R

الحمدلله دائماً وأبداً الحمدلله حتى يبلغ الحمد منتهاه الحمدلله بلا سبب ولا طلب ولا عدد الحمدلله حتى ترضى الحمدلله حمداً كاملاً على أقدارنا المكتوبة

البارحه حول الساعه ثلاث وعشر مانمت سهران طول ليلي هواجيس قررت اكتب لي من القلب شطر فضفضت لعيوني ولا طبتها التناعيس بعيوني اشوف واضح نور القمر طلعت مابقى من شعور واحاسيس وشميت لي بالهوى ريحه عطر تهب علي من كل جانب وتوانيس والله انتجيتك تشرح خاطري مثل المطر وان غيبتك قشرا مثل جيت ابليس

البارحه كني على صالي النار بغى يطير القلب لولا ضلوعي مايذبح الرجال ياكود الأفكار لاقامت تلاحيه من كل نوعي عزالله اني من عنا الوقت محتار خطر على عيني تهل الدموعي وأنا لي مع أهل المواقيف مقدار عيب علي أطيح عقب الطلوعي يالله دخيلك من تصاريف الأقدار في تالي الأيام قامت تروعي

يارب امطر على ارضي عساها تنبت الأحلام بذرت إحساسي ورغبات عُمري ودّي احصدها ولا تشمّت بي الحاسد ولا يفرح بي النمّام ولا عدواني تعيش انكساراتي وتشهدها ولا تكتب لي اناجي طموحي والحظوظ أيتام ولا تقسم لي حظوظٍ تجاهدني واجاهدها

ما بين الصّعب وبين الخوف والتجريب أحاول ما أميل بيوم ولا تتشّرد أفكاري أمر بمرحلة صح أو خطأ صدق أو تكذيب كأني تايه في شي ولاني عارف اقداري أنا يارب ما أدري وش اللي ينكتب بالغيب ولكن رحمتك أكبر من اللي فيه انا داري

لازل نصف الليل واحتله الصمت اتبع خيالي لين .. اشوفه ، خيالي انا ابلغ اهل الشعر لو ما تكلمت كم راس مالٍ مرجعه راس مالي ما قد ظلمت القاف ولا تظلمت وادنى قصيدي يقلب المر حالي ياكبر مشروه المشاعر ليا همت حتى الفضا ماعاد ، ياسع خيالي اليا انكرتني سود الايام واجزمت والله ما سندها على ،، غير فالي اغناني الي تحت هيباته اسلمت مع نهج ابوي ونهج عمي وخالي ثور من حزامك ذخيره ليا قمت لو ماتصيب يصيب ، ظن اليالي واليا تركت الدرب ، ولا تشيمت اشهر مثل حرٍ بدى ، راس عالي عاد انت يالي ل المحبه تولمت انا ادري ان الي .. بدالك بدالي عن مايرد النفس للغي حرمت لا عاد ترقب .. جيتي ، واتصالي ماني بظالم لاكن اليوم كرمت اللّٰه يعين القلب ،، مما جرالي عزالله اني يوم سلمت سلمت قلب على جاله من النار صالي ماني بمتوهم وانا لو توهمت ماعاد اشوف الغالي بوزن غالي اذكر ملامح وجهي اليا تبسمت هذا هو اخر مابقى من وصالي - مقرن بن حربي -

حداك الحلم عن طيش الشباب لصحوة الإدراك بعد عشرينك اللي من ربيع العمر مسروقه بديت تحسب الأيام المقابيل وتعد إخطاك كثر ما كنت شاعر يحسب حسابات منطوقه اسولف لك عن شعور الندم يا عقلي الشكاك تقول انه ورى حدب الضلوع مضيع نوقه

الشمس لو تشرق على صدر غيمه كان اصبح الانسان ما يعرف الهم والارض لو هي من عطاها عقيمه استبشرت والجود من خيرها عم وما ظل بالانفس مواقف اليمه ولا بقي مشوار للخير ماتم ويصير للحظات معنى وقيمه وتشوف ولد العم فعلا ولد عم كان انتهت اغلب صورنا القديمة اللي مزيج الوانها يشبه الدم لا حقد لا بغضاء وحسد ونميمه ترجع حقوق الكيف من قبضة الكم الشمس لو تشرق على صدر غيم حتى عدوك لا لقيته تبسم

ضاعت بين يديني فرص واوراق وقضيتها بين " خيره " و " خيره " طالبك يالله تخيرني وللخير اساق وان ضاع درب تدلني بـ غيره وتمحي همومٍ بالصدر مازالت وباق وتعلم عقل قلوق وشهو مصيره يمكن لاعرف يصبح مع قدره وفاق و تحرر طيره من قفص ماهو لـ طيره وش جاب طير سعودي بوسط العراق شكلها خيره وبتمشي بمشيئة و تدبيره

ما تشيب الاماني لو تخيب الظنون وما تضيق الحياه وعند ربي سعه وما تميل الجذوع ولو تميل الغصون ما يرتفع يا بعض الناس لو ترفعه نعرف السابقون ونعرف اللاحقون بس من يقطع الارزاق ليه إِقطعه من تشمت وقال ان العرب يكذبون لو تدور الدواير راح يكذب معه ومن يقول البشر مصيرهم يشبعون ما يشوف الطمع وشلون ما يشبعه ما يصير الخيال ولو تجيبه لحون لو يعيش الخيال الواقع بيفجعه يا هدوء الليالي وش ورا هالسكون والزمن لا خذا له شيء ما رجعه القناعه حوار ان كانهم يسمعون والليالي كفيله والزمن يقنعه اختلاف الفكر لا يعني انه جنون واتفاق العقل : لا يعني المنفعه واحتباس الحراره صدر كل امغبون بـ اندفاعه ( تفجر ) لو تبي تدفعه وانتظار الوصل ما بين يمكن يجون ممكن انه يروح ( وممكن بيزرعه )

