على كثر الوجيه اللي تبين وتختفي و تعود
أنا ماشفت مثلك … يا غزالٍ شايفٍ حاله
تميل الريشة اللي فوق راسك مع هبوب النود
ليا جيتي ما بين الناس مغرورة ومختاله
ملامح يوسفية زينها راهي .. ولا محدود
أجلّ من القمر وأجلّ من عشرة من أمثاله
ليا قالوا لك إنك فارقة قولي عليكم زود
عليكم زود وأزينكم وجه مشروب فنجاله
يا سبحان العظيم اللي فرق وجهك عن الموجود
يجي والناس حوله جالسين وكنه .. لحاله
عيون الناس لا لدّت على سلسالك المحسود
يحسدونه على طيب المكان وطيب الإطلاله
