محمد..

ترى اطـلـق بنـيّه من قديم الليالي تحطك بوسط اعيونها كان حبتك وانا بنصحك من بعد جالي مجالي لاتبعد عن اللي في طفولتك ربتك محمد..

انا مستحيل اقـول قافٍ بلا عشق هواجيس فكري ماتبا الا الصحيحي اغني في من تعرف بمنتوقة العنق عــلى شـانـهـا كـلٍ يـقـوم ويطيحي محمد..

مافيه من يستاهل اتعب واناديه الا كـحـيل الـعـيـن لبى جبينه الـشعر في غيره ماتضبط معانيه لـيـت اللقاء يـحـين بيني وبينه محمد..

الصاحب اللي ليا منك نصحته زعل لاعاد تحسب حسابه في جميع الامور محمد..

في يوم جـمعه عسى الله يقبـل التايبين والـساعـه الـمـستـجــابـه لاتخـلــونها محمد..

الليل لاســدل ظـلـمـتـه ماتونست فـيه الـحـنـيـن ايـزود ماني بسالي انشهد اني يالغضي دوب هوجست هم السـهــر مـا فـارق الـيوم بالي محمد..

ياخبل رجلٍ شفته اليوم خبلاه كـنه عـلى راسـه يشيل الاوادم والله يالـولا الـرجـال المسماه اني لقول اسـمه ولانيب نادم محمد..

سحايب الشوق مثل المزنه الغرا اللي بـها بـارقٍ مـن قـبله ايضوّي واللي مـايفـهـم كـلامي ينتظر برا مــاهو بلازم يجي جوه على جوي محمد..

نصيحة نظيف القلب ماتنتبدّل تمسّك بها ياجعل راسك يدومي محمد..

ما أجمل الشتاء حين يعانق المطر نوافذنا، وتحتضن القهوة أيدينا، ويغمر الهدوء أرواحنا.

تصميم @z__ozoz

الصدق مافيه والله اسهل امن الكلام بعض الحركات ربعك مايدانونها محمد..

ياصعب الشعور اليا عطيته لمخلوق ولا قدّر اشعور المحبه تجاهه محمد..

شاعر وتمشي لـك على درب شعار مـاجـبـت حاجه يالسنافي جديده لاتحسب انك صرت بالوقت بيطار ماكـل مـن غنا يـجـيــد القصيـده محمد..

انـا لـيـا شـفـتـك تـزايـد سروري اجاوبك بالصوت لو كان مبحوح وامـد لـك بـاقه من الورد جوري اخيـل بـرقٍ وسـط خدينك يلوح محمد..