فمان الله والعذر السمين أبلغ من التبرير
عفى الله عن خطايا اللي خطايانا على شانه
فمان الله يالغصن اللّيان اللي هَجرك الطير
هذا طيرك يبلغك السلام بروس جنحانه
سمحت من المحبه وسامحني على التقصير
وصلنا آخر حدود العشره اللي مالها خانه .
يا كبر قدرك بعيني ولكن ما تشوف
الغلا اللي لك تجدد وفي قلبي ربـا
الطواري كل يومٍ تجيبك والطيوف
والمشاعر في غيابك مراضى واتعبا
لو تاخذك الليالي وتاخذك الظروف
ما نسيتك شاء من شاء وأبا من أبا
ولو ما يبقى من الوصل إلا الصدوف
مرحبا بالصدفة اللي تجيبك مرحبا .
رح .. قبل ما الله يبيّن في عيونك قدري
خبّ ما باقي من احساسك وخلّه ذكرى
ولا تقول ان النصيب يصيب دامك تدري
بكرة الدنيا تلهّينا .. وبكرة نبرى
ادري ان البعد ماهو بـ اختيارك وادري
انك ابيض وجه لكنّ الليالي غبْرا (: .
" لو يهوّل فـ الشعور، وصد عني صدّ عايف
ماقدر يمحي وجودي لو بغى عمره يعيده
والحنين يْشوّفه زولي لو انْ ماهو بشايف
فالزقاير .. في زوايا غرفته .. ماني بعيدة
أدري اني كل ليله بينه وْبين الحسايف
يوم يذرفني دموع ويوم يكتبني قصيدة ".
عن جفاك القديم ، و جرحك الحالي
اختر اللي تبيه من الحكي ، و احكه
الجفا .. دمعة الغالي على الغالي
و الوصل ضحكة المبطي من الضحكة .
مقضينها طربه وسجّات واستغفال
ولا نلّتفت في حاجةٍ ما تشرفنا
لنا سمعةٍ بين المطاليق عال العال
ومن فضل ربي كل طيّب يوالفنا
صبرنا على شل النوايب لو انها ثقال
عليها انتداحم لا اختلفنا ، ولا خفنا
خذينا من الدنيا طناخة و طولة بال
ولا غيرت صكات الأيـام موقفنا .
مديت لك عمري على كف يمناك
وغيرك على رجوى "هلا" مد عمره
نزعت بيبان " الثقل " غاية رضاك
وشرّعت لك قلبي ويا طول صبره
"ميّت شعور" وفز قلبي لـ طرياك
وأعرف شعوري ما يجي غير مرّه .
"يصبرني على ثقل الليال إنْ الأمل ما زال
ينسيني شقى النفس ويضوي لي متاهاتي
أغيب بلا سبب وبلا سبب يربكني الترحال
واعود للمكان إللي يضم أربع تجاهاتي
مع إني هادية وجه وحكي لو ضاقت الاحوال
يجي هذا الحزن صخب ويلازم فكرة أبياتي".
فمان الله .. عَسى ما يردّك لقلبي وَلَه وشعُور
ليا هَبّ الحنين وجيت لك طيف ، وتغافلتك
تجاهلتك ، وانا ضايق شعور وخاطري مكسور
تخيّل / قدّ ماني بحاجه وصالك .. تجاهلتك !