تمرّد حرف ثاير فالصدر واللي تشكّل قاف بعد ماطال حكم الصمت طاح وفازت الثوره عسى ربي يعين اللي يعيش وخاطره شفاف لو انه يخفي كسوره عيونه تكشف كسوره تمنى يرمي الذكرى والايام العجاف خلاف ولكن كيف يرميها وهي فالذهن محفوره ما حدّ اكثر شواعير العرب ل اللعب والمشراف سوى جرحٍ قديمٍ ينفتح لامن فتح صوره معاذ اللّٰه من كلمه تعادل ضربة السيّاف تدل القلب وتمرّه وتتمرجح على سوره تقبّلها من الصدمة بتغميضة وضحكٍ جاف وهو كنه يحس الكون من حوله ذا دوره يعيش بحرقها طول العمر في حالة استنزاف ما يقدر ينتهي منها .. ولا يتدبّر اموره ياليت اللّٰه جعل لي خاطر اليا عاف شي عاف ما كان ادنات حاجه تحرفه عن سيره وطوره وش اللي بخسره لامن خذيت من السهاد لحاف مادام ان الضمير ارتاح من ظلمه ومن جوره يقوله من خذا جرعة من الدنيا وعاش وشاف فهم بعض الامور اللي ما تِشرح وسط سبوره

والله اني مابغيت من الدنيا شي كثير انا عابر والعابر مايبي غير السَّلامه كبرت ولازال بداخلي الطفل الصغير اللي دفع ثمن سكوته ولسكوته غرامه ليتني غصن به ورد بين ريحان و عبير لان الغصن لانكسر ما على ورده ملامه خلاصة التبرير وش هي خلاصة التبرير لا صار القاضي رافعٍ اوراقه واقلامه الطريق الوعر والمخاطر و عرقلة سير والتجارب والخيبات والثدب والعلامه ماهي الا بقعه في محيطٍ عميق وكبير واحزانا ماهي نهايه العالم ولا القيامه

يالله دخليك من صواديف الايام ويالله عسى فالامر خيرًا وخيره العمر يمشي والمواعيد قدام ولافاتت الأولى تبقى الاخيره

لجتي لجة خلوجٍ تحنّس بالمراح تندفع وتعود لاتلى العهد بحوارها حنجةٍ في حروته ما تبي عنها مراح ولا لها من حيلة إلا هميل عبارها من غروب الشمس لين انبلج نور الصباح ما امرحت من ما هجدها ولا امرح جارها جارها يوم أذن الفجر صلّى واستراح وهي على ما صابها واصلت مشوارها وجدها بالمثل وجدي على ظبي البراح درّةٍ وسط البحر مفلسٍ بحّارها العشير اللي بعد راح معه القلب راح وافترق شمل الأحبّة بدون خيارها يا عذولي كفّ عذلك وكفّ الاقتراح ما اقدر اسكن في ديارٍ ماهيب ديارها لو شوتني نارها لين تنجحني نجاح أبرك الحزّات يوم احترق في نارها

ياطير ياللي في السما حايم دور على اللي غاب واقصاني علمني وين هو فـ الحب هايم واجيه لو من راحة ازماني

دنياك لو شانت تراها مقادير ما في يدينك .. غير حلم وقناعة واللي انكتب رحمة، وخيره، وتدبير واللي مضى ما يعود منه لو ساعه وأصبر على المقسوم لو فيه تقصير اما تزين ، أو جعلها .. للقلاعه

عرفت ان اللقا أرض ومدارات الفراق افلاك تدور ايامنا حول التجارب والقدر .. أجدى وعرفت ان الزهر مغري ولكن فيه كثير اشواك يبي له من يعرف انه مع اوقات الفجر يندّى و عرفت أن العزم يحتاج للحيطه تحيط أرجاك كذا طبع الحديد بلا عوازل يضعف ويصدى وعرفت ان العمر مهما يطول ما ينول رضاك عجول الوقت لا انهى رحلة سنينه قبل تبدا و عرفت ان دمعة الغيمه تصب الروح في دنياك كذا طبع العتب صاخب و اذا مل الصخب يهدا و عرفت ان الطموح دروع لا صار المدى فتاك اذا استسلمت ل العثره ترا المقبل عليك اردا كثير دروس مرت في حياتي هنا وهناك و لا زلت اجهل الي كنت بوصل له ولا امدا وبعد عثرات ودروس وسنين وتجربه وادراك عرفت ان اكبر كنوز الحياة الفانيه مبدأ

تنجذب لي قسوة الايام وتشوف انجذابي مثل ما يجذب عروق الصاعقه راس المناره من كثر ماعشت ف الضيقه وعايشت اكتئابي صرت اذوق اللي يسمى مر ..ماحس بمراره ماسلم من ضيق بقعا لا رسول ولا صحابي خل عاد اللي يجدد توبته .. . تاره وتاره كل ما صور خيالي حلم في مشهد ضبابي شوش الواقع على التصوير وانقطعت لشاره في رجا اللّٰه ما ترجيت المجاند والجنابي كل جهد الادمي من غير عون اللّٰه خساره جعل ربي مايبدّي ذنبي ويترك ثوابي كثر مابدي على نفسي ونفسي ف الصداره كم قضينا حاجة المحتاج واللي في المخابي ما يطفّي لمبة البنزين ... ويولع زقاره