وقّاد retweeted
في كنف بشت الطواري وذعذاع الهبوب
داهمتني ضيقةً ما عرفت اسبابها
مثل ضيقة شاعرٍ ضاق من شوف الغروب
يخفي الضيقة و دايم وهو يبلابها
يوم غابت واتقت في حجا دهم النصوب
مثل بنتٍ تخفي الزين خلف حجابها
عايشً كني وحيدً على الحزن مغصوب
و السعادة و الفرح ما طرقت ابوابها
ما توارت علةً تجعل الخاطر لهوب
من مواريها دموعي و جرح اهدابها
من فراق الي غدا الوجه من عقبه شحوب
ايه ضاقت بي الاراضي وشفت اقطابها !
اتسلا ب القصايد و باللحن الطروب
وابدع ابياتٍ عظيمة تنال إعجابها
كنت صادق بالمشاعر ولو انّي كذوب
في مديحً قلته الها و حدّت نااااابها
من يبالغ فالمحبّة شكى الصدر الشبوب
يونس الحرّه ولاهوب يلقى اطبابها
ياعسى الي قد لفاها يكفّر لي الذنوب
لو ذنوبي ما تضاهي طعون حراااابها
ذنبك انك طاغي الكبر يالظبي اللعوب
وذنبي اسرفت بمشاااعر جهلت حسابها
- وقّاد
معا حزةٍ مقرون فيها وهم و احزان
جفيت المكان وضيقة الصدر م منها
اراقب شعاع الشمس والليل وجهه بان
يدف النهار ب منكبٍ يأمر وينهى
ليا من غدت وانا موجّه على الحجّان
تحول الهجوس الماضية عنيّ وعنها
سرا طيف من غابو على محجر السهران
و نثر دمعةٍ — طول الليالي مزبّنها
هواجيس صدرٍ ماشكت للعرب كتمان
تلوذ بـِ طوارف ليلها .. و تسكن آمنها
انا اشوف صدري للهواجيس دار إيمان
تطوف الهموم وف الحنايا مواطنها
نحيت الخيال ل عالمٍ ما وراه إنسان
أداري جروحٍ بطش الايام م اوهنها
اشوف الزمان يلفّني لفة الاكفان
ويخلف هقاوييّ — ويقلب توازنها
ترى هقوة الصادق بعينه غدت برهان
لو ان الليالي مرّها ما يطمنّهااا
يدور الزمان وتنكشف فالوجيه الوان
وشفت الحقايق يوم بانت معادنها
يغيب الرفيق ويقفي الحلم والخلّان
ويخيب الرجا في حاجةٍ كنت ضامنها
نحرت الطموح الي غدا للظنون رهان
على قمةٍ صلف الهبايب تلاحنها
على الله ومالي غير وجهه ذرا وامان
عليم الخفايا و المصايب يهوّنها
بذلت وذبلت وشان حالي ووجهي شان
ولا زلت اردد « جعل ربي يزيّنهااااا »
وقّاد
دوّر اللي يبذل المجهود باللي يستطيعه
وخل عنك اللي يكبرها لجل ياخذ عوضها
استغلوا هذا ( عطايا النشاما في رقاب النشاما دين )
وكُشفوا بهذا (خل عنك اللي يكبرها لجل ياخذ عوضها )
لله درررررررررك 👏🏻👏🏻👏🏻👏🏻.
بادىءً ذي بدء ، عذراً يا المظاليل الوسيعه ،
حال دونك رايحن جراهد البيدا نفضها
وان ترادف وابله من فوق وادن فاض ريعه ،
المسايل خلها في فالها لا تعترضها
شاعر ٍ ينقى من الالفاظ نوّارة ربيعه ،
كل ما ركّب خياله واينعت زهرة لفظها
اشهد ان الثقل بوابه للاخلاق الرفيعه ،
من دخلها عيّن التقدير والهيبه فرضها
وكثرة المزح المغلّف بالحركات اللكيعه ،
كان مانزل وحط من المكانه ما نهضها
يا خفيف الظل خفف شدة اخطاك الشنيعه ،
لا متى وانا اشجب اخطاك الشنيعه وامتعضها
دابلن كبد الفكاهه بالتفاهات الوضيعه ،
وكبد ابوك الله يحفظه وامك الله يحفظها
ألحق اقرانك وشاركهم بمركاض القطيعه ،
ركضةٍ ماعاد اعرف اول ولا اخر من ركضها
العلاقات المريضه ما وراها الا الفجيعه ،
لا تماطل في نهايتها وتبلاك بمرضها
والاكيد ان كل قطّة وجه وميانه سريعه ،
في طرفها نكبةٍ لابد ما تدّي غرضها
دوّر اللي يبذل المجهود باللي يستطيعه ،
وخل عنك اللي يكبرها لجل ياخذ عوضها
المراجل كان خالطها ريا ولاّ خديعه ،
تبهرك عن بعد لكن من قرب منها بغضها
والصداقه صدق ود ونصح سر وعهد بيعه ،
بيعةٍ لو تدخل الرجال قبره .. ما نقضها
والكرامه وهبه من الله وجينات وطبيعه ،
عند اهلها من ملذات الحياه اعز واضهى
والذرابه تلهم الرجال اساليبٍ بديعه ،
