yagaragaje ko kurutumira mu biganiro nk’ibi ari uburyo bwo kurusigira inshingano zo kubaka Igihugu. Yashimangiye ko Igihugu kirwizera kandi ko gifite icyizere cy’ubushobozi bwarwo bwo gukomeza urugendo rwo kwiyubaka no kurinda ibyagezweho.
Yashishikarije ababyeyi, by’umwihariko abagore n’abagabo, gufata umwanya wo kuganira n’abana, abuzukuru, abakwe n’abakazana ku mateka y’Igihugu. Yasabye imiryango gusubiza ibibazo by’abana bababwira ukuri, kuko kubahisha amateka bishobora kubakururira gufata ibyemezo bishingiye ku makuru atari yo.
Yibukije kandi abagore uruhare rwabo mu kurera abana, kubatoza indangagaciro z’Igihugu, kubakundisha u Rwanda no kubarinda ibiyobyabwenge n’izindi ngeso mbi.
Yasabye abahagarariye Uturere gutaha bagategura ibiganiro nk’ibi aho baturutse, kugira ngo Abanyarwanda bakomeze kurebera hamwe amateka Igihugu cyanyuzemo, aho kigeze n’icyerekezo cyaho kigana.
Yashoje ashimangira ko ubumwe ari imbaraga z’Abanyarwanda, kandi ko buri wese afite inshingano zo kubusigasira no kubutoza n’abazabakomokaho.
“Abanyarwanda tugomba kuba umwe. Ntituzemera ko u Rwanda rwongera gusenyuka. Abubaka Igihugu bafite intego yo gukomeza kukigeza ku iterambere rirambye, kandi ntawe ukwiye kubabera inzitizi.”
Unity Club retweeted
Ubwo yatangizaga ibiganiro ku bumwe n'ubudaheranwa mu turere twa Rubavu, Rutsiro, Ngororero na Nyabihu, Perezida w'Urukiko rw'Ikirenga, Rt. Hon. Mukantaganzwa Domitilla, yashimangiye ko ubumwe bw'Abanyarwanda ari umurage ugomba kubungabungwa.
Unity Club retweeted
Umunyamabanga wa Leta muri Minisiterii y'Ubutegetsi bw'igihugu akaba n'Umuyobozi mukuru wungirije wambere wa @UnityClubRw yasabye Abayobozi mu nzego zitandukanye bo mu Ntara y'amajyaruguru gufatanya bagahindura abakibona mu ndorerwamo y'amoko.
ibi yabigarutseho mu biganiro by'ihuriro ry'ubumwe n'ubudaheranwa mu Ntara y'amajyaruguru.
#Flashfm #Amakuru
Unity Club retweeted
Uyu munsi, muri Kivu Intare Arena hagiye kubera ibiganiro ngarukamwaka by’abagize amahuriro y'Ubumwe n'Ubudaheranwa baturutse mu Turere twa Rubavu,
Perezida w'Urukiko rw'Ikirenga Madamu @DomitillaM2 wari Umushyitsi Mukuru yagaragaje ko iri huriro ari urubuga rwo gusuzumira hamwe urugendo rw’Ubumwe n’Ubudaheranwa bw’Abanyarwanda, ibyagezweho n’inzitizi zigihari, hashingiwe ku mateka yihariye ya buri Karere.
@NyabihuDistrict, @NgororeroDistr @RutsiroDistrict.@RubavuDistrict
@Unity_MemoryRw
@UnityClubRw
Minisitiri w’Uburinganire n’Iterambere ry’Umuryango, Madamu Uwimana Consolee mu ijambo ritangiza ihuriro yihanganishije abaturage bo mu Karere ka Musanze n’Abanyarwanda muri rusange bagizweho ingaruka n’isoko rya GOICO ryahiye.
Yasabye ko uyu mwanya uba uwo gusubira inyuma tukarebera hamwe urugendo rwo kubaka ubumwe n’ubudaheranwa Abanyarwanda tumaze kunyuramo nyuma y’ihagarikwa rya Jenoside yakorewe Abatutsi.
Yagaragaje ko ubumwe bwacu ariwo musingi w’iterambere ry’Igihugu, ndetse ubudaheranwa aribwo butuma tubasha kugenda duhangana n’ingorane zose Igihugu kigenda gihura nazo. Yashimangiye ko Abanyarwanda nidukomeza gushyira hamwe nta na kimwe kizatunanira.
Yagarutse ku bayobozi babi, n'abasirikare bakuru baranzwe n’amacakubiri muri Perefegitura ya Ruhengeri muri Repubulika ya Mbere n'iya Kabari, ndetse n’ibitero by’abacengezi byahitanye abaturage benshi b’iyi Ntara y’Amajyaruguru, anagaragaza ko imiryango itari mike yagiye igira uruhare mu guhisha abacengezi ndetse no kohereza abana babo mu mashyamba bakajya gufatanya n’abo bacengezi bari mu mutwe wa FDLR.
Yasobanuye ko uyu mwanya ari uwo kwicara Abanyarwanda tugasasa inzobe tukavugisha ukuri tukungurana ibitekerezo ku byatuma Igihugu gikomeza kwiyubaka, kuko aya mateka ari ayacu kandi tugomba kuyavuga kugira ngo adufashe ariko n’abatoya bashobore kuyigiraho.
