مرتع الذود،، ابو مهنا ،، #بطل_شلفاء_الوضح

#أمارة_الصفر .. سيكون وقعها في صيهد منيف اقوى و أشد و أعتى من تواجدها في قطر هذا اليوم .. لذلك نرجوا عدم الهروب و عدم التحالف ضدها لان المصير لن يتغير بهما او بدونهما ..

هههههههه لا ذكرت ان ذعار و الهضاع متحالفين عشان يطرحون ابن زهبه .. و جاهم شبل عتيبه و حطهم على بعض و مشى 😂😂😂

ماهوب بس اليوم دايم حاضرين من دون برقانا وعزوة روقنا حنا عتيبه ماتردينا السنين تطبخ طناخة روسنا وعروقنا حنا عتيبه فوق في دنيا ودين مافوقنا غير الله الي فوقنا اطنخوا يا عتيبه الهيلا ..

الشبل هذا تسبب في هروب قصرانا .. ثم حط محلف على بعضها 😂 علي الحرام انك كفو ي الاومير ثم كفو ثم كفو

الاومير الاول صفر و شعل بدر داخل العصيمي الاول وضح زويد الشيباني الاول شقح الدكتور فهد الثقيل الثاني شقح اذا انتهى العبث هذا مكاننا الطبيعي و المراكز الاولى ما ترضى بغير #عتيبه

الف الف الف ممبروك النواميس يا عتيبه الف مليون مبروك مليااااار مبروكك حط عباس على دباس هذا والله اليوم التاريخي

وش طريقة تحكيم قطر .. هل بعدد المركز ولا نقاط ومجموعها ؟!

الظاهر ان العلم فيه علوم .. و الشتاء ذا ممسى و هدى..

و هذه ايضاً مشاركة زويد الشيباني .. و التي تأخر دخولها بسبب الازدحام في حظور الفرديات من منطقة الترصيص ..

هذي من مشاركات ابطال قبيلة عتيبه في مزاين دوحة قطر .. الدكتور فهد الثقيل و بدر بن داخل العصيمي و تركي الاومير .. في جميع الاشواط و اعتقد ان هنالك اكتساح تام للبيرق حسب ما رأينا ..

مع احترامي الكبير لابن زهبه .. منافسك اشترى القعود اللي اخذ مركز ثاني تروح تشتري قعود اخذ وراه مركز !! مليون بالميه خاسر جولة القعدان لو هو عندك فالاساس ممكن لكن تشتريه في ذا التوقيت !! اسمح لي اقول لك طلعت من المنافسه بدري و بالتوفيق لك فالصياهد 😉

هو شوط بيرق و لا شوط هجيج 😂😂 ثاني هروب دولي في يوم و الثالث فالترتيب العام 😂 اضاءه:- الى الحسكي بحفظ الله و رعايته ..

ثبت شرعاً .. ثاني هروب دولي من قصرانا .. و اللي يشرب فناجيل الرياجيل يحظر 😉 و جاب الله الرجيلي الثاني و ما جاك والله ان يجيه 😂 امارة الصفر ما ترضى بغير الامير ..

الظاهر انه هرب من الاومير 😂 ثاني هروب دولي لقصرانا 😂😂😂

هل الشقحا الشناح ما جو من علاوي نجد يتمشون .. ابشروا لكم ببطل يدك الميادين و يدحم بالجنب المتين و دام حط النوماس براسه فأبشروا به .. و قلناها قبل و نقولها الان علاقة وسامة النعش بالمركز الاول وطيده و اقوى مما تتخيلون

التكتكه بالفعل و ليست بالكلام .. و نقاط الزين الزين الطبيعي بالفعل ليست بالكلام.. #أمارة_الصفر ليست فقط للتعليم و إنما هي وجدت للامجاد و للتاريخ و للمنصات .. عذراً لجميع قناية الصفرا جاكم شبلً ماهو مخلي منكم شريده فالداخل في شوطه مفقود..

قعود ابن ماثل الميزاني ينتقل الى الاومير بصفقه مليونيه .. اما بعد فالشوط في بيرق التحدي في قطر حسم امره حتى أن احد منافسيه بعد ان أتته المعلومات .. قال ( ما اعتقد اشارك ) بعد ان اعلن صفقاته امس و بعد وصول الالبي الاحمر 😂 اضاءه:- كنت هاقي فالجبل والجبل عود طحين ..