ًُ

اقسم بالله اني جلست بمكاني نفسه لاغيرت ولا رحت ولا بحثت ولانقلت بس التحول ان المكان نفسه تغيرت إدارته🤯☹️!>و تبعًا للإدارة خلاص تغير كل شي انباع لجهة ثانية صار جهة جديدة كلييا بس بنفس العقد والمكان و الأيام وكل شي !! مبهورة جدا الحمدلله ادعوااا ادعوا الله يسمع ويرى ويجيب🤍

أنا مع الفكرة اللي تجيني وأنفذها بنفس اللحظة إذا قعدت أماطل فيها راح تتعرقل وتفشل عكس لمن انفذها بدون ادنى فكرة تننننجح نجاح ساحق لذلك دراسة الجدوى التخطيط الترتيب لتنفيذ ماتنفع معي

وش الشي اللي سويته وحسيت بعده إن الرزق بدأ يزيد بحياتك؟

وش أسوأ تجربة سويتوها بحياتكم عن نفسي التقديم اليدوي، كل ما أتذكرها وأتذكر التنقل في الشموس بين الأبراج ووجهي يشبه رياكشن السوري بحصة البدنية ونتظلل بالسيفيهات وأغلب الشركات كأنها بيت لازم تطق الباب وما أحد عنده قسم سايبر ودي أبكي التووووبة ما عاد أعيدها بحياتي جعلني ما أنحدّ

عندنا موظف ماله الا شهرين تقريباً ذككككككككككي ماشاء الله عليه بس مشكلته يدوخك حركته كثيرة مره بشكل غير طبيعي يدينه تتحرك كثير ويتلفت مره ماعندي تفسير إلا ان كبر عقله وثقله مأثر على توازنه لذلك يتحرك كثير

وش السبب اللي يخلي الإنسان يتجاهل أشياء تنفعه بحاضره ومستقبله؟ ويضيع وقته على أشياء سخيفة وتفاهات أبغى إجابة مقنعة ومنطقية، لأني ما قدرت أفسر هذا السلوك من الإنسان

لاحظت كل اللي ينظرون على موضوع الرزق والوظيفة والفلوس جملتهم الوحيدة اللي يسكتونك فيها (رزقك جاي تطمن ولاتخاف ولا تزعل) الله وزع الارزاق علينا جميعًا لكن مطلوب منك السعي والبحث والدعاء واليقين التام بالله اما تكون منسدح في بيتكم وتقول رزقي جاي لاتضحك على نفسك ارجوك ف لاتاخذ النصيحة من واحد مرتاح او مستقر ماديًا لان رجوله في موية باردة ماراح يحس بمعاناتك ويشوفك مهول الامور وهو لو تاخر راتبه يومين انهار ولا فشل له مشروع يكتئب

صباحوو ، تعرفون إن الشيطان دايم يلعب على تعظيم المفقود؟ يخليك تحس إن الشيء اللي ما حصلت عليه هو نقطة التحوّل في حياتك، وإن سعادتك كلها واقفة عليه، وتبدأ تتخيل كيف بتكون حياتك لو امتلكته، لين تقنع نفسك إنك فاقد شيء عظيم، بينما ممكن لو حصلت عليه تكتشف إنه شيء عادي جدًا

مدري قلت لكم هالسالفة من قبل بس قبل سنتين كنت امشي وناظرت في السماء وشفت نور طالع من السماء وقعدت ادعي من كل قلبي وانا أناظر فيه بعدما خلصت طلع القمر مغطيه عليه الغيوم الداكنه فبان كأنه شق مو شيء إعجازي بس الشيء الحقيقي ان دعواتي كلها اللي دعيت فيها استجيبت الحمدلله