بدر فهد retweeted
اداء رائع وظهور مشرف لممثل الوطن امام ريال مدريد والقادم افضل إن شالله
بالتوفيق لزعيم اسياء
بدر فهد retweeted
عيّت سلومي للمجامل توافق
من باب مبدا الصدق خل المشاريه
الكاذب اكثر شخص عنده مرافق
والصادق يدور على من يخاويه
لاقامت صدوف الليالي تصافق
يعيش فيها الي معه عشرت وجيه
اثر البشر ما تقبل الا ( المنافق )
اللي يقول الصدق ماحدن يدانيه !!
محمد عبيدان
بدر فهد retweeted
اسعد الله مساء الجميع بكل خير
كنت انا وبعض من الأصدقاء عند احد الأصدقاء في مناسبه مختصره وكان يتابعون حفل ختامي لمسابقه على قناه اسمها قناة الواقع وهناك مقدم للحفل اسمه زياد الشهري يعرف بأسمى المتسابقين وكان من ضمن المتسابقين متسابق شيباني اسمه رايد وعندما حان دوره عرف به بطريقه غريبه فيها قلة ادب وحترام بقوله واحِد واحِد مستخدم كسر حرف ال ح متعمد ويُعرف بمتسابق اخر بعد رايدالشيباني مباشره وينعته بأنه ساس وراس وهو يستاهل لكن رايد الشيباني يازياد الشهري ساس وراس ومن قبيله لاأنت ولا الف من شكلك يستطيعون ان يصغرون او ينقصون من مكانتهم وثقلهم فالمجتمع
بدر فهد retweeted
سلام ياحكامنا منبع الطيب
اللي لكم عهد ومحبه وبيعه
بيعة ولا ماتقبل الشك والريب
الشك زايل والهقاوي رفيعه
في سلمنا نقض الولا والعهد عيب
وهذي من الجدان فينا طبيعه
على ولانا تطلع الشمس وتغيب
حب الوطن وملوكنا مانبيعه
ماهوب حنا اللي نخون المعازيب
ال السعود مطبقين الشريعه
عيال من وحّد على شمخ النيب
بالسيف الأجرب مملكتنا الوسيعه
عبدالعزيز الحازم مجرّي الهيب
يضرب على روس الطغاه وتطيعه
لو يكثرون مغثربين المشاريب
ناسً تزوّر فالكلام وتذيعه
عاشو على الفتنة وحش العراقيب
على الردا مثل السباع المجيعه
والله وبالله عالم السر والغيب
مايفرحون اهل القلوب الوجيعه
في ضل اخو نوره حصان الأطاليب
ننعم بأمن وامان سنه وشيعه
وذراعه الإيمن عطيب المضاريب
محمد اللي زفنا للطليعه
حنا يابو سلمان وقت المواجيب
دون الوطن مانعترف بالهزيعه
بإيمانكم مثل السيوف المحاديب
وانتم لنا مثل الحصون المنيعه
بالعزم نبدا في علوّ المراقيب
وبالحزم يكفي فعلنا بالوديعه
تحت امركم لاعوا الذيب للذيب
نقلط ويبشر خصمكم بالفجيعه
والشاهد الله عالم السر والغيب
في ارقابنا عهد ومحبه وبيعه
ولاهوب حنا اللي نخون المعازيب
ال السعود مطبقين الشريعه
بدر فهد retweeted
#شاعر_عتيبه_سلطان_الجلاوي
باختصار من يحترم الشعر والمرجله يحترم ابن مشيب
بدر فهد retweeted
يقول شاعر الحمايا والشيخ :سلطان الجلاوي
@s_alglawe1
انا الشاعر وانا الصامل وانا الاول بعد مستور
وانا الـي لاتـولـيـت الـخـصـوم العن صلايبها
بدر فهد retweeted
نبا انصوت لبن سمار
مانبخل بصوتنا دونه
حنا هل الماقف الجبار
اللي اعدانا يقرونه
#انتخابات_بن_سمار_برقم30
#عوض_سحمان
#عتيبه
بدر فهد retweeted
يا جرح قلب الشاعر اللي لهالحين
ماخانه التعبير والوقت خانه
يدوّر الراحه مع المستريحين
ولا يبيّن شي لاقرب خوانه
ماهمه الا دمعةٍ ف اخر العين
لا تنطلق مع انطلاقة لسانه
ماهوب باكي حب ومعانق وزين
يدوّر الميت ويبكي وزانه
ترا مافيه الا الزمان ابو وجهين
اللي يبكّينا وتضحك ثمانه
اما جمال وطول عنق ووسع عين
هذا ماهوب اللي بنبكي عشانه
بلا محبين وسوالف محبين
انا ما عاد احب احد للامانه
قلبي ماعاد يحننّ لك لو تحنّين
ماعاد قصّر لين خلص حنانه
ليته تولع عند دين وغلو دين
ماهوب عند فلانه ولا فلانه
عطيتك القلب اللي ما تستحقين
هاتيه بس ارجعه في مكانه
انا كذا ما عندي يسار ويمين
ما اميل ميله عودك الخيزرانه
حبيتك وجاملت واجد معك لين
صرت اعتبر حتى ابتسامتك اهانه
كل ما جرحتيني عذرتك تمونين
الظاهر انك خنتي من الميانه
قلنا تمادي سوي اللي تسوين
الا الخيانه كلش الا الخيانه
















