Sub Major (R) Ashraf Malik

مولانا فضل الرحمان نے انڈیا میں سیاسی پناہ لینے پر غور شروع کردیا ۔ افغانستان بھی متبادل آپشن کے طور پر شامل ۔ پاکستان کے سیاسی حلقوں میں اس وقت ایک انتہائی حیران کن انکشاف سامنے آیا ہے، جس کے مطابق جے یو آئی (ف) کے سربراہ مولانا فضل الرحمٰن اور ان کے خاندان کے گرد مبینہ کرپشن کے معاملات بے نقاب ہونے کے بعد قانون کا گھیرا تیزی سے تنگ ہو رہا ہے۔ ذرائع کا دعویٰ ہے کہ فیملی کے اربوں روپے کے مالیاتی امور سامنے آنے اور شدید قانونی دباؤ کے بعد اب مولانا فضل الرحمٰن نے پاکستان سے باہر سیاسی پناہ حاصل کرنے کے مختلف آپشنز پر سنجیدگی سے غور شروع کر دیا ہے۔ ذرائع کی جانب سے یہ دعویٰ کیا گیا ہے کہ مولانا فضل الرحمٰن نے بھارت (انڈیا) میں سیاسی پناہ لینے کے امکانات کا جائزہ لینے کے لیے وہاں موجود دارالعلوم دیوبند کے مہتمم سے باقاعدہ رابطہ کر لیا ہے۔ تاہم، اس آپشن میں پیچیدگیوں کے باعث متبادل راستے بھی زیرِ غور ہیں۔ ذرائع کا کہنا ہے کہ مولانا اس وقت افغان طالبان کے ساتھ بھی رابطے میں ہیں اور بھارت میں بات نہ بننے کی صورت میں وہ افغانستان کا رخ کر سکتے ہیں، اگرچہ سیکیورٹی خدشات کی وجہ سے وہ افغانستان کو اپنے لیے مکمل محفوظ ملک نہیں سمجھتے۔ دوسری جانب، مولانا کے قریبی ذرائع سے یہ معلومات بھی سامنے آئی ہیں کہ انہوں نے اس کڑے وقت میں اپنے دیرینہ تعلقات کا سہارا لیتے ہوئے سعودی حکام سے بھی پسِ پردہ رابطے قائم کیے ہیں۔ رپورٹ کے مطابق مولانا نے سعودی عرب سے درخواست کی تھی کہ وہ پاکستان میں ان کے خلاف جاری کرپشن کی تحقیقات کو رکوانے کے لیے اپنا اثر و رسوخ استعمال کریں، تاہم سعودی حکام نے اس معاملے میں کسی بھی قسم کی مداخلت سے صاف معذرت کر لی ہے۔ سعودی عرب کے انکار اور بیرونی آپشنز کے محدود ہونے کے بعد اب یہ سیاسی کھیل ایک انتہائی دلچسپ اور سنسنی خیز مرحلے میں داخل ہو چکا ہے۔