عبدالرحمن . ☪︎

ودعتك اللّٰه عسى الايام ترضيني واقفل سجل بدمع العين خطيته - جلوي بن حمد اقفل سجل العتب.. واللّه يقويني أنسى الهوى والطريق اللي تعنيته - عبد الرحمن الشمري @jl00y_ @yahya_sh133 @a_555_o حصرياً 2026 عهد حبك ( يـحيى الـضويلي - عبدالله الجـنفاوي ) youtu.be/OSK7v9aNrVY?si=BcO5… عبر @YouTube

كتبت هذه القصيدة متأثرا بقصة إنسان سُجن ظلما، إثر اتهامه زورا وبهتانا، فلامست قصته وجداني، وترجمت ألمه إلى كلمات. يا ليل في جدران هالسجن مأسور مظلوم والخاطر تزايد حنينه صكّوا علي الباب والقلب مكسور والدمع يجري من غباين كنينه حكمٍ قسى بالظلم والذنب مغفور يا كيف تقهرني الوجيه اللعينه؟! أقضي ثلاث شهور من قسوة الجور بين الحنايا والزوايا السجينه يشرق شعاع الشمس والكون بالنور وإلا ظلام الحبس ما شفت زينه أسهَر طوال الليل والدمع منثور والهمّ يطوي مهجتي بالغبينه أعضّ كفّ القهر والبال مذعور من لوعتي صارت ضلوعي طحينه واللي هقيت إنّه حزامٍ ومذخور صدّ وتركنـي في ركون المـدينه ما فيه غير الآه والهمّ مسطور فوق الجدار اللي عيوني تدينه أجرّ صـوت الهمّ والـقيد مـجرور أرجف ورا سياج السنين الحزينه يا رب وأنت الواحد اللي له الشور تكشف ظلامٍ حلّ بي يا معينه مالي جدا يا كود عبرات فالزور وضيقة طوت حال الفتى من أنينه سجين باطل والخلايق لها دور والشاهد الكاذب عسى الله يهينه طال الرجاء بالصبر والقلب مقهور باقي بوسط الجوف طعنة دفينه أطلبْك يا رحمن يا مُنزل النُور تـفـكّ نـفـسٍ بالظلايم رهينه -عبدالرحمن الشمري

سقتي الركايب للجفا يا الأصايل تقفين وتصكين باب المحبين! كنّه على صدري هوى ضلع حايل يوم الموادع شين ومْقابله شين جارت بي الايام والحظ مايل وعزاه يا قلبٍ شكى لوعة البين من جور وقتٍ يقطع الشك زايل جوفي تعبّى بالشعر والدواوين وانقاد دمعي فوق الأوجان سايل على الذي قفّت ولا أدري على وين أنا الرشيد اللي عزومه صمايل سيف الجفا قطّع عروق الشرايين. وانا الرمالي بوجد نوف الجمايل ابكي غلا نوفٍ بجرح أدمع العين وانا الربوض اللي شكى من الغلايل ابكي غزال الموت بين الصلاتين وانا كما ابن عبيد شفت الهوايل تايه غريب الدار بين المضلين وانا كما عاشق يصد الرذايل ما راد غير الطهر يصفى بقلبين يا بنت لو تبعد بنا هالمحايل حنا على عهد الوفا مستمرين مير الفراق اقفى بكل الوسايل وماتوا بجوف الصدر كل المحبين -عبدالرحمن الشمري #قصايد

ماشاءالله تبارك الرحمن هطول أمطار غزيرة ورعد هدير رفحاء الان #الشمال #الحدود_الشمالية #رفحاء

قلبي على عهد حبك ما يخليني قصر الغلا في حنايا الروح حطيته عذرك على الرأس والدمعة تبكيني حبٍ بنيناه كيف اليوم هديته؟ -عبدالرحمن الشمري

كان ماحت الخريف الغصن ما اورق في ربيعه انشد الفلاح عن صبر البذور اللي زرعها. @ARowili يسلام عليك يامبدع