تلمس الابداع حتى فالعزيمه لا عرضها
والمعرفه كان ما ترجمتها لافعال ضيعه ،
ضيعة وصاةٍ توصيها بليدٍ ما قبضها
وان ضربت الامثله من غير تبرير وذريعه ،
الشكر اللي قبلها والعفو للي رفضها
معرفة الاسلام ما تجمع شمل سنه وشيعه ،
بين احاديث نتأولها وادله نفترضها
ومعرفة الاخلاق ما تفرض قوانين وشريعه ،
العرب لولا الحكومه عودت تاكل بعضها
17
3,219
وقّاد retweeted
يوقّف كبير الهم وقت الشفق مجبور
مع الشمس لين اتطبح بْوسط حنجوره
تروُعه سماه اليا تفشى بها الديجور
يشوف الغروب بْوحشته للقسى صوره
يغني حزن ما هو يغني طرب و سرور
قصيدٍ يترجم ما حوى صادق شْعوره :
وقّاد retweeted
قبل ينهدم صرح الغلا والنفوس تشين
فمان الكريم .. اللي عطاياه ما تحصى
اتركني على كف المقادير .. بين اثنين
زمانٍ ماهو لقصى .. وحظٍ ماهو لقصى
المشكى على الله لـ افترقنا وحنّ حيين
لكن الظروف القشر تامر ، ولا تعصى
ظروف الحياة اكبر من الحدس والتخمين
تقصى طيبٍ .. بين الرياجيل ، مايقصى
تطمن تراك اللي بقالي .. من الغالين
يا منصاي من كل البشر لابغيت انصى
والله ماتحرر من غرامك ، ليوم الدين
لو يحررون القدس والمسجد الأقصى
وقّاد retweeted
ابتدا بالحماقة خادم المشروع
وابعد الامن كله عن يمن الإيمان
كل من ناصره واستنصره مخدوع
مادرى وش عقاب خيانة الجيران !؟
ال٣٠ مليون ألوية ودروع
من جبال الشمال الى جبل دخان
التفتنا لصعدة وانتهى الموضوع
صار عبدالملك ... عبدالملك سلمان
كل ما عرّضت صدري للهبوب البارد
ولّع ب صدري لهيبٍ احسب انه طافي
كم هقيت اني على حوض التناسي وارد
واثرني للماضي الي راح راجع حافي !
ليه طوّلت بغيابك يـ الغزال الشارد
كيف تتركني وانا الي في وصالك وافي ؟
لا غدا درب المحبة كبرياااء ومطاارد
يقتل العزم الضعيف وينهك المتعافي
انت قصّة مؤلمة ما تنطرح للسارد
ان حكاها ينكسر واذا سكت يـ كافي
وقّاد
كل ما عرّضت صدري للهبوب البارد
ولّع ب صدري لهيبٍ احسب انه طافي
كم هقيت اني على حوض التناسي وارد
واثرني للماضي الي راح راجع حافي !
ليه طوّلت بغيابك يـ الغزال الشارد
كيف تتركني وانا الي في وصالك وافي ؟
لا غدا درب المحبة كبرياااء ومطاارد
يقتل العزم الضعيف وينهك المتعافي
انت قصّة مؤلمة ما تنطرح للسارد
ان حكاها ينكسر واذا سكت يـ كافي
وقّاد
وقّاد retweeted
انا علّتي تأتي ، ليا قرْبت الاعتام
لا منه تلاشى النور والشمس طياحه
يمر الحزن لكن ما هو مرور اكرام
مثل ما يمر الرجل في دار ذبّاحه
" على الهون يا فكرٍ تجفف به الاقلام "
تذكر خيولٍ عنّته و اخلْت مراحه
معي ضيقةً فالصدر كنها حقول الغام
ولو تضحك الدنيا فلا هي ب منزاحه
حسبت الليالي مزحه وتكذب الاوهام
وشفت الليالي صدق ماهيب مزاحه
و لو اخفي الاحزان ، و الهم ، و الالام
تشوف العرب عيني ترا العين فضاحه
لقيت السهر بلوا مع ان القصيد الهام
الى قامت الذكرى تمرّه و تجتاحه
والى صعبت الحاله على الطب والحكام
ترى حلها للشاعر ان مسك مسباحه
-وقّاد
وقّاد retweeted
دائماً وابداً ..
هو سمح عبدالملك ؟ ولا على الغارات عاده ؟
ضربة اصقور السعوديه ما تحمد عاقبتها
البلاد الي علمها رفرف ب نـطق الشهاده
نامن بـ سيفينها وانعيش في ظل انخلتها
وقّاد retweeted
يدور الزمان ويكشف الي عليه لثام
وتظهر كلاب ايران من كل جنسيه
لنا العز والتاريخ في كل يوم وعام
ولنا المجد كله والفخر والفروسيه
هنا مهبط الوحي وهنا قبلة الاسلام
وهنا الحاكم اللي ثابت ٍفوق كرسيّه
تعيشون وتموتون شرذمه وخدام
ونعيش بشرف ونموت دون السعوديه
#المملكة_العربية_السعودية















